هى الأطفال جرالها أيه

**ramymechanics** · 30-11-2013 11:57 PM

موضوع محيرنى ومعرفش انا لوحدى كدة ولا فى ناس ملاحظة معايا
زمان كان معروف إن الأطفال دول هدوء ووداعة وبيناموا كتير ... انا اللى شايفه من ولادى ومن الولاد اللى حواليا سواء صبيان او بنات ... عفرتة ملهاش حل ويادوبك بيناموا خمس او ست ساعات وهم صاحيين بقا عفرتة وبهدلة فى كل حاجة والكلام دة انا ملاحظه فى كل الأعمار .. يعنى ابنى مثلا عنده سنة ونص بيفرهدنى معاه لحد لما بفرفر من التحليق عليه ... بنتى 7 سنين مش بتحب تلعب معايا الا شقلبة وخبط ومصارعة كمان ولاحظت ان فى اطفال كتير كدة حتى اما بروح النادى ملاحظ ان الأطفال مبقوش زى الأول لدرجة ان والدى بيقوللى هم ولادك بيتعاطوا حاجة ؟؟

**amr011111** · 01-12-2013 12:03 AM

مش هقدر أرد عليك دلوقتى اصلى مفرهد

**AhMeD MeTwAlY** · 01-12-2013 12:03 AM

يا سيدي الفاضل احنا كنا بنسمع القط والفار جرندايز حجات كابتن ماجد كعبول
انما دول جيبين من الاخر علي رايهم عبده موته و قلب الاسد
دا انت ولاد ملاك انا بنت اختي مدغدغه الشقه

**ramymechanics** · 01-12-2013 12:06 AM

المشاركة الأصلية كتبت بواسطة AhMeD MeTwAlY

يا سيدي الفاضل احنا كنا بنسمع القط والفار جرندايز حجات كابتن ماجد كعبول
انما دول جيبين من الاخر علي رايهم عبده موته و قلب الاسد
دا انت ولاد ملاك انا بنت اختي مدغدغه الشقه

واضح انى مش لوحدى
ماهو الأطفال الصغيرين لسة متفرجوش عالتليفزيون ولو عالدغدغة انا بعد غيرت انتريهين واوضتين نوم أطفال وسرير أطفال صغير فى الكام سنة اللى فاتوا غير ان ابنى بعد ما دوب سريرين اطفال اللى هم المعدن دول عملتله سرير زان عمولة النجار استغرب بيقوللى حضرتك هو السرير دة لطفل ؟؟

**mastr_n** · 01-12-2013 12:12 AM

ولا اى اندهاش
كلنا هذا الرجل

**طارق _عبد السلام** · 01-12-2013 12:25 AM

وقال ايه كل واحد بيدور على سكن جديد يقولك ابعد عن السكن جنب نجار او حداد ههههههه
ميعرفش ان كل بيت فيه اطفال بيبقى ورشه نجاره اصلا

**عصام غنايم** · 01-12-2013 12:43 AM

انا بقى ولادى بيضربوا بعض اكتر ما بياكلوا

ولذلك اشطرت على امهم اول ما ادخل البيت بعد حفلة الأستقبال تاخدهم وتقفل عليهم اوضتهم يطحنوا فى بعض بعيد عنى

دا انا عندى بنت سنه ونص اول كلمه نطقتها (( بابا هدوء)) من كتر ما بقلوهم كلمة هدوء وانا قاعد فى البيت

**ramymechanics** · 01-12-2013 01:28 AM

ما هو دة السؤال اللى انا بسأله .. السنافر دول جايبين الطاقة دى منين أذا كانوا بياكلوا بالعافية اساسا ومش بيناموا .. والعيل تلاقيه من ساعة ما يصحى من أدان ربنا عمال ينكش ويحرك ويفرك لحد ما ينام متأخر بالعافية وتبقى أنت بتجره للسرير وأول ما ينام تقوم تعملك شوب شاى عشان تريح أعصابك .. أنا بابا أما كان بييجى من الشغل كنت بجرى أستخبى فى أوضتى لحد ما ياكل ويريح وأشوفه على معاد الواجب عالمغرب كدة ... بنتى بقولها أنا لقيتك على باب جامع بتقوللى بردو هتجيبلى البووت وهتودينى الملاهى

-

-

الموضوع: هى الأطفال جرالها أيه

LinkBack

أدوات الموضوع

عرض

-

-

-

المواضيع المتشابهه

شفتوا الناس جرالها ايه؟

هى الاصحاب جرالها ايه ؟؟

هي الناس جرالها إيه

الناس جرالها ايه فى رمضان

الكلمات الدلالية لهذا الموضوع

المفضلات

المفضلات

ضوابط المشاركة