مساء الفل على كل الاعضاء المحترمين انا معايا لانسر بومه 2005 و اذ فجأه كده الفتحه علقت و مش تفل و لا تفتح و الزارا بيشتغل بالعكس
قراءت هتا كتير بعض الاعضاء قالوا برمجه و البعض الاخر قال ننظف المجارى و نحط شحم
المهم جربت كل حاجه ممكنه و مفيش فايده ........
توكلت على الله و فكيت السقف كله و خرجته بره العربيه و حاولت برده مفيش فايده .......
فكيت الفتحه بالكامل كلها بالموتور و خرجتها بره العربيه و رحت على البنزينه غسلتها بمسدس المياه مع البنزين و لاقيت فى الموتور مكان الانكيه جربت لاقيته بيحرك الفتحه مانيول جربت كام مره لاقيتها كويسه
شحمت و زيت و كنت متخيل انى مش حاعرف اقفل الدنيا تانى المنظر صعب جداااااااا
توكلت على الله و ابتيدات اركب واحده و احده و جربت لاقيتها تمام بفضل الله
و قولت فرصه السقف بره العربيه غسلته غسله تمام التمام و بجد تحس ان العربيه نورت من جوه وقفلت و كله تمام الحمد لله
بس نسيت اركب خراطيم المجارى و دة حيحتاج انى افك اجزاء تانى من السقف بس مش مشكله دلوقتى
و نصحيتى لاى حد عنده فتحه سقف النظافه ثم النظافه و الصيانه الدوريه ضررررروررررى جدا علشان بجد حاجه تضايق
انا حبيت انقل تجربتى و يا رب تكون مفيده لباقى الاعضاء
المفضلات