سير الادارة فك وكانت ليلة
السلام عليكم ....
من كام يوم كده حصلى موقف مش ظرييف اطلاقا ً...
العربيه كانت ماشيه عادى ومفيش اى حاجه ...ركنتها ونزلت اشترى حجات ربع ساعه كده ورجعت ...مشيت عادى جدا ..وفجأه لمبه البطارية الحمرا نورت ....طبعا ركنت على جمبت وبطلت ...ادور تانى بردو لسه منوره ..!! طبعا انا عارف ان البمه دى بتاعت البطريه والدنمو ...يعنى كده الدنمو فاصل والعربيه شغاله عالبطارية....
اتصلت بالكهربائى لقيتو قفل وقالى كده الدنمو فى حاجه سيبها مكانها وبكره نشوفها ...
المشكله بقى العربيه وقفه فى حتى مينفعش يتوقف فيها اطلاقا ً ..كانت الساعه 10 بليل ..وجمب موديرية امن ..ومضرعات وامن مركزى حواليا فى كل حتى ...ووانا الوحيد الى واقف فى الحته دى :))
المهم اتصلت بالميكانيكى بتاعى ..عمر لو حد يعرفو ..... اعد يقولى على شويه حجات كده اعرف بيها ان الدينمو فاصل ..وافك كابل البطارية والعربيه دايره وبتاع ... المهم معرفتش افكو معييش عدة ..
المهمم قالى حاول تخطف المشوار وتجيلى ولو بطلت منك كلمنى ....قولت ماشى ..يدوب بتحرك بالعربيه كام متر وليقيت الدركسون تقل جدا ...مفيش باور ...وسمعت طرقعه تحت رجلى ...كنت عملت يو ترن وراجع فى نفس الشارع .... ووقفت بردو قدام المديرية بس النحية التانيه :))
كده قولت خلاص ولازم ونش ...كلمت الميكانيكى قولتلو انا هجيبها بونش واجيلك متقفلش...
واول مقتلتو البور فصل قالى سيبقى سير الدنمو اتقطع .....فعلا انا بشد سير الدنمو طلع فى ايدى ...بس مكنش مقطوع كان مخلوع من مكانو ..... وده مسؤول عن كل حاجه فى العربية ..دينمو وباور وطلمبة ماية وتكييف وكلو ...يعنى العربيه كانت ممكن تسخن كمان ....
المهم الميكانيكى بعتلى عربيه جيب شروكى من عندو واتنين صنايعية..... وافتكرو ان كل ده وانا قدام مديرية الامن ومفيش غير واقف هناك ... وكمان شروكى :)) كملت ... ولما جم بقى الصنيعيه قالو الطبة فكت مسمعتش صوت ؟؟؟ طبعا سمعت ...فين ودورنا على الطبه ولقنيها ...اما المسمار مش لقيينه .....ارجع يا عم بالشروكى عالخراط واعمل مسمار وهاتو .....
طبعا كان جولنا عساكر كزا مره سؤلو واطنو من الموضوع ...وخليت العسكري يمسك السير بايدو عشان يطمن :)) ..وقلولى طيب حاول بس تخلصو عشان ممنوع تقفو هنا خالص والزباط بيتكلمو .....
جاب المسمار ونسى مفتاح الى هيربط بيه المهم حاول يربطو وقالو ووحده وحده لحد الورشه ..ونقرط عليه..فك تانى وانا ماشى ...وانتهى الموضوع انى نقطرها لحد الورشه ...وقد كان ووصلنا الورشه واتربط المصمار واتغير السير ..لان السير كان شقق ....وكمان كان فيه مجره متاكلها....
واحد يقولى السير مش اصلى الى عمل كده ولا ايه السبب ..؟؟؟ السير مكتوب عليه بوش ..ومتغير من 14 الف كيلو بس عند عصام وصفى .....بس ايه الى يخلى الطبه تفك ؟؟؟؟ الله اعلم ... وازاى كمان يبقى فيه مجره متكله فى السير وهو لسه مكملتش 14 الكيلو....ولا هو مضروب ..؟
الدرس المستفاد فى النهاية هو ..لما لمبة البطاريه الحمره تنور لازم تقف ..متمشيش ولا متر واحد ...لازم تقف فورا ...
واسف للاطاله بس كنت بشرحلكو المعناه الى مريت بيها :))) وعلى فكره انا كده مختصر جدا