هل تغليف صندوق subwoofer باللباد بيحسن من Basss

**kmk4** · 01-12-2013 05:38 AM

انا عملت صندوق للsubwoofer وتعبت لحد ماصممته بنفس المقاس اللي بيدي اعلى اداء
وانا بقفل الصندوق واحد صديقي قاللي هات لبباد وغلفه من جوه عشان ال Bass يطلع مكتوب وصوته احسن (اللباد ده اللي بيستخدم في عزل الصوت في الارضيات ) هل الكلام ده حقيقي ولا

**Salamonti** · 01-12-2013 12:38 PM

اللباد حقيقي بيفرق كتير في الصوت :)
وانا شخصيا بحب اعمله لكن هي أولا وأخيرا مسألة أذواق
فيه ناس بتحب تسمع الصوت ناعم وعميق وناس تحب تسمعه خشن..

المهم وانت بتبطن الصندوق من جوة حاول على قد ما تقدر انك تخلي اللباد حتة واحدة صحيحة على بعضها..
بمعنى انه لو الصندوق معكب فانت هاتقطع حتة اللباد على شكل علامة زائد (+) كبيرة شوية هاتلف معاك الصندوق كله بسهولة

**Salamonti** · 01-12-2013 12:45 PM

عملتلك شكل كروكي ازاي تقص الشكل المطلوب..

طبعا انت هاتمشي عالخطوط الخارجية بس عشان تطلع الشكل ده كله حتة واحدة..
انما التقسيمة الداخلية دي انا موضحهالك عشان تفهم قصدي من الرسمة..

وطبعا مقاسات الأضلاع هاتاخدها من مقاسات الصندوق بتاعك :)

**kmk4** · 01-12-2013 06:08 PM

Alf shokr 3ala el mosa3ada bs hal ellebbad da el3adi abo 15 gneh meteren fe meter ?

**Salamonti** · 02-12-2013 01:37 PM

أه هو العادي ده مفيش مشاكل..
واذا كان السماكة بتاعته أقل من 2 سنتيمتر يبقا حط طبقتين فوق بعض :)

**kmk4** · 02-12-2013 04:54 PM

تسلم على المساعدة جاري التنفيذ

**د.محمود صلاح** · 02-12-2013 06:06 PM

اعتقد نوع وسماكة الخشب اللي معمول منه الصندوق هو الفيصل .. وكمان الثقوب اللي في الصندوق .. ده انا عامله ومطلع بيز محترم

بس مركب امبليفاير 700 وات تقريبا مش فاكر

**hanen15** · 03-12-2013 05:41 PM

بعد اذنك اسلام باشا

متنساش ان ده صب بايونير وبيختلف عن الانواع الاخرى اللى زى البانش والالباين وال jbl

ممكن يعمل كفاءه معقوله على كده

**ahmed_m_ashraf** · 04-12-2013 11:06 AM

بالنسبة للثقوب، إللي أعرفة إن البوكس إما sealed أو ported. ال sealed إللي هو المعزول المفروض ميكونش فيه أي منفذ للهواء، حتى المفروض تعزل الحامات بتاعته من جوه بالسيليكون. أما ال ported أو ال vented بيبى ليه port أو مخرج للهواء بس ده لازم يكون ليه مقاسات معينه حسب صانع الصب ما بيقول, يعنبي قطر وطول وكده، إنما بصراحة موضوع الثقوب إللي في جدار البوكس مباشرة ده أول مره أشوفة.

بالنسبة لموضوع اللباد بقى، هو أنهى بيدي بيز ناعم وعميق؟ باللباد ولا من غير لباد؟

-

الموضوع: هل تغليف صندوق subwoofer باللباد بيحسن من Basss

LinkBack

أدوات الموضوع

عرض

-

-

-

المواضيع المتشابهه

تغليف الاكصدام

عزل أرضية الاوبترا باللباد عند جينز كار

تغليف اللوجان

اريد معرفة الفرق بين الactive subwoofer والpassive subwoofer

GM Sony Explode 2 Symphony Subwoofer & 1 Shallow Subwoofer Pioneer For Sale

الكلمات الدلالية لهذا الموضوع

المفضلات

المفضلات

ضوابط المشاركة