لو فضلنا نفكر بالطريقة دى عمرنا ما هنطلع خطوة قدام
سواقين الأجرة فئة ميسورة الحال ومعاهم فلوس مش على باب الله
قرار حلو بس ياريت مايتطبقشى على الملاكى احسن نرجع للعجلة تانى
مشروع احلال التاكسى أيام بطرس غالى كان مشروع كويس وحصل تطور كبير وملحوظ فى مستوى سيارات التاكسى وشوفنا عربيات مكنتش اتخيل انها ممكن تشتغل تاكسى بقت تاكسى بالفعل بس طبعا كله على حساب الزبون فى الآخر
المشكلة اللى ظهرت بعدها ان العربيات التاكسى المتهالكة المستبدله بسيارات جديده علقت نمر ملاكى أو حتى ماشية بدون نمر واشتغلت اجره بردو تانى مع الشعب اللى ملهوش حل ده هههههههه
وبمميزات مبيشوفهاش صاحب التاكسى
ولا بيدفع تأمينات ولا ضرائب ولا رسوم للحكومة كتاكسى ولا عليه اى التزامات
طبعا العربيات ديه سبب مشاكل كتير جدا فى الشوارع
واللى بيسوقوها اخلاقهم زفت الا من رحم ربى وفعلا أسوأ من التاكسجية
أنا مش معترض على القرار قد اعتراضى على ردود الاعضاء اللى حاسس انهم اصبحوا ملوكا اكثر من الملك نفسه !!!!
القرار بيتكلم عن سيارات النقل العام وعن عمر 20 سنة للسيارات ديه تحديداً
ولاقيت باشاوات ربنا يزيدهم ويباركلهم عندهم عربيات بـ 100 و بـ 200 ألف وأكثر وكل سنتين تلاته بيغير عربيته بواحد تانية زيرو ... خلاص مش طايقين يشوفوا عربية عدى على صنعها 5 أو 10 سنين علشان بتأذى مشاعره ومشاعر عربيته !!!!
أنا متفق معاهم ان فيه عربيات قديمة متهالكة وحالتها يرثى لها تقريبا مفيهاش صاج ولا ماتور سليم ولا عفشة ولا اى حاجه وماشية بتكح هباب وزفت وقطران من كل حته
العربيات ديه المفروض منشوفهاش فى الشارع والمفروض تترمى فى الزبالة ومش محتاجه قرار جمهورى ولا محتاجه اى حاجه محتاجه رجال مرور غير فاسدين وغير مرتشين
وكلنا عارفين ازاى العربيات ديه بتعدى قدام ضابط المرور والمهندس فى الفحص
العربيات ديه يا اخونا ليها تسعيره رشوة فى المرور علشان تعدى من الفحص بتبدأ من 100 جنيه وانت طالع
وفيه ناس معروفه بتخلص المصلحة ديه وسمعت الكلام ده بودانى من ناس كانت بترخص جوه المرور
طبعا لو مفيش فساد ... العربيات ديه مش هتعدى من الفحص وبالتالى يا اما تتصلح وتبقى آدميه أو لو مش نافعة هتترمى فى الزبالة
https://fbcdn-sphotos-c-a.akamaihd.n...02536460_n.jpg
فيه عربيات تانية قديمة بسم الله ماشاء الله محترمة جدا وشده حيلها وصاحبها مهتم بيها جدا
على سبيل المثال عربيات البيجو الاجره بين المحافظات لسه فيها أمل وغيرها عربيات ملاكى كتير
ديه يبقى حرام تترمى دلوقتى
مش كل 5 سنين زى ما الاعضاء بيقولوا !!!!
خصوصوا ان احنا عندنا جمارك بتاخد ارقام خيالية
ومش مسموح بإستيراد السيارات المستعملة
وبنطبق سياسة الاقرع والنزهى
لازم العربية اللى تدخل مصر تكون زيرو وتكون انت المالك الأول ليها
لا داعى لقانون ولا غيرة فى مشاكل فى مصر اكبر بكثيرمن موضوع السيارات الاجرة عدم الترخيص للميكروباص يعنى توقف تام فى المحافظات انضمام فئة كبيرة من المجتمع الى سوق البطالة ارتفاع الاجرة لجميع السيارات حتى يتمكن اصحاب السيارات من اسنرداد الاستثمار فى عشرين سنة وبالتالى انضمام الى المظاهرات سواء السواقين او اصحاب العربيات نفسها وابضا المواطنين لارتفاع الاجرة ضغط كبيرة على وسائل النقل العام
الحلول بسيطة جدا ولاتحتاج الى مدة او خلافة
شركة النصر لصناعة السيارات تنتج الميكروباص التويوتا اليابانى
وسيارة تصلح لعمل التاكسى ونبعد خالص عن السيارات الصينى لانها غير مرغوبة من اصحاب السيارات لعدم الاعتمادية
منح ميزات جمركبة وضرايب لاصحاب السيارات الاجرة لانها سيارات خدمة عامة وليست سيارات خاصة لتجديد السيارات بدون موضوع المدة
عمل نقابة لاصحاب السيارات الاجرة والنقل حتى يكون هناك هيكل قانونى يمكن التحدث معة ويكون على اتصال دائم بوزارة الداخلية ادارة المرور
يا جماعة الموضوع ليس فى القاهرة
سعر السيارة تويوتا الميكروباص 260 الف جنية اقل نوع
سعر اى سيارة صغيرة الان لاتقل عن 100 الف جنية
مستوى الاجرة داخل المحافظات للميكروباص بين الجنية والجنية والنصف
وللتاكسى من خمسة الى عشرة جنية مطلوب كام سنة لرد الفلوس لاصحاب السيارات
لازم يكون قرار فاشل
افترى ولما استحكم فأفترى
الظلم فى كل مكان رغم انى مش بحب السواقين عمومآ لكن حرام برضه اكل عيش الناس دى
يعنى لما كل عربيه من دول شغال عليها اتنين سواقين يعنى كل عربيه فاتحه بيتين بحالهم
يلا حسبى الله ونعم الوكيل
الله ينور عليك كلام زى الفل ومن الآخر
أحب اضيف أولاً : إن الناس مش لازم تتخيل أو تحلم حتى إن الجمارك تقل لآنها سبوبة كبيرة للحكومة وبتضيف دخل كبير للموازنة العامة اللى هى ضايع أصلاً ومش مستعدين يتنازلوا عن مليم منها بالعكس دول بيدوروا إزاى الميزانية تزيد ومن غير تعب وعلى قفا المواطن
ثانياً : موضوع الأجرة اللى اشتغل ملاكى إنتشر فى كل محافظات ومدن مصر بشكل كبير وفيه منه اللى من غير نمر كمان والناس مبتصدق تلاقى عربية تقف ليها عشان تروح مشوارها لدرجة إن فيه ناس ناس باعت تاكسى مرخص أجرة ب 120 ألف مثلاً وراح إشترى 5 عربيات لادا مالى بيهم الشوارع ومن غير ضرايب ولا تأمينات
الغلبان مش سواق التاكسى يامفتح انت وهو ال قاعدين تدافعوا عن الغلابه ومحدش بقى عارف مين الغلبان من كثر الحكى الفاضى ال شغال....
سواق التاكسى كدة كدة بيسرقك وهو راكب عربيه لامؤخذه مش عايزين نتكلم . فاتح بيت وخمسه دة مشكلته مش مشكله دوله . احنا لو نتكلم عن الدوله من حقها تحدد موديلات التاكسى . وسعر التعريفه او الاجره . ال بيقولك اصلى الاسعار تتاثر دة كلامفاضى قلت لك كدة كدة بيسرقك . التاكسى الابيض بعداد وكان بتكييف وريحه العربيه فله وعربيات جديده دخل التاكسى الابيض والاسود لابعداد ولا زفت ياخذ اكثر منه وريحه زفت وفاتح الزجاج ال مافيش تكييف ولو فيه تكييف اصلى الماتور بيسخن لانها سيارات قديمه وهنا بقى دور الدوله . سعاتك مافيش تاكسى بقى بيشتغل على زبون واحدبقى بيركب اتنين وثلاثه واربعه واخر فوضى وبرضه بياخد حقه منك كما لو كنت لوحدك . هى ثقافه مجتمع ولازم الدوله توجهه الناس للصح هاتكون فيه مشاكل بس مع الوقت الكل هايفهم ان دة لمصلحته فى الاخر وخلونا نخلص من اباطره سواقين التاكسى ولا الميكروباص ال اصبحوا عربجيه
اجمالي جمارك السيارات 2 مليار جنيه في السنه أول عن أخر مقابل 250 مليار جنيه تقريبا حصيله الضرايب و 800 مليار جنيه تقريبا حجم الموازنه الاجمالي يعني جمارك السيارات 2.5 في الألف من الموازنه.
لو اتلغت الجمارك وبدأ تطبيق رفع الدعم جزئيا هتبقى بتقسط نص تمن العربيه تقريبا في شكل زيادات في مصاريف الوقود وفي رأيي تبقى صفقه رابحه للمواطن والحكومه والشارع كمان.
ياعمى الدوله لما تكهن الكم الهائل دة هتربح ملايين من تصديره لاعادة التصنيع . لازم تجاره المقطع والزباله دة تقف . دة ملايين الدولارات تتوجه فى البلد غلط . وفى نفس الوقت الملايين دة ممكن نصنع سيارات زيرو شكلها حلو وموديلات السنه ونلاقى شوارع البلد فله افضل مليون مره للمواطن والمظهر العام والتلوث البيىء . شوف مسلسلات التركيه وشوف احدث سيارات فى الشوارع ماتلاقى على ما اعتقد قبل عشر سنوات . العالم كله بقى بيحافظ على بلده ومظهرها وسلامه المركبات واعادة التدوير دةصناعه ها تفتح مجال للعمل لالاف الشباب والشبات وتجيب مورد كويس للبلد . كدة احنا صح