السلام عليكم
انا كنت عايز ياجماعه اعرف رأيكوا في موضوعين
1.جواز الاقارب
2.ان الواحد لو اعجب بواحده بس عرفت ان هيا اكبر منك...حتفرق معاك ولا لأ؟؟
عرض للطباعة
السلام عليكم
انا كنت عايز ياجماعه اعرف رأيكوا في موضوعين
1.جواز الاقارب
2.ان الواحد لو اعجب بواحده بس عرفت ان هيا اكبر منك...حتفرق معاك ولا لأ؟؟
1- Realtives marriage : possibilty is high for birth deffect or inherited illness
2- better is younger because aging process show earlier in women
وعليكم السلام ورحمة الله وبركاته
انت معاك ست ستات لازقين في اسمك يا أستاذ إيهاب، كلهم قرايبك أو أكبر منك؟ :)
قفشة كدة ع الماشي وكل سنة وانت طيب :)
الزواج بغير الأقارب سنة و فرق السن مش مشكلة بدليل زواج النبي من السيدة خديجة
انا مش اقدر اقول رايي في تاني نقطه لاني بنت مش ولد
بس بالنسبة للنقطه الاولي
زواج الاقارب زيه زي الزواج من بره
ده ممكن يحصل فيه مشاكل و ده ممكن يحصل فيه مشاكل
بالنسبة لموضوع العيوب الخلقيه اللي بيقولو ان ممكن زواج الاقارب يسببها
فده بقي ممكن يتثبت اذا كان ممكن يحصل او لا من خلال تحاليل قبل الزواج
انا شخصيا بابا و ماما ولاد خالة
و الحمد لله لا في مشاكل و لا في عيوب
و عندنا نسبة كبيرة من عيلتنا متجوزين من داخل العيله
و برضه الحمد لله مفيش مشاكل و المواضيع مستقره بنسبة كبيرة
بخلاف المشاكل الطبيعيه اللي موجودة في كل بيت
بالنسبة لتاني نقطه فممكن الشباب يفيدوك
بس بالنسبة لرايي الشخصي
مادام مفيش مشاكل بالنسبة للطرفين و الموضوع ده مش مسببلهم مشكلة يبقي خلاص
المهم التفاهم و الحب و الاحترام
و اي شيء بعد كده ممكن التغاضي عنه_ في حدود المعقول طبعا_
(يعني مش اختلاف ديانه مثلا)
اتمني اكون افتدك
بوســـــــي
شكرا يا جماعة علي ردودكم
انا حقوللوكوا رأيى بصراحة في النقطتين..
بالنسبة للنقطة الاولي وهي جواز الاقارب انا بصراحة شايف ان مادام الاثنين بيحبوا بعض :wub5:و عايزين بعض خلاص!انا من رأيي انهم يتوكلوا علي الله بس طبعا لازم يعمللوا التحالليل قبل الزواج (زي ما قالت بوسي) وانا اعتقد ان موضوع التحاليل ده لازم يتعمل قبل الزواج سواء حتتجوز قريبتك او غيرها....بس يتفضللي في الموضوع ده انك لو عايز تتجوز قريبتك يبقي خد بنت خالتك بلاش بنت عمتك علشان لما تكون حماتك اخت مامتك احسن بكتيييير لما تكون هخت باباك علشان العلتين مايولعوش في بعض:boxing_smiley:
بالنسبه للنقطة التانية انا حتكلم عليها من وجهة نظري الشخصية و هيا انا بتخيل نفسي ان انا اتعرفت علي واحده و حصل اني حبتها و بعدين اكتشفت ان هيا اكبر مني؟؟؟
انا متهيألي ان مش حضحي بحبي ليها بسبب الموضوع ده...بس عايز اقول حاجه برضه ان يكون فرق السن مش كبير اوي ! يعني انا في تقديري انوا مايزيدش عن 4 سنين
كده كده العيلتين حيولعوا في بعض سواء بنت عمك او بنت خالتك او اي حاجه
انا عارف واحد صحبي واخد بنت خاله و حصل مشاكل و رافعين علي بعض قضايا فعادي يعني
النقطه التانيه بقي هوه اه طبعاً مش حيفرق بس في بنات او ستات يعني لما تلاقي نفسها اكبر من الزوج تتبع مثل (اللي اكبر منك بيوم يعرف عنك بسنه) و تلاقيها هيا اللي ماسكه زمام الامور و تاخد قرارت من نفسها ما هيا الكبيره بقي
هيا دي المشكله اللي ملهاش حل في النقطه دي
هههههههههه
وليد ايه التفاؤل ده؟
:laugh6::laugh6::laugh6:
بس و الله ما شرط ابدا و مفيش قاعده في الموضوع ده
لاني لسه قايلالك اني بابا و ماما ولاد خالة و الحمد لله مفيش اي مشاكل
كل الموضوع بيبقي بس هل في تفاهم و احترام بين العيلتين و لا لا
و بصراحه يعني انا لو شايفه ان في مشاكل بيني و بين ابن خالتي مهما كبرت مينفعش ابدا اوصلها للمحاكم لاننا في الاخر اهل
و مش يصح ابدا ندخل مشاكلنا المحاكم و نقف ادام بعض بالمنظر ده
ممكن ننهي الموضوع كله بهدوء و نفضل نحترم بعض
خلاصة الكلام بس ان مفيش قاعدة ثابتة في الجواز
و ممكن قصص حب عاشت بالعشر سنين تنتهي بمشاكل مالهاش حصر
يارب تكون وجهة نظري وصلتك :original:
بصى يا غالى
النقطة الاولى متهيالى عادى مفهاش حاجة
انا عمى متجوز بنت خالتة
وعمى التانى متجوز بنت خالتة برضوا
يعنى مرات عمامى الاتنين اخوات
وما فيش مشكلة خالص
هو بس الواد الصغير بيكبر بالسن بس تفكيرة تقول زى الاطفال كدة مش عارف طالع مالة الواد دة
يعنى هو داخل اولى ثانوى ومرة لقيتة بيلعب مع عيال فى ابتدائى
وجسمة تحسة انة فى خامسة ابتدائى
هيا دى الحاجة الوحيدة الى موجودة وما اعتقدش ان دى بسبب انهم قرايب لان اخواتة الاتنين زى الفل ما فهمش حاجة يعنى :rofl4:
لا اتجوز من قرايبي
ولا ادخل معاهم في بيزنس
ولا اشتري منهم ولا ابيع لهم حاجه(عربيه مثلا)
منعا للخلاف و منعا للمشاكل .
يعني مش برشح جواز الاقراب دا بادا.
اما بالنسبه لفرق السنين ما تبقاش اكبر منه بكتير
يعني في حدود شهرين تلاته او سنه بالكتير
اكتر من كده يبقي غير طبيعي
انا شايف ان في اختلافات في الاراء علي الموضوع ده
بس كويس ان احنا بنناقشه و كل واحد يقول رأيه و ليه؟؟؟
قبل ما أي حد يقول أي حاجة عن كلامي ... انا والدي دكتور و ده كلامه
زواج الأقارب ليس عليه أي خطر إلا في حالة واحدة تحدث كثيرا في مصر و هي ان العائلة عمالة تتجوز من قرايبها لأجيال زي الي بيحصل في الأرياف كل ولد يتجوز بنت عمه او بنت خاله و الموضوع شغااااال
بس خلوا بالكم حدوث التشوهات الخلقية بيحصل عند الجيل السادس و السابع و الاحتمال عند الخامس قليل جدا أقل من %7
ما اعتقدش ان العمق في التزاوج بين العائلات في المجتمعات المدنية قوي في مصر بيوصل لنص المشوار (2-3) جيل من التزاوج المتواصل
وبالنسبة لسن الزواج العرف و الأفضل ان الرجل يكون أكبر من البنت ب سنتين ل 5 سنين (ده كلام ناس كبيرة كتير و انا مقتنع بيه)
بس لو انت لاقيت البنت المناسبة ليك فعلا الي اكبر منك مافيش مشاكل ده أنا اقوللك ما تسيبهاش لسبب موضوع السن التافه لأن احتماليه العثور على الشريك المناسب دي صعبة جدا و التقيد بالسن بيقللها أكتر ما بيزود فرصح حدوثها و عموما أتمنى تكون صائب في اختيارك لشريكة حياتك و أرجو فعلا تكون على وعي كامل بمعنى الارتباط و تكون عندك الحكمة الكافية للإختيار و الله ولي التوفيق :)
نصيبك لازم تشوفه
مش هتفرق قريب او بعيد قصة حب او لا
الجواز ده اكبر كارثة بشرية بس هنعمل ايه المجتمع بيفرض عليك
شر ولابد منه