رحت انهارده استلم العربيه وارخص فى مرور فيصل !!

بسم الله الرحمن الرحيم ...
طبعا بدون تشاؤم لانى متشائم خلقه ...
رحت انهارده الصبح الساعه 6.30 ( طبعا ده ميعاد متحدد مع مندوب الاستلام من المعرض واللى هيجى معايا يرخص ) قابلت المندوب على الساعه 7 كده قدام المعرض ... المهم نزل جابلى العربيه من الجراج بصيت البصه التانيه على العربيه ( كله تمام ) المهم رحت المرور دخلت الفحص (اتقدرت شويه على ما يجى ابويا لان العربيه باسمه ومكنش معايا ... المهم انى خلصت الفحص ... ركنت العربيه بره ... دخلت المرور خلصت كل حاجه ... فاضل بس اللوح ... رحت علشان اجيب اللوح ... مفيش لوح فى مرور فيصل ...!!!!!
وطبعا مافيش رخصه غير لما اجيب لوح ... قعدت اهاتى هنا واهاتى هنا ... مفيش لوح ياعم !!
خصلت كل حاجه وواقفه على اللوح ... طلعت الساعه 12 انا وابويا والمندوب ... المندوب قالى انه سأل على اللوح هتيجى يوم الثلاثاء ... وطبعا هياخد العربيه تانى المعرض ... علشان مفيش استلام عربيه غير بالرخصه ( علشان التقسيط البنكى ) .... انا تعبت يا جدعان والله وزهقت ... فى مرور مافيهوش لوح ... ولو مفيش لوح تيجى بعد 3 أيام ... ايه القرف ده ,,,؟ والله انا مش عارف اعمل ايه لانى خلاص زهقت ... العربيه كانت معايا الصبح ... واتاخدت منى بعد الظهر ... سبحان الله ... حد عنده معلومه عن موضوع اللوح ده ؟!

ايه موضوع ما فيش استلام من غير الرخصة ده؟
أنا استلمت العربية من قبل حتي ورقها ما ييجي المعرض نفسه و قعدت ماشي بلوح تجارية أسبوعين من غير رخصة و كنت مقسط بردو.

حاجه غريبه المفروض العربيه تكون معاك معرض غريب انا اول مااستلمت العربيه المعرض عمل ورقه بالاستلام والعربيه فضلت معايه من غير ترخيص ٣ اسابيع ومندوب البنك. قال براحتك معاك ٢١ يوم عشان اخلص اجراء المرور روح يا باشا المعرض وخد العربيه مع إيصال استلام

وانا كمان مستلم العربيه ولسه ما روحتش المرور اصلا !!!!!!!!!!!!!!!!!!!!!!!!!!!!

الفكره ببساطه ان الى مقسط مع اى بنك ... البنك ده لا يعطى التاجر/المعرض فلوسه الا بصوره الرخصه و بوليصه التأمين ... و طبعا لا ينفع انك تأمن قبل ما ترخص ...
و لا قدر الله ان لو العربيه اتخبطت/اسرقت ... لا ترخيص و بالتالى لا تأمين و بالتالى التاجر ربنا يعوض عليه فى سعر العربيه !!
بعض المعارض بتكتب المستلم ايصال امانه بالمبلغ الاجمالى وقت استلام السياره ... حتى يتمم ترخيصه وتامينه ...

يعنى الموضوع بيعتمد على مدى معرفتك بالمعرض/التاجر ...

تحياتى ...

اقتباس:

---

المشاركة الأصلية كتبت بواسطة medo_vitch

بسم الله الرحمن الرحيم ...
طبعا بدون تشاؤم لانى متشائم خلقه ...
رحت انهارده الصبح الساعه 6.30 ( طبعا ده ميعاد متحدد مع مندوب الاستلام من المعرض واللى هيجى معايا يرخص ) قابلت المندوب على الساعه 7 كده قدام المعرض ... المهم نزل جابلى العربيه من الجراج بصيت البصه التانيه على العربيه ( كله تمام ) المهم رحت المرور دخلت الفحص (اتقدرت شويه على ما يجى ابويا لان العربيه باسمه ومكنش معايا ... المهم انى خلصت الفحص ... ركنت العربيه بره ... دخلت المرور خلصت كل حاجه ... فاضل بس اللوح ... رحت علشان اجيب اللوح ... مفيش لوح فى مرور فيصل ...!!!!!
وطبعا مافيش رخصه غير لما اجيب لوح ... قعدت اهاتى هنا واهاتى هنا ... مفيش لوح ياعم !!
خصلت كل حاجه وواقفه على اللوح ... طلعت الساعه 12 انا وابويا والمندوب ... المندوب قالى انه سأل على اللوح هتيجى يوم الثلاثاء ... وطبعا هياخد العربيه تانى المعرض ... علشان مفيش استلام عربيه غير بالرخصه ( علشان التقسيط البنكى ) .... انا تعبت يا جدعان والله وزهقت ... فى مرور مافيهوش لوح ... ولو مفيش لوح تيجى بعد 3 أيام ... ايه القرف ده ,,,؟ والله انا مش عارف اعمل ايه لانى خلاص زهقت ... العربيه كانت معايا الصبح ... واتاخدت منى بعد الظهر ... سبحان الله ... حد عنده معلومه عن موضوع اللوح ده ؟!

---

هههههههههههههههههههههه حبيبي انا حصل معايا زيك بالظبط بس الفارق انها وقفت معايا علي ورق الشاسية كان لسة موصلش المرور ولسة واصل النهاردة وعملتة بس لسة مقدمتش الملف هقدمة بكرة ان شاء الله وربنا يستر من موضوع اللوح دة لان عندنا برضو قالي الكمبيوتر عطلان وممكن ميطلعلكش نمر بكرة ربنا يستر :flower4u::flower4u:

اقتباس:

---

المشاركة الأصلية كتبت بواسطة svneleven

ايه موضوع ما فيش استلام من غير الرخصة ده؟
أنا استلمت العربية من قبل حتي ورقها ما ييجي المعرض نفسه و قعدت ماشي بلوح تجارية أسبوعين من غير رخصة و كنت مقسط بردو.

---

انا برضه مش عارف ... هما قالوا انك لازم ترخص وبعد ماترخص تيجى تانى تدينى الرخصه علشان اصورها وابعت الصوره البنك !
ربنا يستر بقى

اقتباس:

---

المشاركة الأصلية كتبت بواسطة batman372

الفكره ببساطه ان الى مقسط مع اى بنك ... البنك ده لا يعطى التاجر/المعرض فلوسه الا بصوره الرخصه و بوليصه التأمين ... و طبعا لا ينفع انك تأمن قبل ما ترخص ...
و لا قدر الله ان لو العربيه اتخبطت/اسرقت ... لا ترخيص و بالتالى لا تأمين و بالتالى التاجر ربنا يعوض عليه فى سعر العربيه !!
بعض المعارض بتكتب المستلم ايصال امانه بالمبلغ الاجمالى وقت استلام السياره ... حتى يتمم ترخيصه وتامينه ...

يعنى الموضوع بيعتمد على مدى معرفتك بالمعرض/التاجر ...

تحياتى ...

---

كلام حضرتك مظبوط ...

اقتباس:

---

المشاركة الأصلية كتبت بواسطة m i d o

هههههههههههههههههههههه حبيبي انا حصل معايا زيك بالظبط بس الفارق انها وقفت معايا علي ورق الشاسية كان لسة موصلش المرور ولسة واصل النهاردة وعملتة بس لسة مقدمتش الملف هقدمة بكرة ان شاء الله وربنا يستر من موضوع اللوح دة لان عندنا برضو قالي الكمبيوتر عطلان وممكن ميطلعلكش نمر بكرة ربنا يستر :flower4u::flower4u:

---

ده استهبال والله يا ميدو ... ربنا يكرم ونخلص

بسم الله الرحمن الرحيم ...

يوم الاحد الساعه 8.30 الصبح ... قلت اما اتصل اسأل اللوح جت ولا لأ ... اتصلت بالراجل اللى فى المرور ... ها ياباشا ؟؟ اللوح جت ... جريت اتصلت بالمندوب بتاع المعرض ... قالى خلاص روح على المرور وانا هجيلك على هناك ... وصلت هناك استنيته شويه بقت الساعه 9.30 ... دخلنا الورق كله مظبوط .. تك تك ... الورق بيتسجل على الكمبيوتر ... الموظف بيكنب اللون ... بممممم ... شبكت الكمبيوتر وقفت .. واوووو :D المهم ايه اللى حصل ... الشبكه وقعت 5 دقايق بس ... من 9.30 ل 12,30 الشبكه واقعه و5 دقايق وجايه ... سبحان الله ........... وبعدين بصوت عالى يا جدعان كله ياخد ملفه مافيش كمبيوتر انهارده ...بكره إن شاء الله ... لسه هشتم . لاقيت المندوب سكتنى ... وظبط الدنيا ... وسيبنا الملف هناك ... وهنروح بكره إن شاء الله نسجل وناخد الرخصه ... ( ده اللى المفروض يتم إن شاء الله ) والله اعلم ... احب اقول شكرا لمرورنا العظيم >>> :what: