عندى شويه مشاكل فى العربيه ؟؟؟؟؟؟

السلام عليكم ورحمه الله وبركاته
يارب يكون الكل بخير وسعاه

انا عندى شويه مشاكل كده فى العربيه

هى ريتمو 79

1- الفرامل لسه مغيرلها تيل و مستر ورا يمين علشان كان بايظ وماستر عمومى
بس لما باجى ادوس فرامل بحس انها نحجره كده هى الفرامل شديده بس ناشفه اووووى ياعنى لازم تتدوس جاامد على الدواسه ياترى دا من ايه وايه الحل فيه

2- العربيه بتطول اووووووووووى فى الدواره كل مااروح للميكانيكى يظبط الكهربا امشى من عنده يوم والتانى والاقيها رجعت تانى ولازم ادوس دواسه البنزين لغايه الاخر وافضل محمل بنزين وانا بدور علشان تدور وبعد فتره مع العلم ان البطاريه لسه جديده والمارش كنت لسه عامله من 3 شهور تقريبا وقيست الشحن الراجل قالى كويس بس قليل شويه

3-العربيه صوتها عالى جدا مع انى لسه مغير زيت يوم الخميس سافرت بيها كان صوتها عالى وكمان كنت ماشى 120 ال rpm كان على 4500 هو كده مش يعتبر عالى ولا ايه كنت حاطط زيت التعاون الاحمر دا

4- فى ونه كده على السرعه بدايه من 70 وكمان رعشه فى الفايس وبتزرد جاااامد اوى كل لما ازود السرعه بس العربيه سحبها كويس مش وحش

ياريت حد يفيدنى اعمل ايه لانى قرفت من الصنايعيه بصراحه فتى مالوش حدود دا انا كنت هعمل حادثه بسبب الميكانيكى حسبنا الله ونعم الوكيل فيه عمل الفرامل وسافرت بيها تانى يوم الاقى مافيش فرامل خالص على الطريق :fun_36_3_4[1]::fun_36_3_4[1]:

الاجابة على حسب ترتيب الاسئلة :

1- دية مشكلة سيرفو الفرامل , الطاقية بتاعتة مقطوعة , ولو عايز تتأكد هتلاقى كل مابتزود سرعة العربية تحس ان الفرامل اصبحت اعلى وانشف

2- دية مشاكل الكربراتير

3- صوت المحرك العالى بيكون لية كذا سبب ( تقسيمة زايدة سنة - تاكيهات مش مظبوطة )

4- غير بلية الفتيس وغير زيت الفتيس معاها دة بالنسبة للصوت - الرعشة , ياريت تشوف الكبالن الدخلية

اولا طبعا شكرا جدا لرد حضرتك

اقتباس:

---

المشاركة الأصلية كتبت بواسطة sameh_fouad

الاجابة على حسب ترتيب الاسئلة :

1- دية مشكلة سيرفو الفرامل , الطاقية بتاعتة مقطوعة , ولو عايز تتأكد هتلاقى كل مابتزود سرعة العربية تحس ان الفرامل اصبحت اعلى وانشف
فعلا كل ماتزيد السرعه احس انها بتحجر اكتر
طيب هى الطاقيه دى ماتعرفش هتتكلف فى حدود كام
2- دية مشاكل الكربراتير
ياعنى كده الكهربا مافيهاش حاجه مش هحتاج اروح اكهربائى اروح لواحد بتاع كربراتير على طول
وكمان انا مش عارف استهلاك البنزين كده كويس ولا لا
انا كنت مفول العربيه اتحرتك من جسر السويس روحت حته بعد فايد ورجعت هى المسافه تقريبا 130-140ك وزيهم راجع ولاقيت نص التانك خلص كده كويس ولا لا علشان لو تستهلك بنزين كتير اشوفه بالمره عند بتاع الكربراتير
3- صوت المحرك العالى بيكون لية كذا سبب ( تقسيمة زايدة سنة - تاكيهات مش مظبوطة )
معلش ياعنى ايه تقسيمه زايده علشان اعرف اتكلم مع الميكانيكى
4- غير بلية الفتيس وغير زيت الفتيس معاها دة بالنسبة للصوت - الرعشة , ياريت تشوف الكبالن الدخليه
طيب ازاى اكشف على الكبالن وهل تقصد الكبالن واللى هى حلقه الوصل بين الماتور والعجل ولا حاجه تانيه
وكمان انا اسمع ان تقريبا ان الديسك والاسطوانه هو اللى بيعمل كده مع العلم ان العربيه مش بتزيد خالص عن ال120 حتى لو عملت ايه حاولت كتير ومافيش فايده لان كمان الrpm بيبقى عالى جدا فكده البليه فعلا هى المشكله ولا حاجه تانيه

واكرر شكرى لحضرتك لردك ومعلش هتعبك معايا

---

؟؟؟؟؟؟؟؟؟؟؟؟؟؟؟؟؟؟؟؟؟؟؟

دايما نايل موتوز صاحب الرد السريع SAMEH_FOUAD شكرا ليك