يا جماعه انا معايا الاسد 406 و كل شويه الكمبيوتر يطلع (anti polution fault ) و الميكانيكي قالي انه حساس شكمان و مش بيأثر علي حاجه.....الكلام ده مظبوط
عرض للطباعة
يا جماعه انا معايا الاسد 406 و كل شويه الكمبيوتر يطلع (anti polution fault ) و الميكانيكي قالي انه حساس شكمان و مش بيأثر علي حاجه.....الكلام ده مظبوط
جرب غير بوجيهات الأول,,
لأن في الغالب دا السبب اللي بيخلي الرسالة تطلع قبل الحساس وباقي الكلام دا.
ومتحطش بنزين أقل من 92.
ولو كنت أتضطريت تحط بنزين 90 أو أقل في مرة حط منظف دورة البنزين علي تنك بنزين كامل,
وأبقي عرفنا عملت أيه,
انا لسا مغير البوجيهات من شهر او اقل تقريبا......و عمري ما حطيط غير 92 حتي في ايام الازمه.....هو في مهندس قالي انه catalizer و بيخلي الفتيس يسخن و بيضعف سحب العربيه و ممكن يخلي العربيه تسخن...و ده انا حسيته فعلا بس حساس الشكمان ده غيرته مره و قعد شويه و رجع باظ تاني
لو الرسالة طلعت بعد تغيرالبوچيهات فيه أحتمال إن يكون فيه واحد منهم وحش أو مرطب,,
لو كانت بتظهر قبل تغييرالبوچيهات وبعد يبقي لازم العربية تتحط علي الكمبيوتر ويتشاف رقم العطل اللي خلي الرسالة دي تظهر.
لو كانت مشكلة بوچيهات هتلاقيه قايل إن فيه misfire في سيلندر من السلندرات وهيحدد لك رقمه وبناء علي دا هتغير فقط البوجيه اللي فيه مشكلة.
برضه لو كانت المشكلة من حساس الأكسجين أو من الشكمان المفروض أنها تبان من الكشف عن طريق قرايات الكمبيوتر أفضل ما تفضل تجرب تغير كل حاجة مع الميكانيكي بدون تشخيص.
لا هي الرساله بتظهر قبل و بعد تغير البوجيهات...كمان هو كشف عنده علي الكمبيوتر و قالي انها في علبه البيئه و غالبا حساس الشكمان...عشان هو باظ قبل كده و غيرته...بس المفروض انه لما يتغيرمايحصلوش حاجه تاني و انا كنت مغيره في التوكيل.
لو خليت الميكانيكي يصلح فيه احسن ولا اروح لواحد بتاع شكمان...مع العلم ان الميكانيكي كان شغال في توكيل بيجو
أنا مش عارف مين الميكانيكي بتاعك ولا فين و هيبقي بيفهم ولا لأ,,
لأن مش كل واحد أشتغل في التوكيل وطلع منه بيبقي بيفهم, في ناس لحد دلوقتي في التوكيل وبتلطش,,
اللي أعرفه أنك قبل ما تغير حساس الشكمان تاني أو علبة البيئة أنك تشوف القرايات الخارجة من الحساس ويكون الكلام دا عند بيفهم عشان يعرف يشخص صح.
متشكر جدا ..هو كويس مش وحش بس ممكن تقولي علي حد كويس اروحلو بس و عنوانه و رقم تليفونه
فيه ميكانيكي شاطر في صقر قريش أسمه علي الدهشوري,
رقمه 01000963549
وهوا بتاع بيجو بس هتلاقي كل اللي عنده 406 و 307 يعني كل شغل في الجديد وعنده الكمبيوتر بتاع بيجو ومصنعيته معقولة.
وعنده هناك قطع غيار أصلي ومش أصلي علي حسب مانتا عايز,
وممكن تجيب قطع غيارك قبل ما تروح له ودا اللي أنا بعمله أحتياطي عشان لو كان الأصلي خلصان من عنده.
لما تروح خليه يشخص لك العيب الأول,,
وبعد كدا شوف هتغير الحساس ولا هيتنضف وأبقي عرفنا عملت أيه,,
العنوان,, لو هتطلع عليهم من ناحية سيتي ستارز هتاخد طريق النصر لأخره وأنت سيتي ستارز في ضهرك وتكمل أتوستراد,,
لحد ما توصل وتعدي من تحت الدائري هتلاقي الطريق بقي فيه حارة يمين بطيئة هتدخل فيها وتفوت شارعين والتالت تدخل منه,,
الورشة قدامها حتة واسعة كبيرة كدا وانا أخدت لك صورة من الخريطة عندي ومن ويكي مابيا عشان تسهل عليك الوصول للمكان لأني دخت شوية علي ما وصلت له أول مرة لما دخلت من الفتحات الأولي,, والمفروض أدخل من تالت فتحة,
دا لنك تشوف مكان الورشة علي الخريطة.
Wikimapia - Let's describe the whole world!
ودي صور كنت واخدها للمكان أخر مرة لما كنت هناك,
https://fbcdn-sphotos-b-a.akamaihd.n...25513839_o.jpg
https://fbcdn-sphotos-d-a.akamaihd.n...91747659_o.jpg
بالتوفيق وأبقي عرفنا عملت أيه. :tumb:
يا فندم لو عربية حضرتك ال406 موديلات قبل 2002 هنصح حضرتك نصيحه ... سيبها تكتب اللى هى عايزاه اهم حاجه ان الاستهلاك والسحب تمام