كيا برايد 2006 ايراني

**AhMeD MeTwAlY** · 01-12-2013 12:34 AM

السلامو عليكم ورحمة الله وبركاته
العبد لله الوالد قبل ما يتوفي بشهرين اشتري عربيه كيا برايد للبيت وكدا وانا مكنتش موجود
العربيه حالتها كويسه
الوصف من الخارج الوالد كان بيرشها وبيعمل السمكره الي فيها وتوفي وانا رجعت استلمت العربيه من بتاع الدهان
الرش خارجي للنظافه حزام السقف فبريكا
الموتور من الحاله الي انا مشيت بيها النهارده ما شاء الله
التكييف شغال بس مجربتوش بس علي كلام الحاج بعد لما اشتراها تكيفها كويس جدا
العفشه الله اعلم بس مفيش خربطه ولي حاجه هي فيها مقص يمين تقريبا وهكشف عليها بكره
وكان الوالد جايب ليها اربع فرد كوتش جديد من اسبوع
الصالون لسه فرش الفبريكا وحالته كويسه جدا مقدرش اقول ممتاز
الدهان الداخلي مفيش نهائي والله اعلم لاني مدققتش في العربيه لان الوفاه كانت الخميس وانا جيت الخميس بليل ولسه شايفها النهارده حتي مكنتش عارف لونها ايه ولي حتي شكلها
هي العربيه تقفيل ايراني وموديل 2006
انا سمعت فيها رقم كدا لسه بيرن في وداني واحد تاجر قاعد معايا بيقولي هتبيع قولتله ان شاء الله طلع الموبيل اتصل علي واحده ايوا يا مش عارف ايه في كذا تشيل بكام قاله 27-30 الف انا مكنتش فايق قولتله ربنا ييسر وسبلي رقمه قالي هكلمك بكره عشان يتفرج عليها
فا انا معرفش حاجه في السوق لاني مسافر من 6 شهور ومعرفش الاسعار ايه ؟؟
اسف اني طولت عليكم بس خايف يتنصب عليه ولي حاجه
وشكرا لاهتمامكم

**exelence** · 01-12-2013 09:48 AM

شوف حضرتك اخرها كام و لو حالتها كويسه فعلا" بلغنى و ربنا يسهل لانى بادور على عربية بقالى فترة يكون سعرها حنين و عاوزها من حد مضمون

**Gelgel2004** · 01-12-2013 11:38 AM

ربنا يرحم الوالد و يدخله فسيح جناته... اللهم امين
و ان شاء الله اخوانا فى المنتدى يقيدوك بالسعر المناسب..

**exelence** · 01-12-2013 12:55 PM

المشاركة الأصلية كتبت بواسطة ahmed metwaly

ان شاء الله
اول ما اكون جاهز لعملية البيع هكلم حضرتك علي طول وان شاء الله هتعجبك العربيه

البقاء لله و ربنا يتغمد الوالد برحمته و يصبركم باذن الله
معلش يا باشا انا فهمت غلط من الكلام و اعتقدت ان الوالد توفى من شهرين و ما خدتش بالى ان الوفاه كانت يوم الخميس .. ان شاء الله منتظر ردك

**Karim_Mohy** · 01-12-2013 01:51 PM

البقاء لله وربنا يرحمه ويدخله فسيح جناته ان شاء الله
وربنا يوفقك في البيع

**احمد المصرى** · 01-12-2013 03:12 PM

البقاء لله

**AhMeD MeTwAlY** · 02-12-2013 12:14 AM

البقاء والدوام لله وربنا يجعله في ميزان حسنتكم ان شاء الله
@ sama_sama
المشكله ان بسمع هنا اسعار من تجار تموت واغلبهم كانو يعرفو الحاج وعرفين الظروف ان انا معرفش في العربيه لان انا مستلمها زي ما قولت وهي خارجه من الفرن حتي مكنتش اعرف لونها ايه حتي لما كنت رايح استلمها كنت متردد جدا وانا بفتح باب العربيه واشوف الشغل خايف لتكون عربية حد تاني
بس الحمد لله العربيه مظبوطه وتمام هي تقريبا فيها مقص بايظ او جلده حاجه زي كدا والشبكه هظبطها لانها مش ركبة مظبوط
وربنا ييسر جابت المصاريف الي اتصرفت هبعها مجبتش هرفعها واركبها كل اجازه واريح دماغي