الموضوع: أعمدة الانارة الذكية ... للأسف مش في مصر طبعاً..!!!

المشاركة الأصلية كتبت بواسطة abogogo

للأسف مصر على مر العصور تم تخريبها تخريب شامل وأشد التخريب كان في شعبها لان اي بلد ليست الارض والحدود وانما الناس الموجودة على هذة الارض ...!!!!
- مصر لا هي أم الدنيا ولا هتبقي قد الدنيا ...!!!
- مصر مجرد بلد فاشل من العالم التالت كل شهرتها انها جنب اسرائيل و انه كان فيها ناس متحضرة بتبني مسلات و تماثيل وأهرامات من 7000 سنة ..!!
- مصر شعبها مش أعظم شعب 40% منهم جهلة رسميا و نص المتعلمين منهم جهلة بشهادات تعليمية ..!!
- مصر مافيهاش تعايش و لا شغل الوحدة الوطنية لا المسلم طايق المسيحي و لا المسيحي طايق المسلم و هما الاتنين مش طايقين حد تالت جنبهم ...!!!
- مصر ما علمتش العالم و لا حاجة التعليم الإبتدائي في مصر أسوأ تعليم في العالم و الإعدادي و الثانوي زيهم, و التطوير هو انك تشيل ستة ابتدائي و ترجع الثانوية سنتين مش أكتر, و مفيش جامعة مصرية من أفضل 100 جامعة و لا 200 ولا حتي 300 و لا 400 و يوم ما البلية تلعب بنبقي في آخر 50 في اول 500 و الأشخاص الكويسين أكاديميا اللي فيها مشيوا خلاص و الكويس اللي فاضل بيفكر يمشي ...!!!
- المصريين مش معروفين لا بقوتهم ولا بجبروتهم "مايكل فيليبس" جاب ميداليات أكتر من كل المصريين في الأولمبياد و مفيش رياضة مميزين فيها ...!!!
- المصريين لا شعب كريم و لا مضياف نص السوريين اللي جم يلجأوا لمصر مشيوا بسبب التضييق عليهم و كل العراقيين اللي جم قبل كده عانوا نفس المشكلة الأفارقة بيتشتموا علنا في الشارع و الأسيويين مجرد قصيرين و تجار شنطة, و الفلبينيين مجرد خدامين و كلهم بيتشتموا لو معرفناش نطردهم ...!!!
المصريين دمهم مش خفيف ... سخرية المصريين من كوارثهم إسمها تبلد مش كوميديا و انتا مش متفوق في صناعة الكوميديا ولا صناعة السينما عموما و لا أي صناعة أصلا ...!!!

ياريت نفوق بقي ونصحى احنا ولا شئ في مسيرة الحضارة الحالية و هنفضل طول عمرنا كده لو كل اللي فوق ده سبب ما يستدعيش حزننا قد حزننا على الخروج من كاس العالم...!!!
( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ ) [الرعد:11]

اعترض على كلام حضرتك جملة و تفصيلا
ماعدا اخر سطر فقط

يا سيدى الفاضل هناك أناس يقفون خلف الاسوار يبنون ولا يظهرون يقتلون فى سبيل المبدأ ولا يعرف احد لاي سبب قتلوا
و اخرون يحملون العلم و الى ذلك
ليس كل المصريين كما تدعى .. و لكننا كأي بلد فى العالم مستهدف من أناس يعملون على ادخال الدعاره و الربا و الفساد و الجهل و الدين لافساد كل مايتعلق بالاسلام .. يا صديقى ال بيحصل فى الوطن العربى سلم للوصول الى الاسلام و طعنه فى القلب كي يستعدوا لاستقبال مخلصهم الا و هو المسيح الدجال الذين يعبدوه و يعتبروه مخلصهم .
و شكرا