محدش يفهم العموان غلط
أنا قصدي قلت بأصلها و عطلت و انا ماشي على البحر
أنا معايا بيجو 206 موديل 2001
من فترة بدأت أحس أن بدال الدبرياج تقل و النقلات صعبة
و مرة راح قافش و زوجتي سايقة و العربية وقفت على شريط الترام...لولا ستر ربنا ندوس على البدال مرتين تلاتة يرجع يجمع تاني
المهم ودينا العربية لأحد هجاصين الإسكندرية المعروفين بالميكانيكية
قال العربية تمام زي الفل و مش محتاجة أي حاجة
المهم مشيت فترة بالعربية و المشكلة لسه موجوده و لسه حاسس بالتقل بتاع البدال
و مع الوقت بدأت أسمع تكة و أنا بدوس عليه
لحد إمبارح و أنا نازل من شارع سوريا لقيت الفتيس قافش و صوت التكة زاد
المهم قلت آخد يميني لحسن الموضوع ميطمنش
يدوب وصلت شارع البحر و لقيت البدال بينزل مبيطلعش و العربية بتجري لوحدها من غير بنزين و أول مدوس الفرامل تبطل و تنط لقدام
خدت جمب الطريق و رحت راكن و سبت مراتي و بنتي فالعربية عشان متكلبش لحد مجيب ميكانيكي
المهم...
ربنا رزقني بميكانيكي قريب و دي إعتبرتها من عجايب الدنيا السبع...أنك تلاقي ميكانيكي فحتة زي ستانلي على البحر
الراجل بص على الزيت بتاع الفتيس لقاه كويس
بص على كبل الدبرياج قالي السوستة فوتت و لازم يتغير
رحت جبت كبل دبرياج أصلي من الشراقي ففلمنج ب275 جنيه:Copy of majd(4):
حرااااااااام...أنا هبيع العربية قريب
بس ما علينا الحاجات دي مينفعش تجيبها سكة
رجعت للميكانيكي ركب الكبل فحوالي 20 دقيقة و خد 50 جنيه (رزقه بقى)
الميكانيكي قالي الكبل سوستة و فوتت مش رجلاش و هيترفع (طبعا أنا مفهمتش حاجة و قعدت أهز فدماغي)
دي صور الكبل القديم و السوستة اللي فوتت على حد قول الميكانيكي
http://nileup.com/up/uploads/thumbs/...3861021451.jpg
http://nileup.com/up/uploads/thumbs/...3861021452.jpg
http://nileup.com/up/uploads/thumbs/...3861021453.jpg
http://nileup.com/up/uploads/thumbs/...3861021464.jpg
http://nileup.com/up/uploads/thumbs/...3861021465.jpg
و ياريت لو حد من خبراء المنتدى يفهمنا طريقة عمله