كبدة ولا بانيه ................. هتفرق أيه؟؟؟؟

صباح شريف حضراتكم .....
مش عارف ابدأ منين ... بس واضح كده ان الجينات الوراثيه شغاله معانا فى العيله الله ينور ...
خلايا التذوق الموجودة على لسان ابنى الصغير تقريبا كده عامله كوبى من جينات لسان الباشا اخويا الصغير ..
الاتنين مش بيطيقوا حاجه اسمها " كبدة " ... والجينات الوارثيه الخاصه " بالصراحه " برضه متطابقه مع اخويا الوسطانى ..
بشكل اوضح شويه .. من يومين كده كان نفسى فى شويه كبدة .. المهم المدام قالتلى ان الولد الصغير مش بيحبها و انا مش هعمل صنفين اكل ... فقت رافع حواجبى كده و قايلها بقولك ايه ؟؟ ... مش الواد سيف بيحب البانيه ... اعملى الكبدة بنفس تتبيله البانيه و مش هياخد باله ... المهم عملت الكبدة وحطت الاكل ....
و قمت قافش ودان الواد الكبير و قولتله .. بص يا عمرو .. انت عارف ان اخوك سيف مش بيحب الكبدة .. و الكبدة مفيدة و فيها حديد و احنا هنأكلهاله من غير ما يعرف انها كبدة و لو سألتك قول انها بانيه .... المهم الواد الكبير بصلى كده بمكر و قالى طيب حاضر و هو بيضحك .....
اتحط الاكل و السلطه .. و كله تمام .. و انا ماسك اللقمه و بأكل البيه الصغير و اقوله هيه الطيارة عاوز تخش المطار .. افتح بقك .. الله جميله .. ايه رايك بقى يا عم سيف ؟؟؟؟
حلوة يا بابا .. تانى .. حطلى شويه طحينه فى اللقمه اللى جايه ...
طبعا البيه الكبير مش عاجبه الكلام .. ليه و ليه بقى ان اخوة انضحك عليه و بقى ضحيه الاب المخادع ..
عمال يبصله و يضحك .. و انا عاروز ازرعه قفا .. بس من عاروز ابوظ الخطه .......
فين و فين لما الواد خلص الاكل ..... و قمت اغسل ايدى ... ورحت على الحمام
جه البيه الكبير وجنب ودن الصغير .. و قاله ... يا عبيط يا اهبل انا عارف ابوك اكلك ايه ؟؟؟
فرد يا عينى عليه المسكين الصغيرببلاهه منقطعه النظير ... بانيه لذيذ طبعا ...
فقام رادد الكبير و قاله : يا خيبتك الاويه .. ده كبدة اللى انت بتكرهها
الواد سمع كده .. كانه اكل سم .. و طار على الحمام و اعععععععععععععععععععععععع عععععععععععععععععع .
اعععععععععععععع
هو اينعم الحزام كان بيطرقع بس ميبوجعش جامد ...

صديقي المواطن
قولا واحدا المثل اللي لا يقبل أدنى غلط وهو من المسلمات ولا يقبل الجدال بيقول
التعليم في الصغر كالنفش عالحجر
وأنا أنصحك وإنت أكيد أفهم مني ولكني لا أنصح بالضحك على الطفل حتى في المسائل البسيطة وتحت أي ظرف ومفيش حاجة إسمها كذبة صغيرة والدي رحمة الله عليه مهما حصل وأنا طفل عمره مخدعني وقال لي مثلا أسكت وأجيبلك حاجة وخدعني بعكس طبعا اﻷمهات بتظطر تكذب كذبات صغيرة عشان تمشي يومها بس ده على حساب قيمة كلمتها في نظر أولادها
قصة حقيقية أنا مرة والدي كان عندي يمكن 7 سنين قلتله يا بابا لو حفظت القرآن تجيبلي شبح قاللي إحفظه وأنا أجيبلك شبح وقلتله طب لو حفظت نصه قال لي حديك أي عربية أكون أنا راكبها وحنزل منها وأركب أنا تكسي
المهم وصل عمري 10 سنين وحفظت وقتها نصف القرآن فقام والدي بارا بيمينه وإداني عربيته أولدزموبيل كانت آخر موديل تقريبا وعلمني السواقة وعند سن 13 بقت ليا لوحدي وأنا بسلفها لوالدي تخيل وفي سن 18 راح سجلها بإسمي رغم إنه مكانش يملك غيرها ولما أنا كبرت وربك رزقتي كنت كل سنتين بروح أدور أفخم عربية وأجيبهاله رحمة الله عليه
طبعا منكم من سيقول غلط 13 سنة ومعاه عربية ولكن كل ده عشان يعلمني إن من يعد لا بد أن يوفي بوعوده
مغزى القصة مهما حصل كن صادق مع أطفالك في الصغائر والكبائر ومش مصيبة لو معجبوش اﻷكل اللي إنت بتحبه بكره أكيد حيغير رأيه
وفي اﻵخر هو ولدك وأنت أدرى بكيفية تربيته
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

أنا بنتى مرة طلعتلى بإختراع أنها مش بتحب الطماطم فالسلطة مع انها بتاكلها من زمان ... بس لبستها الطبق من ساعتها مبقتش بتاكل إلا الطماطم. .. الى.بيعود ولاده عالدلع فاﻷكل مش بيخلص من دلعهم وهو كبير ... أنا أختى مبتاكلش محشى كرنب فمرة وإحنا صغيرين قلت اشمعنى هى انا كمان مش بحبه ومرضتش أكله والحاج قام بالواجب وبقت اﻷكله المفضلة عندى من يومها
نماذج بقا من الى اتدلعوا وهم صغيرين ... واحدة قريبتى تاكل الرز بلبن من غير جوز هند عشان بتقرف ... ابن خالتى لو شافك ماسك كوباية شاى يقرف يسلم عليك عشان بيقرف من الشاى ... واحدة أعرفها بتاكل الكشرى من غير عدس عشان شكله بيقرفها ... علقة محترمة فى الصغر تظبط كل دة :d

اقتباس:

---

المشاركة الأصلية كتبت بواسطة saddam

مغزى القصة مهما حصل كن صادق مع أطفالك في الصغائر والكبائر ومش مصيبة لو معجبوش اﻷكل اللي إنت بتحبه بكره أكيد حيغير رأيه
وفي اﻵخر هو ولدك وأنت أدرى بكيفية تربيته
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

+++++1
chapeau

اقتباس:

---

المشاركة الأصلية كتبت بواسطة ramymechanics

أنا بنتى مرة طلعتلى بإختراع أنها مش بتحب الطماطم فالسلطة مع انها بتاكلها من زمان ... بس لبستها الطبق من ساعتها مبقتش بتاكل إلا الطماطم. .. الى.بيعود ولاده عالدلع فاﻷكل مش بيخلص من دلعهم وهو كبير ... أنا أختى مبتاكلش محشى كرنب فمرة وإحنا صغيرين قلت اشمعنى هى انا كمان مش بحبه ومرضتش أكله والحاج قام بالواجب وبقت اﻷكله المفضلة عندى من يومها
نماذج بقا من الى اتدلعوا وهم صغيرين ... واحدة قريبتى تاكل الرز بلبن من غير جوز هند عشان بتقرف ... ابن خالتى لو شافك ماسك كوباية شاى يقرف يسلم عليك عشان بيقرف من الشاى ... واحدة أعرفها بتاكل الكشرى من غير عدس عشان شكله بيقرفها ... علقة محترمة فى الصغر تظبط كل دة :d

---

عااااوز ااقولك صح لانى بعمل اكتر من كده فى ولادى بس خاااايف ليكون اللى بنعمله ده غلط

اقتباس:

---

المشاركة الأصلية كتبت بواسطة m.abdou

عااااوز ااقولك صح لانى بعمل اكتر من كده فى ولادى بس خاااايف ليكون اللى بنعمله ده غلط

---

يا باشا غلط ايه ماحنا اتربينا كدة وأهالينا اتربوا كدة وطلعنا رجالة الحمد لله بس للأسف اللى انا شايفه حاليا ان كل الناس عمالة تدلع فى عيالها وبس يا حبيبى وبس يا بابا والنتيجة شايفينها كلنا فالشوارع شباب أنصاف رجال وبنات ربنا وحده يعلم بيهم أنا عن نفسى بربى ولادى بالأسلوب القديم بس بردو ميمنعش انى بدلعهم لكن مش فالمبادئ ولا الأساسيات نهااااااائى مهما حصل

علمت أبنك الصغير ياكل الكبدة
وعلمت أبنك الكبير الكدبة :dontudear:
على فكرة انا بعمل زي كدة مع ابني علشان ياكل لكن مش بالكدبة
لأ بالخداع
يعنى ممكن أقول لأبني الصغير إن أنا أشتريت خلطة مخصوص للأطفال
والخلطة دي تحفة بتتحط على الكبدة علشان تكون مميزة
والحركات دي وأكون عملها عادي
ولو عايزة أشارك أخوه الكبير معايا في الخدعة
ممكن أقول له نتعارك للحصول على قطعة من الكبدة المتبلة بالخلطة السحرية
وفيه حاجة مهمة جداً إن أولادنا دول رجالة المستقبل
لازم يتقبلوا كل شئ - يعنى أنا اللي ضايقني في قصتك إن إبنك قرف نفسه من حاجة هو أكلها بالفعل ، والدنيا بمشاكلها وخصوصاً في بلدنا العظيمة فيها حاجات كتير تقرف :banzai: هيعيش فيها إزاي بالشكل دا ؟ دي مش كبدة دي حياة !!

أنا مش متفق مع أجبار الأطفال على أكلة معينة, ده مش هيخليهم يحبوها ولا حاجة, ده بالعكس كده ممكن ينفروا منها أكتر..
و مش متفق برضه على فكرة الخداع حتى لو في الأكل, الطفل لو فقس الموضوع ثقته فيك هتقل بالأضافه لكرهه للأكلة دي..
طبيعي أن الأطفال في فترة سنية معينة أذواقهم بتتشكل, و ممكن حاجة يكونوا بيحبوها و بعد فترة ميبقوش طايقينها.. الطفل لسة بيكتشف نفسه و بيدور على ايه اللي يحبه و أيه اللي يبعد عنه..
فأعتقد أن أحسن طريقة هي أن الأب أو الأم يتعاملوا مع الطفل على أنه شخص ليه ميوله الخاصة اللي مش بالضرورة تكون مشابهة لميول والديه, الأقناع بالكلام ضروري كوسيلة لبناء حوار مع الطفل من ناحية و الناحية التانية أثراء معلوماته لو أنت بتكلمه عن فوائد أكلة معينة على سبيل المثال, فالطفل ساعتها هيكون عنده المعلومة و في نفس الوقت أتحطت في موقف هو اللي هيختار فيه..
ممكن لو رفض فتجرب تقوله ساعتها أنك هتضيف نكهة أو هتطبخ بطريقة معينة هتخلي طعم الأكل أحلى, فأنت برضه لازم تخليه عارف أنت هتعمل أيه و تسيبله حرية الأختيار برضه سواء يوافق أو يرفض.. و أكيد في بدايل كتير في الأكل لو هو فضل رافض..

الحقيقة, غالبية الأبهات و الأمهات في مصر دايماً بيعاملوا أطفالهم على أنهم دُمى (Doll يعني) يقتنوها فيعملوا فيهم اللي هما عايزينه سواء في الأكل و الشرب أو اللبس و غيره, و بيتناسوا تماماً أنهم يربوا في أطفالهم حتة حرية الرأي و المقدرة على أتخاذ أبسط القرارات.. فالأطفال دول بيكبروا يا إما بشخصية مشوهة أو يمكن معندهمش شخصية من الأساس غير قادرين على أتخاذ أي قرار يتعلق بحياتهم..

الناس سابت الخط الرئيسى بتاع مواضيع الاستاذ حسام (الخط الكوميدى)
وبتتناقش فى الضحك على الاطفال او عدم الضحك عليهم
........
انا عايز اقول هات لى اب او ام فى جمهورية مصر العربية مبيضحكش على ابنة او بنتة (اطفال) مرتين تلاتة فى اليوم عشان يبطل زن وعياط ودلع

نفسى اعرف الاطفال الصغيرة اللى بتتربى بالنقاش والكلام والاقناع دة وبتستجيب بيجيبوها منين ؟؟؟؟؟؟؟

من عمر افندى مثلا او من صيدناوى

وللاستاذ حسام بقولة عودة جميلة وكوميدية كعادتك
وفى انتظار المزيد

اقتباس:

---

المشاركة الأصلية كتبت بواسطة ZARIF

الناس سابت الخط الرئيسى بتاع مواضيع الاستاذ حسام (الخط الكوميدى)
وبتتناقش فى الضحك على الاطفال او عدم الضحك عليهم
........
انا عايز اقول هات لى اب او ام فى جمهورية مصر العربية مبيضحكش على ابنة او بنتة (اطفال) مرتين تلاتة فى اليوم عشان يبطل زن وعياط ودلع

نفسى اعرف الاطفال الصغيرة اللى بتتربى بالنقاش والكلام والاقناع دة وبتستجيب بيجيبوها منين ؟؟؟؟؟؟؟

من عمر افندى مثلا او من صيدناوى

وللاستاذ حسام بقولة عودة جميلة وكوميدية كعادتك
وفى انتظار المزيد

---

صح

اقتباس:

---

المشاركة الأصلية كتبت بواسطة saddam

قصة حقيقية أنا مرة والدي كان عندي يمكن 7 سنين قلتله يا بابا لو حفظت القرآن تجيبلي شبح قاللي إحفظه وأنا أجيبلك شبح وقلتله طب لو حفظت نصه قال لي حديك أي عربية أكون أنا راكبها وحنزل منها وأركب أنا تكسي

---

جزاك الله خير يا أستاذ صدام على المثال الجميل ده .. تصدق انا كنت حاسس من مشاركاتك و مواضيعك ان سنك أكبر من كده .. انما على حد علمي العربية الشبح كانت موجودة سنة 1997 .. و حضرتك كان عندك 7 سنين .. يعني حضرتك دلوقتي عندك 23 سنة .. مش عارف ليه حسيت من مواضيعك ان حضرتك أكبر من كده.

و ربنا يرزقك طول العمر و حسن العمل و شكرا مرة تانية على المثال القيم.

واحد صاحبى ابوه كان بيقوله هو واخواته حاجتين لو اتحطوا قدامكم ما تاكلوهمش نقى البلح و قشر البطيخ. .. اى حاجه غير الاتنين دول لو اتحطوا قدامكم وما اتاكلوش انا هاشوف شغلى .. و ما شاء الله لا قوة الا بالله العيال طالعه زى الفل و تاكل الزلط :)

بصرف النظر عن جديه الموضوع وتربيه الاطفال بقت حاجه صعبه
بس موضوعك وسردك مضحك جدا وجميل ربنا يعينك ويعين كل من ليده اطفال على حسن تربيتهم ويطلعهم رجال قد المسئوليه