عيوب بويك أمريكاني أولدز موبيل

**عبدة البروف** · 30-11-2013 06:48 PM

الرجاء الرد بسرعه علاشان واحدصحبي عاوز يشتيريها
هل هي عربيه عمليه
هل قطع الغيار موجوده
هل اسعار القطع الغيار غاليه وله وسط

**saddam** · 01-12-2013 01:06 AM

صديقي المواطن
أنهي نوع وموديل سواء من اﻷولدزموبيل ولا البيوك دول طبعا قطع غيارهم يمكن موجودين عند 6 أو 7 أنفار في عموم الجمهورية منهم طبعا صديقي وحبيبي الوطني فوزي الخواجة الحرامي المستغل في فيصل وعندك الدكتور في المريوطية وعندك محمد يوسف تحت الدائري في بهتيم ولكن هي عربيات محترمة جدا جدا بس بتحب صيانة ومش أي ميكانيكي يعرف بيها و 99% من مصلحي اﻷمريكاني لازم يذلوا ملاكها بس أنا بشجع على إمتلاك الأمربكاتي بصراحة عربيات دوسة بنزين وحده تنسيك الدنيا ومشاكلها
أما بالنسبة للبيوك فلو تقصد العربية القميئة عنوان الفشل اللي إسمها سكايلارك التي تعتبر أسوأ ممثل للعربيات اﻷمريكية فأرجوك لو حد إدهالك وإدالك عليها فلوس فإعرف إن الشخص ده بيكرهك ومش رايدلك الخير لا شكلا ولا مضمونا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**عبدة البروف** · 01-12-2013 06:56 PM

شكرا علي الرد هي بويك اولدز موبيل
فيها4زجاج كهرباء
ماتور2500سيسي
اتوماتيك
التكيف مش شغال
الزجاج الامامي عاوز يتغير
العفشه نشفه والبور تقيل في الملفات
والكوبلن بيتقتق
الطبلوه كويس
العدادات مش شغاله الصلون كويس
اللون اسود
محتاجه شويه سمكره خفيفه
تسوي كام صحبها طالب17
وانا بقول12
ايه رئيك فيها

**goaa** · 04-12-2013 09:15 PM

خالى بالك هى مش 128 هى بتحتاج مصاريف زى قطع غيار وبنزين وضريبه عاليه ولان حجمها صغير عن الكابرس فاممكن يتسقط ليها اى ماتور

**saddam** · 05-12-2013 10:47 PM

المشاركة الأصلية كتبت بواسطة عبدة البروف

شكرا علي الرد هي بويك اولدز موبيل
فيها4زجاج كهرباء
ماتور2500سيسي
اتوماتيك
التكيف مش شغال
الزجاج الامامي عاوز يتغير
العفشه نشفه والبور تقيل في الملفات
والكوبلن بيتقتق
الطبلوه كويس
العدادات مش شغاله الصلون كويس
اللون اسود
محتاجه شويه سمكره خفيفه
تسوي كام صحبها طالب17
وانا بقول12
ايه رئيك فيها

صديقي المواطن
مفيش حاجة إسمها بيوك أولدزموبيل
دي عربية ودي عربية تانية خالص
ودي غالبا من وصفك العربية سيئة الصيت وسيئة الخلق واﻷخلاق البيوك سكايلارك من أفشل ما أنتجه اﻷمريكان وآخرك معاه 9 آلاف وأنصحك بلاش منها أي نعم هي أكثر اﻷمريكاني القديم توافرا لقطع الغيار لكن هي عربية لا تصلح وحتتعبك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال