يعنى ايه المصرية غير معتمد
وتفرق فى ايه
وهل الضمان وسنواتة بتتاثر
عرض للطباعة
يعنى شاريها من واحد موزع ممعتمد و العربية مش بتاعته
يعنى ورقها بأسم الموزع المعتمد يعنى عك في الورق و التسليم
يعنى ناس سمعتها مش كويسة في تسليم العربيات و في التأمين
يعنى ناقلها مشى و فاصل فيوز العداد
يعنى ناس حلوين قوى قبل و ناس زبالة بعد
يعنى ناس زى الفل لو أنت عايز تقسط يلبسوك في بنك ضايع و شركة تأمين ضايعة و البس يامعلم في الحيطة
يعنى ناس يأخدو منك قسط التأمين أول مرة كاش على تمن العربية و بعد كده يقسطه على أول سنة مع قسط العربية
يعنى ...... سمير ريان أبن عمه أجدع و أحسن منه مليون مرة
في شركة أسمها عربياتفى المهندسين أدام الحامدية الشاذلية
الطارق ده
https://www.facebook.com/eltarek.auto
حتلاقي الفروع بتعته في ال info
ولا مقصدش العكس ولا حاجه
بالفعل موديل 2014 ارخص في الاسعار من موديل 2013 لان الدولار رخص عن 2013
يعني بالفعل السعر الرسمي للعربيه ارخص 2000 جنيه من سعر 2013
لكن لما تيجي تشتري المعرض برضو عايز يبيع 2013 ويخلص منها
فبينزل في السعر اكتر بحيث يكون سعرها اقل من سعر 2014 :)
وانا لسه شاري لوجان من اسبوعين بالظبط وشوفت الاسعار عند الطارق وفضلت 2014 عشان السنه مش اكتر :)
بص ياباشا لو دخلت عل اللينك ده
EIM Network And Dealers
ده لينك من موقع رينو مصر
ودول الموزعين المعتمدين في الاسكندريه مثلا ومنهم الطارق
موزع معتمد بيكون اضمن
مبدأيا كده اللي لاحظته في الفرق بين الطارق والمصريه
الطارق عنده مخزن خاص بيه وكساحات بتتنقل عليها العربيات
وبالتالي انا لما جيت اشتري العربيه
العربيه ممشيتش غير المسافه من المخزن بتاعهم للاجانص
كانت ماشيه 35 كيلو بس
المصريه بياخد العربيات من القاهره ويمشي بيها للمعرض بتاعه فبتكون ماشيه كتير ممكن 300 كيلو
واحيانا بيفصلوا الفيوز عشان العداد ميعدش
ده غير ان سمعتها عل النت مش تمام ان احيانا العربيات بتتخبط وبيصلحوها ويبيعوها ""والله اعلم ده اللي قرأته""
غير كده ال Sales بتاع الطارق قالي ان بما انه معتمد لو في مشكله او عيب صناعه او حاجه ممكن يتواصل هو مع التوكيل فبيكون افضل يعني :)
عموما خليك في حاجه معتمده وموجوده عل الموقع بتعهم احسن :)
المصرية في عربيات بتيجي متساقة من اسكندرية و السواقين بيحرقوا عليها و غرز و شد مع بعض و ممكن لا قدر الله تخيش منهم يصلحوها و يبيعوها عادي
مبيتعاملوش غير قسط و لو كاش هيطلعوا عينك ده لو رضيوا يبيعوا كاش اصلا
بيفصلوا عداد السرعة علشان متعرفش ان العربية جاية متساقة
وانا بتفرج على العربية اول ما جبتها كان قفل الكابوت بايظ و الكابوت مكنش بيقفل و المندوب المحترم قلي كل اللوجان كدة
كنت بتفرج على عربية سيريون هناك و افتح الكبوت الاقي في حاجات في الضفيرة ملفوفة بشريط لحام بطريقة غير حرفية تماما و مستحيل تنزل من اليابان كدة يعني لعبوا في الضفيرة بتاعتها
كل ده يخليني اقلك ابعد عن المصرية
السعر فى الطارق دلوقتي 95000 اوتوماتيك
وفي خصم 3000 ياعني 92000
عند محمد زكي امبارح الاتو ب 93 الف والسانديرو الاوتو بقت 99 الف