لكل اللي حاجز الكورولا ولســـــه مااسـتـلمـش

**ahmedroshdy** · 01-12-2013 10:25 AM

ياجماعة اللي حاجز الكورولا 2014 الفئة التانية او الهاي لاين - خلال شهر9 – ولسة مااستلمش ياريت يتواصل معانا علشان باذن الله نحدد يوم ونروح كلنا الفرع الرئيسي بالعباسية الاسبوع ده نشوف ايه الموضوع وهل في عربيات في مصر ولا لاه وهنستلم امته بالظبط, فتره الحجز (الشهرين) خلصوا ومفيش حاجه مؤكده لحد النهارده, المفروض ان ده وكيل محترم وعلى الاقل عارف معاد استلام الدفعات ومش معقول من قبل العيد مفيش عربيات دخلت مصر..
ارجوا التواصل سريعا لتحديد اليوم.....

**dr.mohm** · 01-12-2013 11:57 AM

معاك , انا رايح انهارده ابو رواش هاشوف ايه الاخبار و ابلغكوا بردو

**ahmedroshdy** · 01-12-2013 12:08 PM

المشاركة الأصلية كتبت بواسطة dr.mohm

معاك , انا رايح انهارده ابو رواش هاشوف ايه الاخبار و ابلغكوا بردو

تمام. احنا كده حوالي 4
1-iUsef
2-ahmedroshdy
3-أ/ باسم نجيب
4- dr.mohm

عاوزين عدد اكتر علشان نضغط عليهم و ياريت الناس تقول الفئة و الفرع وتاريخ الحجز

**abofandy** · 01-12-2013 12:10 PM

صح الكلام
ياريت تجمعوا بعض وتبقوا زى مجموعة وتدخلوا على مدير المبيعات ا /محمد حسن او مدير المعرض ا/ خالد قاسم ف العباسية
وتعرفوا التفاصيل والمواعيد بالضبط
ومتنسوش وانتوا هناك تعرفوا اخبار عن التعديل الجديد واية الى هيتغيير بالضيط وهل فية تاثير ع العفشة او الثبات او ممكن العفشة ف الدفعة الجديدة متبقاش رياضية ... بس السوال يبقى لمهندس صيانة مش مبيعات لان بيفهموا اكتر ف النقطة دى .... فية مهندس عناك شاطر اوى وشباب اسمة اسامة ممكن تسالوة

وربنا يوفقكم يارب ف المشوار وترجعوا بالخبر اليقين الى يريح قوبكم

**dr.mohm** · 01-12-2013 01:34 PM

اانا حاجز يوم 3/10 تاني فئه اوتوماتىك

**dr.mohm** · 01-12-2013 06:07 PM

آخر اخبار انهارده بعد زيارة لفرع ابو لاواش..في عربيات جاتلهم انهارده بس لسه معملوش ليها حصر و توزيع علي الناس اللي حاجزه..عدد العربيات اللي جت كام ؟؟ مقاليش بالظبت بس علي كلامه عدد قليل جدا..انا كان ترتيبي في الحجز التالت قاللي الاتنين اللي قبلك استلموا في الدفعه دي و انت الدور عليك و هكلمك بكره اعرفك هاتستلم الدفعة دي ولا اللى جايه..انطباعى..في كدب كتيير و في عربيات بس بينقطوا الناس ليه مش مفهوم

**iUsef** · 01-12-2013 06:26 PM

المشاركة الأصلية كتبت بواسطة dr.mohm

آخر اخبار انهارده بعد زيارة لفرع ابو لاواش..في عربيات جاتلهم انهارده بس لسه معملوش ليها حصر و توزيع علي الناس اللي حاجزه..عدد العربيات اللي جت كام ؟؟ مقاليش بالظبت بس علي كلامه عدد قليل جدا..انا كان ترتيبي في الحجز التالت قاللي الاتنين اللي قبلك استلموا في الدفعه دي و انت الدور عليك و هكلمك بكره اعرفك هاتستلم الدفعة دي ولا اللى جايه..انطباعى..في كدب كتيير و في عربيات بس بينقطوا الناس ليه مش مفهوم

والله الكلام كله فعلا مش مفهوم أنا كلمت مدير مبيعات تويوتا امبارح قالي العربيات موجوده في الجمارك ومش عرفين يدخلوها عشان مشكله مصر مع تركيا وان الورق مش بيخلص علي شان كده وانه عمل تقرير لليابان ولسه مش عارفين هيعملو ايه ومدير مبيعات فرع العباسيه كلم اللي حاجز معاه في التجمع قالو ليه هتسلمو في شهر ١ كل اللي حجازين في ٩ هيستلمو الشهر ده ووعدني ان في دفعه داخله الاسبوع ده لو مش هستلم منها هستلم من دفعه في نص ١٢
والأستاذ ابو فندي استلم من فرع العباسيه وهو حاجز ١٩-٩ وانا قابلت واحد حاجز ١٤-٩ من التجمع لسه مستلمش
تلخيص الحاله دي ( بظراميت)

**Hany Saad** · 01-12-2013 06:47 PM

مع كامل أحترامى لتوكيل تويوتا و لكن هذا لعب بالكلام و أستخفاف بالعقول.....القصة و ما فيها أن الطلب على الكورولا فاق العرض.....يعنى المصنع مش قادر يلبى الطلب على السيارة عالميا و بالتالى حصة مصر مش كبيرة و مش بتيجى دايما زى ما هو مطلوب...يعنى مثلا الفئة اللى ب١٨٥ ألف بتيجى كمية بسيطة و بتتوزع على طول....المفروض التوكيل يكون أمين و صادق فى كلامه و يقول أن التسليم هيتأخر لكن للأسف هو خايف يرجع الحجز....

المشاكل مع تركيا سياسية و ليست إقتصادية.....العلاقات الأقتصادية مع تركيا شغالة مفهاش أى مشكلة....توكيل رينو بيستورد من تركيا و مفيش مشاكل أو مماطلات....
مفيش حاجة أسمها العربيات وصلت و مش عارفين يخلصوا ورقها فى الجمرك....الكلام ده أستخفاف بالزبون.....العربيات بتدخل منطقة حرة و ورقها مفيش أسهل من كده و دى شحنات بتيجى كل شهر يعنى مش سلعة جديدة و لا محتاجة لجنة فحص.......أمتى الناس يحترموا عقلنا و يقولولنا أن فى تأخير تسليم من المصنع و الشحنة هتوصل يناير و لكم كامل الأختيار فى سحب الحجز أو الأستمرار....كلام يدخل العقل و يحترمك كزبون........