الموضوع: اية اكتر موقف محرج حصلك فى حياتك ؟

المشاركة الأصلية كتبت بواسطة Mohamed_Hamid

روقوا يا اخواننا وبلاش نقلبها مرسى وسيسى. اضحكوا على الحوار الرومانسى ده. حصل معايا موقف من الغرائب والطرائف. وانا فى الجامعة كان فيه محاضرة وكان لسه قبلها ب10 دقائق كدة كنت فى المدرج وكان الممر مابين البنشات والحيطة ضيق شوية وعايز انزل من الممر وفى نفس الوقت بنت زميلة كانت طالعة من نفس المكان وكانت اجمل بنت فى الدفعة بلا منازع. كنا فى الشتا وكنت لابس جاكت صوف وهى لابسة فى ايدها انسيال له حاجات بارزة كدة منه. المهم الانسيال بتاعها شبك فى الجاكت الصوف بتاعى وبقت ايدها اللى فيها الانسيال مكان قلبى بالضبط :). وعلشان الملحمة تكمل كان بدأ الزملاء يدخلوا القاعة علشان المحاضرة هتبدأ ولكم أن تتخيلوا المنظر كدة وعشرات الناس داخلة القاعة وانا والأخت واقفين كدة فى مكان عالى وهى ايدها مكان قلبى. طبعا انا اتسمرت مكانى وهى اخدت بتاع 5 دقائق كدة تسلك فى الانسيال من الجاكت بتاعى وواقفة طبعا متوترة ومحرجة احراج السنين وانا كانت الأرض انشقت وبلعتنى الف مرة. بصيت على وجوه الزملاء لقيت البنات فاتحين بؤهم زى السيد قشطة والولاد فيهم اللى معرفوش بيبص لى بحقد الدنيا وفيهم اللى اصحابى واقفين يضحكوا بخباثة :). الكلام ده بقاله بتاع 15 سنة ولسه فاكر الموقف ده لأنه ميتنسيش اكيد :) طبعا موقف زى ده مقلتش لمراتى عليه :)

متجوزتهاش ليه انا توقعت ان دى مراتك الحاله بعد الموقف ده :]

المشاركة الأصلية كتبت بواسطة gasser_beek

أعرف صديق حكى لى موقف مشابه تماما

سأله أحدهم إيه رأيك فى فردة الإستبن بتاعت العربية بتاعتى

فرد عليه وقاله القصــــاص القصـــــاص......56789.....فى الحـارة المزنوقه

ههههههههههههههههههههههههه ههههههههه حرام عليك كفاية الصدمة الى هوما فيها
هزر بس هزار خفيف

المشاركة الأصلية كتبت بواسطة bluemagic11

متجوزتهاش ليه انا توقعت ان دى مراتك الحاله بعد الموقف ده :]

لخمه لخمه ملهمش في سكة النسوان
شبكها براني معرفش يشبكها في قلبه من جوه