الموضوع: اسئله كتير ومتعدده

المشاركة الأصلية كتبت بواسطة البليهيس

السلام عليكم اخواني الكرام انا اشتركت هنا لما لقيت كم التعاون الموجود والنصائح بصراحه شجعني ادخل اعمل الموضوع ده والاقي اجابات علي كل اسئلتي وحنظمها وجزا الله كل من يرد بالخير والبركه:

وعليكم السلام ورحمه الله وبركاته

1- عوزه اشتري سخان غاز كويس ومتجرب وملوش مشاكل وانا عندي واحد بس خربان المفروض اجيب مين يركبه بتوع الغاز ولا سباك عادي

الاريستون كويس وانا جبته لان بتوع الغاز هم من شكروا فيه وكان عندى قبلها كريازى وكان كويس بردوا لكن الاريستون افضل ولازم شركه الغاز هى اللى تركبه

2- عوزه اركب تكييف حلو وصيانته كمان حلوه ويكون مضمون

الشارب ممتاز جدا عن تجربه كبيره

3- بالنسبه للدهان الشقه عوزه اجدده بس عوزه نصيحه فيما يخص الحفر العميقه والكبيره اتعامل معاها ازاي صح لان المعجون مينفعش معاها وايه بديل المعجون البلدي يعني اللي يدي جودة البلدي بس يكون جاهز من يوتن لاني بحب استعمل كل منتجات يوتن

تتعمل باسمنت لو هى عميقه وتنتظريها تجف والمعجون الجاهز كويس لو الدهان هيكون بلاستيك

4- لو عوزه ادهن سيمون في كافيه اولي ايه الدرجات الحلوه فيهم في يوتن وكمان ينفع احط سيلر بعد المعجون ولا لازم تكون الشقه جديده وعلي المحاره علشان نستعمل السيلر وايه افضل نوع سيلر من يوتن

السيلر لو الحوائط جديده على المحاره ودرحات الالوان دى اذواق

5-ايه اسم الورنيش اللي بنحطه بعد الوش النهائي علشان اللمعه والغسيل وعشان يعيش الدهان كتير

مفيش ورنيش اشترى بلاستيك لامع وقابل للغسيل لكن موضوع الورنيش ده بيبوظ البلاستيك وبيستخدموه فى انواع البلاستيك الرديئه