الموضوع: نويت اصفى كل حاجه واسافر دبى افتح شركتى هناك

طيب بدل السفر ماتفتح محل ملابس حريمى وهيشتغل نار واهو نفس مجالك

صديقي المواطن
قولا واحدا من خلال تجارب سفر وعمل وإستقرار كثير في دول العالم ومنها دبي والشارقة ومن خلال خبرتي المتواضعة في الناس فأنا أعرف إن مفيش حد يحط في باله موضوع سفر وييجي حد ينصحه وحيبطل
وبما إني أنصح كل مصري إنه يسافر مش بس عشان الرزق ولكن عشان يوسع آفاقه ومداركه ويهذب خلقه ويخالط الناس ويشوف الدنيا بقت فين إلى اﻷمام وهو بقه فين إلى الخلف

وبالنسبة لدبي والبحربن فمبدئيا تنسى البحرين ﻷنها دولة صغيرة جدا جدا جدا ومفيهاش متنفسات للرزق
وبالنسبة لدبي فلا زالت أبواب الرزق مفتوحة ولكن ليست مثل اﻷول فهي تحتاج لخبرات وإستقرار سنين طويلة ثم تفتح مشروع أي الصح لازم تشتغل موظف في دبي أو أبو ظبي ثم بعد فترة تفهم الحياة والقوانين ثم تفتح مشروع جانبي خاص

وكمان اﻷصح ومن خلال تجارب صرفت عليها كتير وبقدمهالك مجانا
أنصحك في مصر لا تصفي أي حاجة ولا تبيع أي حاجة إنت تاخد فيزة زيارة لدبي وتاخد معاك 20 ألف جنيه تروح تقعد 30 يوم بالتمام والكمال تدرس حال البلد والقوانين وتشوف نفسك فيه فرص ولا مفيش وكمان تشوف حتقدر تستحمل تعيش في بلاد نظيفة ولا لازم تفتح الشباك في مصر وإنت بتشوف المزابل واصلة علو الدور الثاني
وبعد كده تحاول تشبط في وظيفة مشي الحال ترجع تصفي ممشيش الحال يبقه إنت متكونش صفيت عالفاضي
ونصيحة جانبية لو جاتلك رزقة بره تلمك إنت وعيلتك وبأجر أقل من مصر فقولا واحدا تروح عشان حتبقه إنسان تاني وإنتشلت أهلك من المستنقع وكمان شوية شوية حتتحسن أمورك

مصر دلوأتي مكان لتكوين ثروات فقط ولكن مفيش مكان يستاهل رتصرف فلوسك فيه في مصر وكل اﻷغنياء دلوأتي بيعمل شغل في مصر بس بيطلع 6 شهور يصرف فلوس ويتمتع بره مصر
إحنه مش بلد مصر عبارة عن عشوائية كبيرة ليها علم و للأسف السلبية والفهلوة والوحاشة وسوء الخلق وسوء المنظر هم المسيطرين والمصيبة إن الجيل الجديد به 3% جيد و 97% لا يصلح للإستهلاك البشري
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا لكل نصايحكم ياجماعه وجزاكم الله كل خير

اولا انا مش متزوج وسنى 29 سنه انا مجالى it والكومنيكشن بس انا حابب التجاره جدا جدا وبالفعل شركتى اشتغلت فى مصر 4 سنين وقفلت المقر فقط لكن السجل والبطاقه الضريببيه وسجل المستوردين كله شغال ومفتوح وبجدده لان كمان تطليع ورق زى ده من مصر دلوقتى بقا رخم مش سهل زى الاول

ثانيا فى دبى انا ليا اصدقاء ومعارف كتير وكنت عايش فى البحرين فتره لاتقل عن سنه ونص واحتكيت بالخلايجه وطريقه شغلهم وعملهم الخ الخ

طبعا هى دبى مش جنه واقتصاديا واستثماريا فعلا مصر تكسب منها احسن لكن ناهيك عن نافذه التجاره العالميه هناك
وانا بالفعل روحت زياره وشوفت كل حاجه على الطبيعه واتفاجئت ان الشغل الى بنزله ناس من بلدان تانيه عايزاه كمان تشتغل فيه فى بلدها

ونقطه مهم لاحظتها جدا فى السوق لما شركتى بقول انها هتبقا فى دبى لانى وكيل للمديل ايست لقت استحسان احسن بكتير مع تجار الدول حوالينا لما اقول ان شركتنا مصريه للاسف


ومنتظرين راى باقى الاعضاء....