انا بزود العربية ميه فلتر ومعنتش بحط مياة خضرا....لان العربية عندى الحمد لله ما بتسخنش قوى فهل فى مشكله من مياة الفلتر ولا عادى.....العربية كورسا 1600
عرض للطباعة
انا بزود العربية ميه فلتر ومعنتش بحط مياة خضرا....لان العربية عندى الحمد لله ما بتسخنش قوى فهل فى مشكله من مياة الفلتر ولا عادى.....العربية كورسا 1600
لا دخل للون الميه السخونه سببها حرارة المحرك والثيرموستات وتاكد انه راكب
مية الفلتر فيها املاح برده لانها مية شرب
زود مية تكييف او مية بطاريات لو مش عاوز تحط مية خضرا
صديقي المواطن
طبعا لا تعليق وجريمة لا تغتفر وشخص وطني ومثقف زيك وفي عام 2014 لسه بيحط مياه حنفيه أو مياه فلتر أو حتى مياه مقطرة أمال الناس التي لا تقرأ ولا تكتب حنعمل معاها إيه
على فكرة المياه الملونة اﻷصلية ليها إستعمالات غير المياه العادية وأهم من الحرارة هي محاربة صدأ داخل المحرك وتزييت طرمبة المياه والمحافظة على الجوانات والخراطيم وإطالة عمرها ومنع تكون الرواسب واﻷملاح وبالتالي حدوث إنسدادات بالراديتير والمحرك لا يحمد عقباها والفائدة اﻷخرى المياه الملونة اﻷصلية درجة التبخير فيها مش 100 زي المياه العادية الفاشلة ولكن المياه الملونة الأنواع الغالية درجة غليانها ما بين 130 و 160 درجة مئوية وكمان في البرد لا يمكن يتجمد السائل ثم يا راجل مجرد تبص عليه كفايه أنا في عربياتي صدقني لو معنديش فلوس أحط مياه غالية بحوش لغاية محط مياه غالية وفوق منها إضافات وبحط مانع تسريب وغيره ومنعم طرمبة وأحيانا ييجي الميكانيكي يعمل حاجة يفك المياه في اﻷرض بقعد وأقول راحت فلوسك في اﻷرض يا مواطن ونرجع القصة نبتديها من أول وجديد
فأرجوك متظلمش العربية وتستهون سوائل العربية هي أهم ما فيها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ميه الحنفيه فيها 30 وحده املاح
ميه الفلتر زي الميه المعدنيه فيها 12 وحده املاح
ميه صرف التكييف فيها اقل من 5 وحدت املاح
الميه الوحيده اللي zero املاح هي اللي بتتباع
في الصيدليات علشان الحقن !!!
ممكن تستخدم ميه بطاريات مقطره موبيل
الازازه ب2,5 ج
مياه الحنفيه او حتى الفلتر بتدمر دوره المياه من ترسبات و املاح و صدأ و جوانات ووش السلندر نفسه يفضل مياه التبريد حسب النسبه الموصى بيها من الكتالوج 33% او 50% و تجيب موبيل او من اى شركه تانيه نضيفه
او مالصيدليه وخلاص بس هتشتري كتيييييييير
في مياه مقطرة باللتر في شركات المستلزمات الطبيه ارخص من مياه البطاريات لانها عبوة لتر مظبوطة ب جنيه ونص او اتنين
ده خبر جميل جدا ياباشا ..اقتباس:
المشاركة الأصلية كتبت بواسطة alameer81
مشكور ياباشا
شكرا لردكم يا شباب....طب اية انواع المياة الملونه الحلوة وسعرها؟
ميه خضرا موبيل
ممكن اعرف تقييم نوع المية الخضرا بيتم ازاي؟؟
لان المية مالهاش اثر فوري ومباشر