@@@ الحقوا !!! تاكسي ميتسوبيشي @@@

**limo** · 18-09-2008 11:31 PM

انا برضو شوفت تاكسى كورولا 2007 الاسبوع ده فى وسط البلد
كان برضو اسود فى ابيض مش عاصمه :)

**Eslam_A** · 18-09-2008 11:31 PM

عندنا في السويس في عربيات جديدة كتير تاكسي

فيرنا - لانوس - النترا 2006 - سبيرانزا 516 - BYD F3 - لانسر كريستالة - كورولا - افيو

**shoudy2005** · 19-09-2008 12:01 AM

صدقونى يا جماعه انتو هتبقو مبسوطين على الأقل سنه و بعد كده هتشوفو بلاوى لما اكون ماشى فى الشارع و شايف تاكسى فيرنا 2007 بيدخن ده يبقى ايه على الأقل خامات المواتير القديمه كانت بتستحمل الضغط و المشاوير و لما كنت ركبت مع سواق تاكسى كان دايو و لقيتها مبهدله قولتلو انتا معاك عربيه نضيفه مبهدلها كده ليه هى على فكره بنزين قالى مانا لو هغير فلاتر و بوجيهات و كل حاجه هغيرها بعد فتره هيفضلى ايه اهو بحط زيت التعاون و بغيره كل الف و اهى ماشيه الدنيا. و لو هتحسبوها هتلاقوها مش جايبة همها نص قانون المرور بيقول اقصر عمر للعربيه الملاكى 10 سنين لو جاب لانسر مثلآ هيقسكها على الأقل 5 سنين و بعد 5 سنين تترمى فى الزباله و هلم جره يبقى كده الراجل هيفضل يدفع فى اقساط طول عمره

**shoudy2005** · 19-09-2008 12:07 AM

ايه ده يا اخ هيما شكلك كنت معايا انا بردو شفتها بردو فى مدينه نصر و اوعى تقولى سوداء. و هديه منى ليك شفت كمان مرسيدس 240e مع شاب العجل ممسوح و بردو بتدخن بس لما يشد جامد

**sa3dawy** · 19-09-2008 12:07 AM

الحمد لله ان الياريس مباقتش تاكسى حتى الان

**2hmed_7osam** · 19-09-2008 12:17 AM

يارب التكسيات تنضف الواحد والله فعلا يركن عربيته ويركب تاكسي بس ميكونش بس هيعيشو فيها ويقولك مثلا 20 جنيه للمشوار ابو 5
ويعمل فيها عم تاكسي العاصمة

**Nile_Storm** · 19-09-2008 12:50 AM

المشاركة الأصلية كتبت بواسطة magdy_momo

مفيش تاكسيات انضف من اللي في اسماعيليه
افيو_اوبترا_بومه_نوبيرا_افا نزا
و ده مش واحد و لا اتنين ده كتير جدا
حتي اسالوا اي حد من الاسماعيليه

روح بص في شرم هتلاقي عجب العجاب

لانسر كورولا اوكتافيا النترا
ده غير الحاجات الشعبيه فيرنا اوبترا

**islambana** · 19-09-2008 03:48 AM

المشاركة الأصلية كتبت بواسطة magdy_momo

مفيش تاكسيات انضف من اللي في اسماعيليه
افيو_اوبترا_بومه_نوبيرا_افا نزا
و ده مش واحد و لا اتنين ده كتير جدا
حتي اسالوا اي حد من الاسماعيليه

عندنا في سوهاج نفس الحكايه عشان المحافظه بقالها 3 سنين مانعه اي عربيه ترخص الا لوكانت جديده (موديل السنه او قبله بسنتين فقط)

**Ramy.Gamal** · 19-09-2008 05:09 AM

المشاركة الأصلية كتبت بواسطة magdy_momo

مفيش تاكسيات انضف من اللي في اسماعيليه
افيو_اوبترا_بومه_نوبيرا_افا نزا
و ده مش واحد و لا اتنين ده كتير جدا
حتي اسالوا اي حد من الاسماعيليه

فعلا هنا فى اسماعيليه عندنا اقل حاجه فيرنا واكسنت وافيو ونيو اكسنت كتيره غير النوبيرا واللانسر البوما واصبحت التاكسيات القديمه لحد الشاهين مرورا بالفيات القديمه و ال 504 نادره تماما فى الشوارع .متقارنوش شرم بأى مدينه تانيه لان شرم لازم التاكسيات لازم تكون جديده واخرها 5 سنين وبعد كده يتمنع ترخيصها اجره جنوب سيناء فى شرم لان فعلا كل السياح كانوا بيشتكوا من البيجو 504 7 راكب اللى اتهروا منها وكمان كانوا بيدفعوا اجره عاليه جدا فى عربيه انتهت من زمان وجابت تمنها قبل كده 500 مره وفعلا دلوقتى بقت تاكسيات جامده جدا وبيحسوا انهم لما بيدفعوا اجره عاليه فى عربيه تستاهل