استفسار لملاك الفلوانس فيس ليفت. بالأخص اللى عنده العربيه من قبل شهر 10

فى الاول ربنا يبارك ليكم ف العربيه
العربيه رائعه لسه راكبها امبارح ف توكيل رينو الاسكندرية
كنت عاوز أسأل عن قوه التكييف بتاع العربيه لأن الموتور الجديد ده يابانى من نيسان فأعتقد الكومبرسور يابانى برضه- بس مش متأكد- و ف التوكيل بيقولى ايوه يابانى بس انا فتحت الغطا من قدام و حاولت اوصل لمكان الكومبرسور بس ما عرفتش ﻷنى معرفش شكله بيبقى عامل ازاى !!!!
فكنت عاوز اعرف قوه التكييف هل ممتازه ام جيد جدا و زى مثلا تكييف ايه ف العربيات ؟؟
و علشان كده كنت بسأل بالأخص اللى كان معاهم العربيه قبل اكتوبر ف الصيف يعنى
و يا ريت لو اى حد عنده تأكيد انه يابانى سواء بصوره من العربيه او لينك من مصنع تركيا

يوم الجمعه كنت ماشي درجه الحراره الخارجيه 32 دي كانت أعلي حاجه من ساعه ما جبت العربيه
التكييف كان شغال و كويس جدا
و قوته باينه عليه
و أنا أعرف أنه ياباني برده و مطور من نيسان و شبيه بالموجود بالنيسان كاشكاي و النيسان تيدا
توكل علي الله .. و ربنا يكرمك

أنا شارى العربية فى شهر 9 وبعمل التكييف على 24 درجة يمين وشمال وبشغل الفتحات الخلفية وكنت بتلج والمروحة على السرعة التالتة

رامي بيه هو التكييف عندك غير عندي ؟ انا الفئه e3s
بعملها auto soft و بتلج برده
هو النظام مختلف ما بينا ولا واحد عشان في حاجات لسه مش فاهمها عندي

اقتباس:

---

المشاركة الأصلية كتبت بواسطة mostafa magdy

رامي بيه هو التكييف عندك غير عندي ؟ انا الفئه e3s
بعملها auto soft و بتلج برده
هو النظام مختلف ما بينا ولا واحد عشان في حاجات لسه مش فاهمها عندي

---

انا مش بعمل له أوتو انا اول ما بشغله بعمله fast عشان يبرد بسرعة وبعد كدة بلغى الفاست وأخليه 24 يمين وشمال وبقفل زرار ال recycle اللى بيجيب الهوا من برة العربية طبعا وأسيبه لكن مجربتش الأوتو سوفت دة بصراحة هو عموما صورة التكييف بتاعى موجود فالتقرير بتاع العربية واعتقد ان هو نفسه اللى عند حضرتك وأما نتقابل بكرة ان شاء الله هتبقى تشوفه :36_2_33::36_2_33:

اقتباس:

---

المشاركة الأصلية كتبت بواسطة mostafa magdy

رامي بيه هو التكييف عندك غير عندي ؟ انا الفئه e3s
بعملها auto soft و بتلج برده
هو النظام مختلف ما بينا ولا واحد عشان في حاجات لسه مش فاهمها عندي

---

e3 / e3s العربيه واحده بالملى ... حضرتك ليه مش قادر تقتنع/تصدق ان الفرق فقط فتحه + حساس خلفى ؟؟؟ انا طبعا بهزر معاك :)
:36_2_33:

لما تكون فى عز الحر و لسه داخل العربيه و تكون مولعه ... يفضل انك تعمل fast ... لما تبدى تبقى cool و مبسوط تعملها soft ...
فكره الاوتو auto انه بيطلع الهواء من كذا مكان و ينوع بقفل ال recycle ثم يفتحه و يغير سرعات المروحه و درجات الحراره حسب حاله الجو ...

او انك تتحكم بنفسك فى درجات الحراره و سرعه المروحه و مكان طلوع الهواء و قفل ال recycle ...

تحياتى ...

ربنا يكرمكم جميعا
رامي بيه أصلي لاقيتك بتحكي في حاجات غريبه الصراحه فقلت ايه ده هو مش زي اللي عندي :D !
و Batman انا مقتنع اللي مختلف عن اللي معايا ال E2 انا بس كنت فاهم غلط
و اهو الواحد رمي 8 الالاف في الأرض بفتحه سقف و سينسور بس :D
دمتم بخير

اقتباس:

---

المشاركة الأصلية كتبت بواسطة mostafa magdy

ربنا يكرمكم جميعا
رامي بيه أصلي لاقيتك بتحكي في حاجات غريبه الصراحه فقلت ايه ده هو مش زي اللي عندي :d !
و batman انا مقتنع اللي مختلف عن اللي معايا ال e2 انا بس كنت فاهم غلط
و اهو الواحد رمي 8 الالاف في الأرض بفتحه سقف و سينسور بس :d
دمتم بخير

---

حضرتك لا تشغل نفسك بكده و استمتع بالعربيه ...
و اكيد عند اعاده البيع حتفرق اقله ٣/٤ الف عن الى مفيهاش فتحه :)
تحياتى ...

شكرا ليكم جميعا و ربنا يبارك ليكم ف العربيات

و مستنى حد يكون جرب التكييف فى درجه حراره 40 او 45 علشان أعرف منه قدره التكييف

انا ان شاء الله ناوى على الفئه اللى ب 155 الف و دى تكيفها مانيوال فهل ده بيفرق فى حاجه فى قوه التكييف عن التكييف التاتش

معتقدش ف فرق
ممكن يكون الاوتوماتك dual zone و التاني لأ
أنما اللي أعرفه انه المكبس واحد في الحالتين .. و ربنا يكرمك