-
مشكلة فى الدايو اسبيرو
يا جماعة أنا عندى دايو اسبيرو 1500 cc اتوماتيك مو 94 اشتريتها الشهر اللى فات، وكان عندى قبلها لادا 1500 cc فطبعاً مش عايز أقولكم على مدى الإحساس بالنعمة اللى أنا فيها،
المهم العربية زى الفل معايا لكن فيها عيب واحد بس، إنى لما بمشى على سرعة أعلى من ال 100 كم لما أجى أدوس فرامل -علشان داخل على مطب صناعى أو كمين على الصحراوى- العربية بتطفى.
رحت على الميكانيكى بتاعى قالى نغير فلتر البنزين و نغير البوجيهات القديمة بأخرى جديدة مع العلم إن الإثنين كانوا ثنائى الشمعة، و قالى بلاش بنزين 92 و خليك فى بنزين 90 وفول مرتين و بعد كدة نشوف هيحصل إيه.
التفويلة الأولى كانت من محطة بنزين موبيل كانت A1 والمشكلة بطلت تماماً، جيت فى التفويلة التانية حطيت بنزين من عند ESSO كانت سيئة جداً حتى جوة البلد مش على الصحراوى.
المهم ربنا أكرمنى و غيرت الرشاشات القديمة بأخرى استيراد جاتلى هدية من بورسعيد ، ورحت مفول بنزين 80 ، فى النص الأول من التانك العربية برضه ما قطعتش معايا بعد ال 120 كم وفرحت جداً و قلت كدة يبقى المشكلة اتحلت، لكن انهاردة فى النص التانى من التانك لقيت المشكلة ظهرت تانى و بزيادة.
و أنا دورت كتير على المنتديات لقيت تخمينات كتير، فأنا نفسى حد يكون حصلت معاه نفس مشكلتى و نجح فى حلها، و يقولى على الحل ده.
و بارك الله فيكم
-
كدة ممكن تكون طلمبة البنزين
لان مستوي البنزين لما بيقل في التانك تبريد الطلمبة بيبقى وحش لانها بتتبرد عن طريق الغاطس في البنزين يعني البنزين اللي حواليها بيبردها فلو البنزين نقص و الطلبمة اتكشفت بيبقى تبريدها وحش
بس الاول عايزك تنضف الايدل بتاع العربية دي
و دة تنضيفة بدابليو دي فورتي
تفك الايدل من البوابة و تركب فيشتة فية تاني
و يبقى واحد قاعد جوة العربية بيقفل و يفتح كونتاكت مرة كل ثانيتين او 3 و التاني بيرش الدبليو دي فورتي على الصباع بتاع الايدل و حوالية لغاية ما الهباب الاسود اللي من الكربون دة يخلص خالص و يبقى بيلمع و ممكن تلاحظ ان حركة الصباع تقيلة في الاول و تخف مع التنضيف و يبقى سلس في الحركة غالبا ان شاء الله دي حاتنفع
-
حل مشكلة الدايو اسبيرو
بارك الله فيك يا أستاذ أدهم ، إن شاء الله هروح للميكانيكى و أقوله على الحل ده و هبقى أطمنك بعد ما أخلص.
ألف شكر ليك.
Content Relevant URLs by
vBSEO 3.6.0 PL2