عرض للطباعة
السلام عليكم
رجالة انا نويت اشترى الاوبترا الاوتوماتيك زيرو...حد ندمان انه اشترى العربية دى او له تحفظات عليها فى حاجات او فى عربية تانية ممكن تكون احسن فى نفس الفئة السعرية (117000 جنية)
اخيرا حد يعرف معرض فى القاهرة الاقيها عنده و يكون بيقسط مباشر(اسلامي) ؟ ولا لازم عن طريق كونتاكت؟
انا جبتها يا باشا وهي زي الفل والي في نفس سعرها الصني الجديده بس بصراحه معجبتنيش كليا غير انها تقفيل مصري
الاوبترا عربيه محترمه و اعتماديه مفيش كلام ربنا يباركلك فيها
صديقي المواطن
هي عربية محدش إشتكى منها بس يعيبها إن شكلها خلاص راحت عليه من كام سنة كتير حلوين وهي بنفس الشكل الكئيب وكمان هي قليلة الكماليات ومش حلوة في حقك في المنطقة بتاعتك جايب عربية زيرو شكلها قديم أنا شايف إن اللي يدفع فيها فلوس اﻷوبترا فوق ال 70 ألف جنيه حتى لو كانت زيرو محتاج يقعد مع نفسه ويراجع ويسأل نفسه هو بيعمل في روحه كده ليه وبيظلم نفسه وعيلته وجايبلهم عربية شكلها قديم بفلوس عربية جديدة ليه وإنت الصح مهما كرهت الصني الجديدة ومهما حيظهر فيها من عيوب وهمية مستقبلا فهي أحسن من أوبترا بكتير شكلا وموضوعا وعندك البيجو 301 عشان تجيب من اﻵخر وبالمناسبة لو بتحب اﻷشكال القديمة فخليك في صني الشكل القديم برضو أشيك من أوبترا
أنا عارف إنك نويت خلاص وكلامي مش حيهمك ودي فلوسك وإنت حر بيها ولكن أنا قلبي بيتقهر على إخواتي في المنتدى لما أشوفه بيضيع نفسه وفلوسه على حاجة متستاهلش نص ثمنها معلش يا جدعان دي الشبح بأقل من 120 ألف جنيه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
متفق معك تمامااقتباس:
المشاركة الأصلية كتبت بواسطة saddam
عربية بدائية
موتور كويس و ثبات كويس و واسعة
مفيش كماليات - سواقتها عادية و مش ناعمة
عربية مريحة جدا واوسع صالون نزل فى فئتها...فتيس يابانى بتاع تويوتا محترم جداا جداا وموتور قوى جداا...اعتمادية ومش مستهلكة لقطع الغيار...تكييفها جبار بمعنى الكلمة...رخيصة ...عيوبها ان شكلها وتصميمها مش اللى هو من برة بس عادى يعنى العربية فعليا ممتازة جدا
طب بالنسبة للنيسان الصنى الجديدة السوير صالون ...مشاكل الفرامل و التيل و الطنابير ..انا عارف انهم كانوا بيغيروها فى الضمان و سمعت انها اتعالجت فى الانتاج الجديد هل الكلام ده سليم ؟
عربيه اعتماديه بمعني الكلمه ..... والثبات والمتور زي الفل . . .
المشكله زيها زي اي عربيه بعد 5 او 7 سنين هتفتح معاك في قطع الغيار :d
شوف يا أستاذ محمد , بما إننا داخلين على 2014 بعد أيام إن شاء الله فيفضل إن الواحد يخليه فى الحديث لأن الأوبترا فعلا تعتبر قديمه
يعنى لو الماديات تسمح لحد 124 يبقى بيجو 301 أوتوماتيك أول فئه , أو ستروين C Elysee ب 120 الف أوتوماتيك أول فئه ولو انها مانتشرتش بالرغم من انها توأم ال 301 فنيا فى كل شئ موتور وفتيس وعفشه وكله وخارجين من نفس المصنع , بس يمكن عشان علامة بيجو ليها سوق عن الستروين فى مصر , وكمان كان حصل مشاكل فى بعض العربيات الستروين فى أول دفعات فى السحب والتكييف بس إتحلت دلوقتى بتنزيل سوفت وير
لكن لو الماديات ماتسمحش وهاترسى على صنى سواء جديد أو قديم , يبقى خليك فى الأوبترا أفضل وقديم بقديم بقى :)
الاوبترا عربيه محترمه وعن تجربه ولكن عيبها زى ما الاعضاء قالو مفيش كماليات وقدمت شويه وخصوصا المقدمه
اقتباس:
المشاركة الأصلية كتبت بواسطة saddam
لا انا مش معاك خالص اولا انت معظم كلامك عن شكلها وبتحكم عليها من وجهة نظرك الشخصية وبتقول قديمة وكئيبه في حين ان غيرك ممكن يكون شايفها جميلة جدا وشيك ومبتقدمش فا مش لازم تكره الناس في العربيه والصني غير ان شكلها مش حلو والكلام ده متفق عليه هي عربيه تقفيل مصري يعني الاوبترا افضل ومونور اقوي
اشتريتها لمدة شهرين وكانت ممتازة وما اشتكيتش منها
بيجو خيار افضل بكتير كما ذكر الاعضاء المحترمين
انا وقعت في نفس حيرتك
وبعد الاستخارة
وتجربة الصني بتاعة خالي وقيادتها ومشاهدة التقفيل المصري السئ لها وخفة وزنها في السرعات العالية وفقرها من الداخل
وشكل البودي الخارجي ال مليان تنافيخ علي الفاضي والمليان
وبالبحث في النت وجدت ان العربية ياباني هندي مصري
وبسؤال مراكز الخدمة وبشهادة مهندس قريبي في نيسان قال لي ابعد تماما عن الشكل الجديد وخليك في القديم
وبسؤال الفنيين والميكانيكية والتجار والسماسرة اجمعوا جميعا علي البعد عن الشكل الجديدالمغري فقط بكمالياته
لكن العربية الاوبترا
تتميزفي
تقفيل ممتاز كوري
عفشة مالتي لينك
اثقل وزنا واثبت في السرعات العالية
مبنية علي شاسية وموتور وعفشة الاوبل
عربية حمارة شغل قطع غيار عند البقال تبيعها في ثواني وباعلي سعر
الفرامل الخلفية سكاكين
في النهاية اشتريت اوبترا اتوماتيك زيرو لانها كاساسات عربية قوية جدا وسعيد جدا باختياري رغم قدم شكلها ال منذ 2006 الا اني شايفه ميزة وليس عيب
وعلي فكرة انا شايف ان لو حاتقارن لا تقارنها بالنيسان الشكل القديم قارنها بالبيجو 301 الهاي لاين ال سعرها للتسليم الفوري وصل الي 142 الف جم
وهي تتفوق علي البيجو في الاعتمادية واعادة البيع والانتشار ومع الاحترام طبعا للبيجو
ودمتم للنضال ...
يا رفيق القتال.....
علي راي الاستاذ/صدام....:0002014a:
مشكله الاوبترا ان البرومه بتسرح فيها بسرعه و خصوصا الابواب و العتب.
فعلا المعلومه دى صحيحه وواقعيه بس مش عارف ازاى المفروض العربيه معالجه بالغمر او بمواد ضد الصدا ازاى تبقى الاجزاء دى بتصاب بالبارومه بشكل شائع !!!!!!!!!اقتباس:
المشاركة الأصلية كتبت بواسطة mirra
عندى فعلا العتب فيه برومه :36_2_33:اقتباس:
المشاركة الأصلية كتبت بواسطة mirra
شوف ياسيدي ...خليك معايا وواحده واحده كده
التقفيل ...ممتاز و احسن من الصني بسنين ضوئيه بل وكمان يوازي البيجو 301 و متكلف عنه و انا شفت الاتنين معايا اوبترا و هجيب للمدام 301
الثبات ....وصلت بيها ل 170 كيلو و العرابيه بتبوس الارض الصراحه ثابته فعلا
الوسع و الراحه ...مريحه جدا في السفر و المسافات الطويله رحت بيها الساحل و دمياط و الصالون الخلفي واسع جدا
التكيف ....ممتاز و انا شاريها 25 7 يعني في عز الحر
البنزين ...من 10 الي 12 و نصف كيلو في اللتر
الفتيس ...ممتاز و استجابته هايله و يسعفك و يتطبع بسواقتك و ناعم جدا
الصاج ....السقف و الكبوت طري جدا بيلب تحت ايدك
الفرامل ..اتحسنت جدا بعد اول 1000 كيلو العربيه عامله 6 الالاف كيلو الوقتي
السحب ...بتاكل معظم العربيات اللي حواليها ولو شغلت زرار الهولد محدش يقف جنبها خالص
الاعتماديه ...العربيه متجربه بتاع 8 سنين و مشاكلها قليله وقطع غيارها متوفره و الميكانيكيه دايسين فيها
اعاده البيع ...سهل و جيد جدا
الشكل الخارجي ....شوف بقي دي اذواق و انا شايفها عربيه وقوره و كلاسيكيه و شكلها بيفرحني ...لكن في ناس في المنتدي بيبني كل كلامه عن العربيه عن وجهه نظره الشخصيه في شكلها اللي يقلك شكل قديم و واحد قبل كده قال عليها شكل منغولي و كلام فاضي كده ...اللي يخلي الكلام ده مالوش وزن هو ان الشكل ده ازواق يعني انا لا احب شكل الهيونداي الجديده رغم ان معظم الناس بتحبها اعمل ايه ذوقي كده فمش واقعي ولا منطقي انك تهاجم عربيه عشان شكلها قديم
الكماليات فقيره جدا مفيش غير الكاسيت السي جي و اماكن تخزين كتيره
يعني عربيه بتاعه خدمه و شقي عربيه تخدمك مش انت اللي تخدمها
وانت نورت المنتدي و ربنا يوفق الجميع
مع احترامى للناس اللى بتقول بيجو او ستروين فالاتنين فاشلين تماما على مستوى الصيانة وقطع الغيار ....حاجتهم باسعار مش طبيعية نااااااااااااااااار بجد ...ومعقدة جدااا فى التصليح ومش اى حد بيصلحها...حد فى دماغك معادلة ديما خليك ماشى عليها...كل مازادت الكماليات والرفاهيات كل مازاد قصادها المقابل اللى بتدفعه فيها فى الصيانة والتصليح والاسعار....الاوبترا فقيرة نسبيا فى الحاجات دى لكن عملية جدا ومناسبة لبلادنا ولطبيعة اقتصادنا جدااا
اقتباس:
المشاركة الأصلية كتبت بواسطة د.عماد صلاح
ليس هناك ما يقال بعد ما قيل من الاساتذة المحترميناقتباس:
المشاركة الأصلية كتبت بواسطة كابتن أهلاوى
واحب اضيف حاجة
و انا موجود في معرض المصرية بجرين بلازا بسموحة باليكس
وجدت سواقين الشركة جايبين عربيات جديدة وبيحطوها للعمال في الجراج ليتم غسيلها
فسالتهم:
س: انا عايز عربية في حدود ال 120 الف جم وحيران بين التيجو والاوبترا والنيسان والبيجو
اختار ايه؟
ج: السائقين في فم واحد الاوبترا
س:طيب يا جدعان البيجو ال 301
ج: الاوبترا برضه
س: طيب يا جماعة الخير رتبوا العربيات من الافضل للاقل
ج: 1) اوبترا
2) 301
3) نيسان الشكل القديم وبلاش الشكل الجديد نهائي
4) التيجو وبلاش تدخلها في المقارنة اساسا
س: طيب البيجو يا جدعان مالها؟
ج: اركب بيجو 508 او نوع اخر وبلاش ال 301
س: طيب ياجدعان الاوبترا قدمت وليس بيها كماليات والبيجو والنيسان وبتاع
ج:قالوا لي انت بتشتري عربية كاساس قوية ولا بتشتري كماليات ليس ليها اساس
المحصلة
انا استغربت جدا وقتها
وبعد كده بعد ماحجزت النيسان الصني الشكل الجديد غيرت واشتريت الاوبترا الاتوماتيك وانا سعيد جدا وحاسس ان ربنا كرمني بوحش رهيب وغول بياكل العربيات :36_2_33:
اقتباس:
المشاركة الأصلية كتبت بواسطة waleedrahmy
والله بفرح اوي لما بسمع الكلام ده لان اوقات كنت بندم اني مجبتش النيسان
الجديد يا رجالة ..منصور شيفروليه كلمونى و قالولى العربية مش موجودة عندنا و ممكن تلاقيها فى اى معرض و مش هاينزل منها موديل 2014 و اتوقف انتاجها !!! و بيقولولى تعالى خد كروز :)))) كانت عاوز اقول له اراك توزع من مال امك بس اتكسفت :)
واتوقف انتاجها ليه بس ؟؟اقتباس:
المشاركة الأصلية كتبت بواسطة محمد سماحة
خلاص اتوكل علي الله وهات ال 301 في رأي عربية ممتازة وشكل جديد وتقفيل أسباني والسعر في حدود ميزانيتك ورغم اقتناعي بكلاك الزملاء الافاضل عن اعتمادية الاوبترا بس شكلها قديم جدا وبالنسبة ليا الأوبشن حاجة مهمة جدااا
النيسان القديمة كانت افضل بكثيراقتباس:
المشاركة الأصلية كتبت بواسطة madinabaza
الجديدة مع احترامي الشديد....:dontudear:
عاملة زي الست ال شكلها حلو جدا ولا تجيد الطهي ولا الخبز ولا شغل البيت ولا تربية العيال منظر بس واي شوية برد يضيعوها
بعكس الاوبترا زي الست المتوسطه الجمال وتجيد اعمال المنزل وتربية العيال ولما يجيلها برد تشتغل برضه مش ترقد في الفراش....
:36_2_33: :36_2_33: :36_2_33:
اقتباس:
المشاركة الأصلية كتبت بواسطة محمد سماحة
الخبر دا مؤكد ولا ايه ؟ اللى كلمك التوكيل أو موزع معتمد ولا معرض عادى ياباشا ؟
بص يا باشا انا احترت نفس حيرتك بالضبط وكنت خلاص هاحجز صني شكل قديم بس تراجعت لما شفت استهبال الاسعار اللي في مصر دلوقتي حتي العربيات التقفيل المصري بتغلي اخر مازهقت قولت طب والله لاركب اسد عجوز اكل بيه كل القرود الكوري والياباني المبالغ فيهم فاركبت باسات موديل 2000 اوبشنها اتخن من اتخن عربيه 2013 وبسعر الاوبترا المستعمل بس نصيحه خليك في الاوبترا لو دماغك فالزيرو علشان فعلا اعطالها قليله وماتزعلكش في اي عطل عكس البيجو 301 اللي ممكن تشتريها ويا تبقي سوقها زي الاوكتافيا في مصر يا تبقي زي الميجان2 في مصر شوف واتوكل علي الله وربنا معاك