المشاركة الأصلية كتبت بواسطة seoood
هحكي لحضرتك موقف حصل مع واحد صديقي مقيم في دبي زيك اتمني انها تفيدك , هو معاه جيتا 2011 الشكل القديم 1600 و DSG.
اعراض تلف الفتيس ظهرت معاه عند 20K مع ان معظم مشوايره سفر , راح التوكيل قالوه الفتيس كله محتاج تغيير و هنبعت نجيبه من المانيا و هياخد حوالي اسبوعين !!
طبعا الكلام من اوله صادم لاي حد خصوصا انك راكب عربية لسه زيرو لكن لما تعرف انهم قالوا له اتفضل عربية جيتا 2000 CC الشكل الجديد لحد ما عربيتك تتصلح يبقي ده اكيد رد فعل محترم من التوكيل .
محدش قال له انت ما بتعرفش تستخدم الفتيس صح ولا لازم تجيبه علي المانيول في الزحمة و لا الهري اللي بيقوله التوكيل في مصر.
صديقي بالرغم من مشكلته الا انه كان سعيد جدا برد فعل التوكيل اللي قبل كل شيء بيحترم عقول الناس.
تحياتي