تقرير صيانة الـ 20000 الف فى Speed Center للاكسنت RB

السلام عليكم ورحمة الله وبركاته
اتصلت بالبشمهندس هانى امبارح عشان اربط معاه على معاد صيانة
الـ 20 الف للاكسنت ار بى
و احنا معرفة قديمة من ايام توكيل قليوب
روحتله النهاردة الساعة 12 و ابتدى شغل فى العربية
الصيانة تم فيها الاتى :-
تغيير فلتر هواء
تغيير بوجيهات
تربيط العفشة
الكشف على التيل الامامى و الخلفى و تم رجلشة الهاند بريك
تنظيف فلتر التكييف
تربيط صلايب الدركسيون
انا كتت مغير زيت و فلتر برا عشان كان جيه معاد التغير و ماكنتش فاضى اعمل الصيانة
فغيرت الزيت و الفلتر للضرورة
و اشتريت قطع الغيار قبل ايام من الصيانة
جبت فلتر الهواء بـ 65 جنيه موبيس
و بوجيهات NGK يابانى مكتوب عليهم هيونداى بـ 100 جنيه
و دى الصور للصيانة
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ

http://nileup.com/up/uploads/nilemotors_13858207071.jpg

http://nileup.com/up/uploads/nilemotors_13858207082.jpg

هانى باشا و هو بيغير البوجيهات

http://nileup.com/up/uploads/nilemotors_13858207083.jpg

كشف على كمبيوتر العربية

http://nileup.com/up/uploads/nilemotors_13858213341.jpg

تلميع الموتور

http://nileup.com/up/uploads/nilemotors_13858213352.jpg

و كمان لزق استيكر المركز

http://nileup.com/up/uploads/nilemotors_13858213354.jpg

الشغل تم بحرفية و بمعدات حديثة مش زى التخلف اللى بنشوفه فى الورش
استاذ هانى شخصية محترمة جدا
و متشكرين على القهوة يا عم هانى :glasses18:

مبروك عالصيانة يا برنس
قولنا بقى اسعار قطع الغيار والمصنعيات :)

الف مبرووك الصيانه

فين بقى مكان المهندس هانى لو سمحت واخبار المصنعيات ايه يا ريت التفاصيل وشكرا

الله يبارك فيكم جميعا
مصنعية صيانة الـ 20 الف بـ 50 جنيه
قطع الغيار:
فلتر هواء بـ 65 جنيه موبيس
بوجيهات 100 جنيه
زيت شيل الترا 10000 كيلو بـ 300 جنيه
فلتر زيت بـ 20 جنيه

-مغيرتش فلتر البنزين ليه ?

هانى قالى ماتجيبوش
غيره على الـ 40 الف
قالى التوكيل كان بيغيره على الـ 40 الف لكن بعدين خلوه على الـ 20 الف عشان سياسة بيع قطع الغيار
و اعرف ناس بتغيره على الـ 100 الف
حتى لما كنت بتشرى قطع الغيار صاحب المحل استغرب قالى انت عايز تغيره ليه على 20 الف قولتله انا قريت كدة فى التوكيل قالى لاء الفلتر مش اقل من 50 الف و فيه ناس بتغيره على الـ 100 الف قالى سيبك من التوكيل عايز يبيع قطع غيار و خلاص
بالنسبة لمكان المركز هو خلف حديقة بدر
لو جاى من شارع جسر السويس و سور نادى الشمس على يمينك هاتمشى لحد ماتلاقى حديقة بدر على شمالك هتاخد اول يوتيرن اللى قدام بنزينة وطنية و تخلى سور حديقة بدر على شمالك و تكمل مع السور يمين و تعدى المزلقان و تدخل يمين فى اول شمال ادخل شوية فى الشارع هتلاقى المركز على شمالك

-والله هو مش غالي و في نفس الوقت البنزين مش نظيف فقولت اغيره احسن حتى التسقيف اللي عندي قل جدا بعض التغيير و العربية فاقت جدا فقولت مش مشكلة و كمان ممكن يكون بطلوا يغيروه على 40 الف يكون في مشاكل ظهرت ولا حاجة

-على فكرة التوكيل بقى بيحط زيت 5w30 بدل 5w40

ممكن حضرتك توضحلى موضوع اللزوجة دة ؟
يعنى لزوجة الشيل النترا ايه ؟
و حضرتك بتحط زيت ايه ؟

-هم كانوا بيحطوا زيت شل الترا 5w40

-عملت صيانة العشرين الف من شهر كده حطوا زيت شل الترا 5w30

-الزيت ال 5w30 هو الموصى به في الكتالوج و اخف على الموتور من التاني عشان المواتير الحديثة ال tolerances بين الاجزاء المتحركة ضيقة جدا فالزيت التقيل يتعب الموتور

-أنا كنت خايف من اللزوجة دي في الصيف بس لقيت في منتديات في السعودية مثلا و الحر بتاعهم اكتر من عندنا بيحطوا 5w30 عادي

يعنى الشل الترا فيه 5w30 و 5w40 ؟

مبروك عليك الصيانه وعقبال صيانة المليون :)
ربنا يحفظهالك

-انا اول مرة اشوف الترا 5w30 في التوكيل لكن بره كله 5w40

-اصل 5w30 لسه نازل جديد من شل في مصر

اقتباس:

---

المشاركة الأصلية كتبت بواسطة toty_305

-هم كانوا بيحطوا زيت شل الترا 5w40

-عملت صيانة العشرين الف من شهر كده حطوا زيت شل الترا 5w30

-الزيت ال 5w30 هو الموصى به في الكتالوج و اخف على الموتور من التاني عشان المواتير الحديثة ال tolerances بين الاجزاء المتحركة ضيقة جدا فالزيت التقيل يتعب الموتور

-أنا كنت خايف من اللزوجة دي في الصيف بس لقيت في منتديات في السعودية مثلا و الحر بتاعهم اكتر من عندنا بيحطوا 5w30 عادي

---

يا برنس موش موصى بيه فى الكتالوج جبت منين دى موش عارف :)
وعالفكرة سئ جدا وفى الصيف خطر جدا

-انا مش قولت لك الصفحة رقم كام في الكتالوج :36_7_7[1]:

-الناس بتستخدمة في السعودية عادي جدا :flower4u:

-دورة التبريد مغلقة و درجة الحرارة ثابتة داخل المحرك سواء صيف او شتاء :W_022:

-لو بصيت ف spec. sheet هتلاقي الفرق اللزوجة عند درجة حرارة التشغيل 0.8 مش الفرق الهلامي يعني :cool (1):

--فيه Chart بتاعه درجات الحرارة في صفحة 8-5

اقتباس:

---

المشاركة الأصلية كتبت بواسطة toty_305

--فيه Chart بتاعه درجات الحرارة في صفحة 8-5

---

ما هو الشارت موش بيقول ان 5/30 هى الانسب او الموصى بيه :flower4u:
لأ حاطط اكتر من درجة لزوجة ومداها وانت تختار الانسب لقيادتك واجواء بلدك
وحاطط تحذير لل 5/20 بالنسبة للشرق الاوسط
لكن منين جبت ان 5/30 الموصى بيه
بل عالعكس لا يناسب اطلاقا اجواءنا وان هتحتاج ليه ان الرقم الاقل يكون صغير وانا معنديش شتا بتكون درجة البرودة تحت الصفر
الزيت ده يناسب الدول ذات الاجواء الباردة
واتفرج عالزيت ده فى الصيف هيعمل معاك ايه ومداه الطويل ضار على الموتور

-بعد دراسة و تمحيص على النت و في مواصفات الزيوت لقيت ان انسب زيت لموتوري 5w30 مدعوما باستخدامه من توكيل العربية و استخدامه في السعودية ( درجات الحرارة هناك أعلى من هنا )

-أغلب السيارات الحديثة في دول العالم الغربي و الشرقي يستخدمون الان نوعان لا ثالث لهما ( التوكيلات يعني ) 5w20 في الدول الباردة , 5w30 في الدول الحارة

- التجربة أثبت تحسن في استهلاك البنزين و اداء المحرك نسبيا

-الكتالوج قال XW20 لا في الشرق الاوسط بس مجبس سيرة اي لزوجة تانية

-دخلتنا ان في حتة اللزوجة عند بدأ التشغبل انا بتكلم على لزوجة التشغيل عند درة الحرارة العادية Xw40 او XW30
بس مش مشكلة هاتلي زيت Fully Synthetic مش 5Wx او 0wX في مصر كلهم كده دي مش مشكلتي

-يعني انا مثلا في المحروسة سواقتي عايزة 15W40 fully synthetic فين ده في ماركة زي شل او فالفولين يبقى لو مشينا بالمنطق بتاعك انا اختار من ال Chart اللي يناسبني مش هعرف الاقيه

-5Wx و في السقعه بتاعتنا مثلا 10-15 درجة مئوية و الزيت مناسب لدرجات حرارة تحت الصفر انا خدت اقصى اقصى حماية للموتور في بدا الدوارة الللي هي من اهم اسباب تآكل الداخلي للموتور

-xW30 في الحرارة العالية فرق بسيط في اللزوجة مع XW40 توكيلات سيارات في مصر و دور حر زينا بتستخدمة اداء احسن و توفير اكثر

اقتباس:

---

المشاركة الأصلية كتبت بواسطة toty_305

-بعد دراسة و تمحيص على النت و في مواصفات الزيوت لقيت ان انسب زيت لموتوري 5w30 مدعوما باستخدامه من توكيل العربية و استخدامه في السعودية ( درجات الحرارة هناك أعلى من هنا )

-أغلب السيارات الحديثة في دول العالم الغربي و الشرقي يستخدمون الان نوعان لا ثالث لهما ( التوكيلات يعني ) 5w20 في الدول الباردة , 5w30 في الدول الحارة

- التجربة أثبت تحسن في استهلاك البنزين و اداء المحرك نسبيا

-الكتالوج قال xw20 لا في الشرق الاوسط بس مجبس سيرة اي لزوجة تانية

-دخلتنا ان في حتة اللزوجة عند بدأ التشغبل انا بتكلم على لزوجة التشغيل عند درة الحرارة العادية xw40 او xw30
بس مش مشكلة هاتلي زيت fully synthetic مش 5wx او 0wx في مصر كلهم كده دي مش مشكلتي

-يعني انا مثلا في المحروسة سواقتي عايزة 15w40 fully synthetic فين ده في ماركة زي شل او فالفولين يبقى لو مشينا بالمنطق بتاعك انا اختار من ال chart اللي يناسبني مش هعرف الاقيه

-5wx و في السقعه بتاعتنا مثلا 10-15 درجة مئوية و الزيت مناسب لدرجات حرارة تحت الصفر انا خدت اقصى اقصى حماية للموتور في بدا الدوارة الللي هي من اهم اسباب تآكل الداخلي للموتور

-xw30 في الحرارة العالية فرق بسيط في اللزوجة مع xw40 توكيلات سيارات في مصر و دور حر زينا بتستخدمة اداء احسن و توفير اكثر

---

يا ريت تقرا الكلام المكتوب حول الشارت
واغلب الكلام اللى في المنتديات تجارى بحت

-قرأته كويس و دورت كويس كمان ده منتدي ناس زينا كده بيتناقشوا مش اعلانات ومش نقاش كمان معظمهم بيحطوا 10w30 و 5w30

-عارف لو سألت مثلا في الموضوع الاعلاني بتاع ولف هنا على المنتدى هيقولك 5w30 او 5w40 بردو

-5w30 او 5w40 مش فارقة كتيير صدقني بس بلاش 10W60 ده مضر اكتر من 5w20 :new:

10/ 60 زيت تخليقى كامل بمعنى ان الزيت لزوجته بتزيد مع الحرارة وده بيدى افضل حماية للموتور خصوصا ان مسافاتى طويلة واجواء اتربة
فبالعكس غير مضر اطلاقا
وانا كنت بحطه للفيرنا والموتور لحد ما بعتها كان زيرو زى اول يوم
بالاضافة لو بصيت للشارت هتلاقيه مسموح

-مخدتش بالي انه في الشارت بس اصلي عمري ما سمعت حد بيستخدمة او بيبيعه حتى ف-مستغرب

مبروووووك على الصيانة وربنا يباركلك فيــها .
هية خليجــــى ولا وكيل ؟!

اقتباس:

---

المشاركة الأصلية كتبت بواسطة bunsh_fox

مبروووووك على الصيانة وربنا يباركلك فيــها .
هية خليجــــى ولا وكيل ؟!

---

الله يبارك فى حضرتك
وكيل مش خليجى

اقتباس:

---

المشاركة الأصلية كتبت بواسطة hacker5

الله يبارك فى حضرتك
وكيل مش خليجى

---

الف مبروك علي الصيانه و عقبال ص المليون

اقتباس:

---

المشاركة الأصلية كتبت بواسطة enghany

الف مبروك علي الصيانه و عقبال ص المليون

---

الله يبارك فيك يا كبير :glasses18:

مبروك الصيانة يا باشا