الحمد لله اني ماشفتش الموضوع ده من الأول
والله كان زمانك انت يا اخ corolladestroyer اللي بتقولي بلاش تتحامل على البومة كدا :))))))))
ولله الحمد انا مابدخلش منتدى الميتسوبيشي عشان مابستحملش اشوف مواضيع تحت عنوان مشكلة في بوما 2014، طقة خفيفة في بوما 2013. لكن في واحد حبيبي بعتلي لينك الموضوع اشوفه عشان ينكشني
وبصراحة بيصعب عليا ان المصريين ضحايا الصياعة التسويقية من وكيل وشركة المفروض العربية دي اتوقف انتاجها عالميا من 2007 او 2008 ولسة بتنزل مصر
وقسما بالله انا كنت ناوي ادبح خروف لله واوزعه لما سمعت موضوع ان اخر دفعة هاتنزل من البومة هاتكون شهر 6 2013، لكن طبعا شايفين الضحايا لسة بيشتروا 2014 وقريبا 2015 و2030 طول ما الوكيل فهم نقطة ضعف المصريين
المصري يموت قبل مايعيش، يبيع قبل مايشتري، تلاقيه جايب عربية فرش جلد ويغطيه بفرش زبالة عشان لما يبيعها تجيب سعر، يعني بيحرم نفسه عشان غيره يتمتع
اللي بيشتري بومة زيرو (لو كانت فعلا زيرو) بيشتريها عشان واحد تاني يشتريها مستعملة ويبقى مستمتع انه هايبيعها بسهولة بعدين
يا اخي متع نفسك بعربية نضيفة واللي هايشتري مستعمل كدا كدا هايفطس في السعر بتاع العربية يبقى متع نفسك. يا عم انت مش كل يوم هاتشتري عربية زيرو
بالمناسبة انا بختلف مع الأخ corolladestroyer في انه بيقول على 128 ولادا خردة وصفيح وكدا
من وجهة نظري المتواضعة، العربيات دي ليها برستيج اعلى من البوما واللي بيشتريها عندة ميزانية محددة وبيركب حاجة ترحمه من المواصلات، وكمان اللي بيقولوا اللانوس منتشرة والفيرنا منتشرة، دا اكيد سببه الفئة السعرية اللي بتحكم المشتري اللي عنده ميزانية محددة وعايز يركب عربية زيرو فيها بعض الكماليات، لكن اللي بيشتري بوما زيرو بسعرها العالي دلوقت حقيقي لا تعليق
والله انا كل ماشوف البوما بتتباع زيرو بيجي في بالي صورة واحدة ست عجوزة ملبسينها عروسة
http://alef-yaa.com/media/pics/13849-2.jpg
ونأسف للإطالة، والى العضو صاحب الموضوع قلبي معاك وربنا يعوض عليك واللي نصحك بالعربية دي له من الله ما يستحقه