الموضوع: سياسة المنتدي؟!!!!!؟؟؟!!

المشكلة ان فيه ناس معندهاش خلفية ازاى تعمل حوار او تناقش نقطة معينة

يعنى انا واحد من الناس مبحبش الماتركس... فى رائى الشخصى لا شكل ولا اداء ولا اى حاجة فى الدنيا... لا حصلت ميكروباص ولا مينى فان و بالتاكيد مش سيدان... و زاد و غطى اللى بيركبولها ديفندر اكنها عربية جيب

انا حر فى رائى و لى كل الحق انى اكره الماتركس زى العمى بالضبط... لكن دة لا يعنى باى حال من الاحوال ان احجر على راى الاخرين اللى رائيهم مخالف ليا او انى اهاجم اصحاب الماتركس لمجرد انهم اشتروا عربية انا مبحبهاش... مهو زى ما انا حر هما كمان احرار و زى ما ليا رائى هما ليها اراء و من حقهم عليا انى احترم رائيهم

للاسف مش ناس كتير فاهمة كدة والبعض بيوصل بيه الامر لافتعال المشاكل مع الناس بدون داعى... و دة ان دل على شىء فهو يدل على ضيق افق و عدم نضج واضح

MMamdouh