-
هو فيه ايه ؟
هو فيه ايه ؟
النهاردة لسة كنت باشوف عربيتين لادا و اتنين 132
طبعا من برة الاربعة لمعان و بيبرق
و بصراحة السعر مغرى جدا جدا جدا
هات الميكانيكى يا عم بسرعة دى اسعار و لا الخيال
تعالى يا عم افتح و قول بسم الله الرحمن الرحيم افتح يا عم
و يا ريتك ما فتحت
البيبان ما بتفتحش و لو فتحت ما تقفلش يعنى انت و نصيبك يا تبقى برا يا جوة
المهم معلش دى حاجات بسيطة تتضبط و السعر حلو الصراحة مش هانقف قدام حاجات زي دى دى شغلة سمكرة بسيطة و بتاع بيبان
خش ع العربية من جوة تحس انك دخلت عشة فراخ غلط و ان كان فيه مباراة لمصارعة الديوك جوة العربية كرسى السواق مافيهوش حتة سليمة و بقية الفرش ؟؟؟هو انا كان نفسى اشوف الفرش بس كل اللى لاقيته سوست و حديد و قش و حاجات كده
يا عم ما تدقش دى شغلة سروجى يظبطلك احلى فرش و تنجيد المهم الاساسيات ماشى يا عمنا و بالنسبة للعدادات شغالة ؟طبعا يا باشا كله شغال ما عدا بس البنزين بيعلق شوية و الحرارة عاوز يتصلح و البنزين العوامة هى اللي بايظة انما العداد شغال ؟؟؟؟؟
و لا يهمك ما هو السعر بصراحة مغرى و لوحة عدادات جديدة مش مشكلة و تابلوه كامل هايفرق ايه يعنى خلينا يا عم فى الاساسيات
القوايم سليمة ؟الصراحة اه طب و اخبار البرومة ايه ؟
ما فيش غير حتة صغيرة كده فى الدواسة و البابين اللى ورا و الكتف اللى اللى عند الكنبة اللى ورا اللى الباب بيقفل عليه ارفع ياعم الدواسة و احط رجلى الاقيها نزلت ع الارض ؟؟؟ الصراحة نفسي قفلت هنا بس قلت اكمل جبر خواطر و اطفش و خلاص
خش يا عم بص ع العفشة ؟عفشة ؟العربية قالب طوب لا بتطلع و لا بتنزل و الدريكسيون اتجاه واحد لا بييجى شمال و لا يمين طب دور يا عم الكونتاكت يمكن الدريكسيون فيه لوك و لا حاجة
معلش بس المارش بايظ ؟؟؟يابن ال ·····تيت افتح الكابوت بسم الله ادى الماتور و ادى الكارباراتير ايوة ماشى فين الباقى؟
انا ماعرفش ال 32 شكلها ايه بس كان معايا لادا ع الاقل عارف ان فيه علبة فيوزات هنا و موبينة هنا و قربة هنا و بطارية هنا
انما افتح الكابوت مالاقيش غير ماتور و كاربراتير ؟ماظنش حتى ال 32 كده يعنى حوض 10 متر و ربعه بس مليان و الباقى فاضى ؟ ليه ؟
طبعا الراجل فى المعرض قاعد يشكر و يقولك فابريكة على ابوهم و ملاكى من يومهم راح الميكانيكى مادد ايده و قاله امال وصلة العداد دى بتعمل ايه ؟؟ طبعا انا اصلا ما كنتش ناوى اشترى بعد نص المعاينة بس ما قدرتش استحمل قفلت الكابوت بكل هدؤ و خدت صاحبى الميكانيكى و ركبت عربيته و مشيت من غير ولا كلمة
السؤال هو لو انت مكانى هاتعمل كده برضه و لا هاتتصرف ازاى ؟
طبعا العربيات كلها معرض
-
ههههههههههههههههههههههه
كويس انك ما اشتريتش
هى دى بقى العربيات اللى بيقولو عليها فابريكه هههههههههههههههههههههه
وعجبى
لما قدام عينك وبيشكر فيها كده امال لو كان عارضها على النت كان كتب فيها شعر؟؟
ههههههههههههههههههه
-
التجار بيحسبوا انهم هيبعولنا السمك فى الميه نسيوا اننا مصريين زيهم مش هنود
-
هي العربيات دي اسمها عربيه انا عن نفس اقل عربيه الي يتقال عليها عربيه الفرنا او الانوس
-
شغل 3 ورقات ودهن الهوا دوكو هو ده الى فالح فيه المصرى وعجبى
-
احلى حاجة ان حضرتك مشيت من غير ولا كلمة ده احسن رد والله :O_stupid[1]:
-
المشكله ان في واحد غلبان هيجي وهيلبسها :[
-
سوق مدينة نصر تشوف فيه العجب
Content Relevant URLs by
vBSEO 3.6.0 PL2