يا رجالة هو انا كده غلطان !!
بسم الله الرحمن الرحيم
السلام عليكم ورحمه الله وبركاته
لقيت اعلان عن عربية كسر زيرو كلمت صاحبتها واتفقنا على السعر وكل حاجة وخلاص رايحين نكشف فى توكيل ابو رواش يوم السبت 30/11 وجوزها كلمنى قالى مينفعش ناخر عن كده لانى لازم اروح معاك وانا اجازتى جمعه وسبت
وانا عليا امتحان السبت مشروع وانا فى بكالوريس والله قلت خلاص كله علشان العربية اتفقت مع واحد انه يواصلنى هناك ونبقى الساعه 11 صحيت 8 الصبح وركبت من التجمع لحد السيدة وبكلم صاحبى مردش
قلت خلاص انا اكلم صحاب العربية وخصوصا هما ساكنين عند جامعه القاهرة واروح معاهم واهو منها اشوف عفشة واداء العربية اتصلت بيهم وقولتلهم انى هاجى معاكوا ودى مراته اللى ردت وكل حاجة تمام
وصاحبى اتصل بيا وقالى تعاليلى قلت مفيش مشكلة يبقى نتقابل هناك وكل حاجة تمام كده مرة واحده الاقى جوزها بيكلمنى وبيزعق بيقولى انت يعنى حجزت فى التوكيل قبل ماتعرف اننا هنوافق قولتله ايوة انا بتصل احجز فى التوكيل كل فترة ولما الاقى عربية اروح بيها ده العادى ولو عايز تتاكد رقم الحجز كذا وباسمى مع مهندس فولان
وفى الاخر اسفين بس احنا قلقانين منك وخيرها فى غيرها وانت فلوسك معاك :banzai::banzai:
ردى عليه يا عم استهدا بالله بس كده انا نازلك وسايب امتحانى وعامل حسابى على كل حاجة تيجى تقول كده قالى خلاص انا هنزل العربية المنطقة عين شمس وعايز تشكف عليها هناك فى اى بنزينة تحت امرك وانا واحد عندى 53 سنة وبقولك انا اسف
انا رجعت البيت شبه مصدوم ومخنوق من الامتحان اللى راح والاهم العربية اللى كانت هتريحنى من المواصلات مش عارف الموقف ده مين اللى غلطان فيه
