تحذير مهم ياريت ناخد بالنا منه
من شهر 10 ورخصة العربية منتهية قولت اروح اجددها لحسن حد يغلس عليا من بتوع المرور
روحت امبارح اجدد وللاسف لقيت مخالفة ركن في الممنوع معرفش ازاي ودفعت 350 بدل 450 وبعد عناء شديد من الساعة 8 ونص الصبح لحد الساعة 2 اخيراً خدت الرخصة
ولكن للاسف الحلو ميكملش
امبارح بليل ببص في الرخصة وكانت الصاعقة ان فيها غلطة
نهاية الترحيص المفروض تبقي 13/10/2014 لقيتها 13/01/2014 يعني هتنتهي الشهر الجاي وعليكم خير
طبعا انا مطالب اني اروح تاني عشان يصلحو الغلطة دي
عشان كدة وجب التحذير ولازم تتأكد من كل حاجة قبل ماتمشي
ملحوظة:
الموضوع ده حصلي قبل كدة والغلطة كانت في رقم الشاسيه لكن المرة دي من فرحتي وبعد الانتصار العظيم ده مبصتش فيها قولت اكيد مفيهاش حاجة ومظبوطة