يا خبراء البايكس. ممكن حد يفيدني لو حجيب بايك ايه اﻷحسن في المتانة وقطع الغيار موجودة الموتور بينيللي vlx150 ولا البرفا ال BR200 ؟
عرض للطباعة
يا خبراء البايكس. ممكن حد يفيدني لو حجيب بايك ايه اﻷحسن في المتانة وقطع الغيار موجودة الموتور بينيللي vlx150 ولا البرفا ال BR200 ؟
انا جبت بينيللي vlx150
امبارح بس من عند ابو حوا ---- تحفة فنية
بس خد بالك راجعو كويس عشان حرامية كان ناقص حاجات ورجعت خدتها منة
اشتريتة ب 7550
ممكن حضرتك تقوللي ايه اللي كان ناقص بالظبط؟ وايه مميزاته وايه ملاحظاتك بعد ما جربته؟
انا شايف بينلى افضل الاقبال عليه بيزيد شكله نضيف
تجارب الناس ليه كويسه
كان فى حمالة بيسموها الحريمى كانت ناقصة روحت جبتها
بص يا سيدى النصيحة لوجة الله
vlr 150 عادة 6600 فرامل خلفى تيل مش باكم
150 VLR معدل فرامل امامى وخلفى باكم الفانوس الامامى مختلف عن العادى الشكمان وتانك البنزين العدادات والكرسى مختلف الجنوط ومقاس الكاوتش مختلف دة اللى انا جبتة 7550
200 VLR هو بالظبط 150 المعدل ماعدا الموتور 200cc ب 8600 ودة انصحك بية لو مششويرك كتير
انا الحقيقة الحمد لله عندى عربية بس الموتوسيكل عجينى اوووى وحاجة كمان انا لاسع حبتين :)))) خلاص بقى داخل على 40 سنة وعايز اعمل اللى نفسي فية قبل ما الصحة تروح
تحت امرك فى اى استفسار
انا عارف ان الموضوع اتقفل بس فعلا بقالى شهرين بسأل نفس الاسئلة عن النوعين دول بالذات ومش لاقى رد والغريب انى لما كنت بعمل سيرش على المنتدى مكنش الرابط ده بيظهر عندى
المشكلة انى اتعرفت على واحد نفس ظروفنا يعنى عنده عربية وعايز البايك للمشواير الصغيرة وشوية روشنه وبرضه هوا مهندس وساكن فى مدينة نصر وسنه داخل على الاربعين بس وكان معاه البينالى ال 150 وباعه علشان قال ان النقلات بتاعته ضيقة واشترى اسكوتر هامر f10 وسألت واحد زميلى بس ضايع شوية يعنى بتاع اكشن ومعاه سوزوكى 600 وركنها وجاب بنالى علشان تعبت من النط من على الرصيف وقالى البينالى كويس بس هوا بيقفل البكرة فى كل غيار فطبعا دى مش سواقة خاصة لواحد مبتدىء زى حالاتى
فكنت عايز اعرف هل البرافا ال200 لو ب 7580 حتيقى افضل ولا البينالى ال200 ب 8600 وايهما تسارعه افضل وايهما اكثر ثباتا وايهما اكثر شياكة
ولو حد تانى خد قرار يقول يقولى اخر الاسعار واستقر على ايه
البينلى التوكيل بتاعهم محترم وعلية ضمان والصراحة عجبنى جداا
المشكلة بصراحة عندنا فمصر الاستخدام السئ للحاجة رحت التوكيل كان عندى مشكلة فى الفرامل البايك بتاعى بقالو معايا شهرين ماشى تقريبا 40 كيلو الناس اللى واقفة عند التوكيل اللى مشتريين من شهريين ماششين 15000 تحس ان بيأجرو الموتوسيكلات او بينزلو بيها الغيط فمتبهدلا اووى
احب اقولك ان التوكيل جوة فى صنيين كتير عشان الدعم الفنى وصلحولى البايك من غير ولا مليم
اشتريت تيل فرامل خلفى احتياطى ب 30 جنية بينيلى
فلتر الزيت ب 12 جنية
لو ناوى توكل على الله البايك محترم وكويس
شكرا لذوقك يا باشا
طب زميلى اللى فى الشغل امبارح عرض عليا اشترى البينالى ال 150 بتاعه
هوا عامل على كلامة 3000 كيلو وموديل 2013 وكان شاريه مستعمل بعد 1500كيلو وطالب فيه 6 الاف جنيه
عايز اعرف السعر ده كويس ولا محتاج ينزل ولو هينزل يبقى كام علما انى مش هعرف طبعا اكشف عليه ولا اعرف حالته الا الحالة الخارجية واعتقد انها معقولة
ممكن الفرق بين البجاج والبينلى وهل صوته ناعم زى البجاج وهل فعلا ايطالى ولا ده كلام اصل التاجر قال ده ايطالى