Abs النترا 2013 ( ياريت الافادة للأهمية القصوى )

**meddany** · 04-12-2013 05:12 PM

بسم الله الرحمن الرحيم

ياجماعة انا معايا انترا 2013 مفهاش اي بي بس وبصراحة مقبلانى مشاكل كتير بسبب ان مفهاش اي بي اس هى فرامل العربية قوية جدا بس بتزحف كتير عشان موضوع الاي بي اس ده ف نزلت النهاردة الحرفيين وسألت عند اتنين وقالولى ينفع يتركبلها وهتكلف حوالى 3500 ف كنت عايز استشيركم فى الموضوع ده مع العلم ان فكره البيع واجيب الفئة الاعلى غير متوافرة حاليا

**Silent~Dream** · 04-12-2013 05:38 PM

الموضوع ده اتهرس مليون مره و قلنا يا جماعه ازاى الواحد يشترى عربيه فى 2013- و طالع من غير على الاقل abs و 2 ايرباج المهم حتى لو هتركب ال abs هل ضامن الصنايعيه عشان ميخربوش الدنيا ولا هتشتغل فى التوكيل ؟

**msobhy** · 04-12-2013 05:48 PM

المشاركة الأصلية كتبت بواسطة meddany

بسم الله الرحمن الرحيم

ياجماعة انا معايا انترا 2013 مفهاش اي بي بس وبصراحة مقبلانى مشاكل كتير بسبب ان مفهاش اي بي اس هى فرامل العربية قوية جدا بس بتزحف كتير عشان موضوع الاي بي اس ده ف نزلت النهاردة الحرفيين وسألت عند اتنين وقالولى ينفع يتركبلها وهتكلف حوالى 3500 ف كنت عايز استشيركم فى الموضوع ده مع العلم ان فكره البيع واجيب الفئة الاعلى غير متوافرة حاليا

ايه الكلام العجيب ده
3500 وتركب abs ---- مكنش حد غلب
انا مش عارف تكوين نظام ال abs لكد انك هاتحتاج جنبين كاملين من عربيه فيها abs + الموديول بتاع ال abc + كنترول شغال على abs
بصراحه - انا شايف انه عك حرام يتعمل فى عربيه 2013
يا سيدى فيه حل تانى ابسط
غير الكاوتش بكاوتش اعرض سنه بالاضافه الى ان يكون النراكشن بتاعه aa أعتقد ساعتها هاتحس بفارق مهوووووول
حاجه تانيه - اصبر شويه على العربيه لغاية لما تتعود عليها

**hossam_elwani** · 04-12-2013 06:56 PM

يعنى ايه النراكشن بتاعه aa ؟؟

**محمد فوزى** · 04-12-2013 07:12 PM

تراكشن اى معامل احتكاك سطح الكاوتش بالارض واعلى قيمة هى aa

**meddany** · 04-12-2013 08:41 PM

طيب بالنسبة للناس اللى بتقولى اركب كاوتش اعرض انا ناوى ان شاء الله اركب جنوط و كاوتش عرض 225 ولو لقيت اعرض هركب اعرض .. هل ده هيعمل فرق ؟؟ وياريت تقولولى لو هيعمل فرق يبقى بنسبة كام فى 100

وللناس اللى بتقولى حرام اشتغل فى 2013 .. انا عن نفسى كمان مستحرم والله اشتغل فى عربية 2013 واغير منومة ميكانيكية فى العربية بس موضوع الايه بي اس شاغلنى بالذات انى لى طول سفر على الطريق وانتوا عارفين معظم طرق مصر الاسفلت بتاعها عليه رمل كتير ف محتاج حاجة تخلى العربية تكلبش فى الارض

ثالثا موضوع الموتور هو فعلا موتور جبار بس انا عموما مبقتش بذيد عن 120 ولو كده ببقى 140 مش اكتر والمشكلة انى مش انا اللى جبت العربيه ف اللى جابها لبس وانا جايبها 137 اللف ف شهر 9 مش عارف ازاى اللى استلمها مشفش ازاى ان فيها ولا مفهاش !!!!

**meddany** · 04-12-2013 08:41 PM

اه ونسيت اقلكوا انا خليجى وسألت فى التوكيل قلى انت ملكش صيانة اصلا عندنا !!!! وكمان قلى مبيركبش عشان كده لجأت للحرفيين !!!!

**Ahmed Amin** · 04-12-2013 08:49 PM

أبعد عن الحرفيين وعكها, وأمشي بالعقل أفضل.
لأن العربية لو أشتغل فيها ناس كفتجية في الحرفيين, مش هتعرف تسوقها وأنت مرتاح بعد كدا من كتر المشاكل اللي هتطلع لك كل يوم والتاني بسبب قلة الضمير هناك.

أنا معظم الناس اللي أعرفاهم محدش فيهم راح بعربيته سليمة عشان يعمل صيانة عادية زي تغير تيل او فلاتر ودي كلها حاجات خفيفة, إلا وطلع وعنده مشكلة.
دا لأن معظم الناس هناك كفتجية,, فيه ناس طبعاً محترمة بس قليلة جداً.

وتركيب موديول ال abs مش سهل كدا وهيوفقوه مع كنترول العربية أزاي ؟؟
بصراحة أنا مش مستريح للعك اللي هيحصل زي ما الزملاء قالو.
إلا وطلع عندو