المشاركة الأصلية كتبت بواسطة semsem8100
من يومين كلمت التوكيل علشان الياريس الجديده وبعد مناقشه مع اللى رد عليا حول مواصفات السياره والفئات المختلفه والحوار المعروف ده بسأله وبقوله بس أنت مش معايا أن سعر العربيه مبالغ فيه شويه يعنى 165الف والعربيه 1300cc أمال لو نزلت 1500 يبقى سعر العربيه هيعدى الكرولا قالى أصل العربيه بتيجى من تايلاند والجمارك بتاعت العربيات اللى بتيجى من البلاد دى عاليه وسعر الصرف للعمله التايلانديه وحوار كده مش مقنع .. المفترض ياساده أن شركه تويوتا لما تختار بلد تعمل فيه مصنع بيكون من أول الحاجات هو التوفير التى ستحصل عليه من أقامه المصنع فى هذه البلد من حيث العماله والصناعات المغذيه وسعر الصرف فى النهايه تقل تكاليف السياره عن تصنيعها باليابان زى ماعملت فى تركيا وجنوب افريقيا حتى هنا فى مصر بتقفل الفورشنر يعنى العربيه لأعلى فئه فى السعوديه 1500 cc سعرها 56الف ريال يعادل حوالى 107 الف جنيه مصر وده طبعا سعر العربيه بعد مكسب الوكيل يعنى أنا لو جبت العربيه دى من السعوديه جمركها حوالى 50% هيحسب ال 50% على أساس سعرها فى السعوديه هيبقى برده أحسن وعلى الاقل جبت 1500 cc بسعر ماتتباع هنا فى مصر ال 1300 ولو هيحسب على أساس السعر فى تايلاند وبعدين سعر صرف العمله التايلانديه أيه اللى بيتكلم عليه المفروض التعاملات كلها بالدولار على حد علمى ..طيب ال1500 cc لو نزلت مصر خليجى معنى كده أن سعرها هيعدى الكرولا أو على الاقل يبقوا زى بعض .. حاجه تحير .. ياريت ياجماعه لو حد يعرف يسألنا فى الجمارك على وجه الدقه جمرك السياره دى كام لو جت 1500cc علشان نبقى عارفين الدنيا فيها أيه وميضحكش علينا أو أى كلام نسمعه كده من التوكيل ونقول أمين ( لازم نفهم ) ومعذره أخوانى الكرام على الاطاله