حادثة البورش gt !! اتقسمت نصين !! ؟؟

**rotanamasoud** · 01-12-2013 06:45 PM

قوه الموتور تحولت من حركه لتصادم وطبعا محركات جباره تعمل تصادم جبار
سرعه 120 =33 متر فى الثانيه اللى الناس بتعتبرها سرعه عاديه جدا تخيل انك شوفت جسم ادامك على بعد 30 متر وانت ماشى بسرعه 120 اعتقد مستحيل متخبطوش لانه حيكون لامسك فى اقل من ثانيه

**Deshahcoka** · 01-12-2013 07:01 PM

قضاء الله و قدره اكيد :) بس الحتة البورشة فعلا طلعت فشنك !

هوا غالبان السوبر كارس تلاقي الانقاسم ده امان ليها عشان الموتور ال 12 سلندر ميلبس في قفى الي سايق ! ده تقدير مني يعني مش اكتر !

ربنا يكفينا الشر و يخفف علينا القدر و كل المستخبي :)

و تلاقي حمو بيسوا راكب الفرنا دلوقتي و ماسك الدائري غرز و يقلك بورش جيتي ايه بس و هبابا ايه هوا ملك الاسفلت :)

**besso** · 01-12-2013 07:19 PM

زي ما الاعضاء قالو اختبار السرعه بيبقى على سرعه 60 km/h فالشركه ما قالتش ان الخمس نجوم دول على اى سرعه
ومن وسائل الحمايه ان جسم العربيه يكون فيه خاصيه امتصاص الصدمات عن طريق انه يبقى ضعيف بمعنى ان مقدمه السياره تتكسر قبل ما الكابينه يوصل ليها الاصدام
زى فكره المساعدين فى العربيه
لكن هما اللى غلط و لانهم مشيو بسرعه رهيبه اللى هى اكيد اكيد مش اقل من 250km/hوانت طالع

شوف الفيرارى دى

http://www.carzi.com/wp-content/uploads/enzo-crash.jpg

ولا الموسيلاجو دى
http://tnp.sg/sites/default/files/st...ic/sfcrash.jpg

اهو نص خلفى للافينتادور

http://t1.gstatic.com/images?q=tbn:A...uOVEAaFogMrtBX

العربيات كلها بتتساوى على السرعات العاليه دى

**kokowasfy** · 01-12-2013 10:53 PM

سرعة جنونية + عربية خفيفة = قضاء اللة قدرة ممكن يكون الواحد قاعد فى بيتهم وتقع علية النجفة تموتة و الراجل دا دقت ساعة الموت لية

**hilal** · 02-12-2013 03:03 AM

حكمة وردت (ليست بحديث شريف): خمس كلمات مكتوبات على ساق العرش منها:
لا راحة في الدنيا
ولا حيلة في الرزق
ولا شفاعة في الموت
ولا راد لقضاء الله
افيقوا يرحمكم الله

**mahmoud.69** · 02-12-2013 09:21 AM

اوﻵ قبل قل شيئ لا مفر من الموت
بس انا لسه والله انهارضة بكلم مع صديق ليه في الشغل عن حدثة الممثل بول وقولت ليه دي عربية بتتباع برة بي ملاين وبتنزل اسبشيل اردر ومابالك انهم مشاهير يعني اكيد جايبن عربية فيها اضافات اعلي وكمان الناس الي بتقيس التصادم علي سرعة 60 طيب ليه عملو امبير العربية 300 ومخلين العربية تسمح انها توصل للسرعه دي يبقا دي اكيد في خلل من الشركة الصانعه للعربية انا في مرة علي فجرية كدة شفت حدثة في صلاح سالم عربية باسات والله دخلة في نخلة مش زي البورش الي دخلة في عود قصب دي لا داخل في نخلة والله زي مابقولكم كده وشكلة كان علي سرعة لاتقل بي اي حال من الاحوال عن 200 الي حصل كا الأتي الماتور اتنطر خارج السيارة النص الامامي مدمر نهائي الكبينة من الداخل سليمة فا معقول الباسات الي اقل قيمة من البورش تكون افضل منها ؟؟؟؟؟

**م.محمد علاء** · 02-12-2013 09:41 AM

المشاركة الأصلية كتبت بواسطة ahmed_adham

غالبا المطافي قصت العربيه لاخراج الجثث والله أعلم.

انا شوفت عربيه كانت عامله حادثه..
و كان شكل العربيه بشع بصراحه.وكان كل اللي فيها متوفي.
بعد متطلعوا الجثث.شفت العربيه..
مكنتش عارف أبين نوعها .
بتوع الحمايه المدنيه عشان يطلع الجثث أو المصاب بيقص في العربيه وبيستخدم صواريخ قطع و تنايات.
العربيه مش بيبان ليها أي ملامح.
فغالبا العربيه دي قبل إنفجارها كان شكلها أهون بكتير من الصور الحاليه

**Anxs111** · 04-12-2013 06:24 AM

المشاركة الأصلية كتبت بواسطة mahmoud.69

اوﻵ قبل قل شيئ لا مفر من الموت
بس انا لسه والله انهارضة بكلم مع صديق ليه في الشغل عن حدثة الممثل بول وقولت ليه دي عربية بتتباع برة بي ملاين وبتنزل اسبشيل اردر ومابالك انهم مشاهير يعني اكيد جايبن عربية فيها اضافات اعلي وكمان الناس الي بتقيس التصادم علي سرعة 60 طيب ليه عملو امبير العربية 300 ومخلين العربية تسمح انها توصل للسرعه دي يبقا دي اكيد في خلل من الشركة الصانعه للعربية انا في مرة علي فجرية كدة شفت حدثة في صلاح سالم عربية باسات والله دخلة في نخلة مش زي البورش الي دخلة في عود قصب دي لا داخل في نخلة والله زي مابقولكم كده وشكلة كان علي سرعة لاتقل بي اي حال من الاحوال عن 200 الي حصل كا الأتي الماتور اتنطر خارج السيارة النص الامامي مدمر نهائي الكبينة من الداخل سليمة فا معقول الباسات الي اقل قيمة من البورش تكون افضل منها ؟؟؟؟؟

ما هو عشان كدا أنا شاكك في إن الحادثة دي فيها سر ...وممكن تطلع بفعل فاعل ....