الموضوع: فليشيا : اخيرا خلصت من نور العدادات الاخضر..شكرا

بسم الله الرحمن الرحيم

اخيرااااا ... خلصت من النو الاخضر الباهت بتاع العدادات وظبطت الاضاءه
والفضل لله طبعا ثم للمنتدي الرائع ده والاعضاء المتعاونين جداا في قسمنا خاصه وفي باقي الاقسام عامه .
طبعا بشكر الاستاذ منسي اللي موضوعه افادني كتير جداا
انا فكيت العداد زي ما هوه موضح بالموضوع بتاع تغيير اللمض
وبعدين خلعت الموشر بالراحه وفكيت ورق العداد وكحته بموس حلاقه ونضفته بقطنه وكولونيا
جبت قلم فلومستر احمر ودهنت بيه مكان الارقام .
قبل ما اركب وصلت لمبتين لديات بسلك ولزقتهم خلف الورق بسيلكون
قفلت العداد والنتيجه مرضيه جداااااا

شكرااا مره تانيه للمنتدي واعضاءه الكرام