ايه الاسباب اللى تخلى العربيه ماتسحبش؟؟؟
انا بعد 100 العربيه العداد بيقف وبيعدى 100 لما بيقى فى منزل بس مع العلم انى مغير طقم البوجيهات
ارجو الافادة
عرض للطباعة
ايه الاسباب اللى تخلى العربيه ماتسحبش؟؟؟
انا بعد 100 العربيه العداد بيقف وبيعدى 100 لما بيقى فى منزل بس مع العلم انى مغير طقم البوجيهات
ارجو الافادة
طيب مش تقول العربية نوعها اية؟
العربيه فيات 128 موديل 2001
طيب هو عموماً الـ100 كم/س حلوين اوي على
الـ128 وهي اساساً في احسن حالتها اخرها 120
لو حصلتهم على طريق مستوي مش منزل.
عموماً نضف فلتر الهوا كويس وشوف البوجيهات اللي انت
مركبها مرطبة ولا لأ، لو مرطبة غيرها.
نصيحة لوجة الله الـ100 كم/س حلوين اوي على الـ128
واساساً بيكون الثبات في الضياع يعني لو احتجت تعمل غرزة
خطرة وانت مضطر 80% العربية هتغربل منك دة غير الفرامل
لان فرامل الـ128 معروف عنها الضعف الشديد يعني لا يمكن
هتسعفك على السرعة دي في الوقوف الفجائي.
ال128 بتجيب اكتر من 100 فى الطبيعى و بتوصل ل140 و ساعات 150 كمان بسهولة, و أنا كان معايا ال1100 ووصلت بيها ل140 و فى طريق مستوى,
عموما حكاية السحب ديه ليها أسباب كتير منها :
- اسطوانة الدبرياج.
- حالة المحرك.
- حالة الاطارات (لو فى اطارات مهوية هتقلل السحب جامد).
- البوجيهات و الكاربيراتير.
فى حالتك دى أنا ارجح اسطوانة الدبرياج, خاصة لو العربية بتتعب فى المطالع تبقى غالبا اسطوانة دبرياج.
ايوه يا استاذ نادر لو حالتها كويسة بتوصل ل150 و سمعت انها بتجيب 160 مع ناس كمان,
بالنسبة لى انا جبت بيها 150 مرة واحدة و 140 مش مرة و لا اتنين لا كذا مرة بس كانت بتعصلج بين ال130 و ال140 شوية مع العلم انو عربيتى كانت قريبة من ال200 الف من غير عمرة و لا اى حاجة.
ال128 وزنها خفيف جدا 805 كغ عشان كده ممكن تجيب سرعات عالية بشرط تكون حالتها كويسة.
ناس كتير متوقعة انو ال128 مبتعديش ال100 و ده اعتقاد خاطىء تماما, و على فكرة ثباتها كويس جدا على السرعات ديه, خصوصا لحد 130.
طيب ممكن نقول انها ممكن تعدي 130 ... في نفس اليوم:)
لكن لا يمكن ابداً الثبات يكون قريب من الجيد حتى.
انا عندي معدل العفشة وكنت مركب كاوتش عريض
ومركب طقم مساعدين غاز مع السوست بتاعتة والعربية
كانت لما تعدي الـ100 وتيجي تتفادى بلاعة ولا اي مصيبة
من اللي في شوارع المحروصة تحس انها هتطير من على الارض.
وفي الاخر لما الكاوتش احتاج يتغير جبت المقاس الاصلي لاني اتاكدت
ان العربية دي غير امنة تماماً للجري فوق الـ100 كم/س ويعتبروا
كتير كمان لان الفرامل بتاعة العربية تعبانة جداً دة غير عدم توافر قطع
غيار جيدة كالتيل مثلاً.
انا عدى تحت ايدي عربيتين 128 موديلات مختلفة
في حقبات مختلفة، غير السيارات اللي كنت ركبتها وسقتها
مع معارفي واقاربي واصدقائي، عمري ما ارتحت لثبات
اي عربية منهم. لكن للامانة كانت احدث واحدة فيهم عاملة
مش اقل ما 100 الف كم الا عربية والدي رحمة الله،
ومكنتش اوعى عليها بصراحة.
اولا شكرا على الردود الكويسه دى
انا روحت لميكانيكى وطلعت مش بتسحب علشان سير الكاتينه كان ماخر وكمان نضف الكاربرتير وكشف على البوجيهات وظبط يعنى
المهم بقت تسحب وبتجيب معايا 140
بس فى حاجه حسيت ان صوت الماتور عليي شويه
دى سببه ايه
هل علشان السير لسه جديد؟؟
ولا حاجه تانيه؟
للمعلومة فقط ... الـ 128 أنا جبت بيها قبل كده 140 وكان فيه أكتر
لكن زي ما أستاذ نادر قال ... الثبات بعد الـ 100 في الضياع .. ولو ضربت فرامل العربية تعوم على طول