العربية عندى لقيت الكاوتش مهوى رحت كشفت عليه لقيت فيه 7 اخرام الرجل قلى هلك المهن اشتريت واحده مستعمله امشى بيها حالى بس الكاوتش بتاعى عرضه 185 اللى اشتريتها عرضها 195 بس المقاسات التانية مظبوطه هل كده يعمل مشكله!!!!
عرض للطباعة
العربية عندى لقيت الكاوتش مهوى رحت كشفت عليه لقيت فيه 7 اخرام الرجل قلى هلك المهن اشتريت واحده مستعمله امشى بيها حالى بس الكاوتش بتاعى عرضه 185 اللى اشتريتها عرضها 195 بس المقاسات التانية مظبوطه هل كده يعمل مشكله!!!!
عادى جدا
اعتقد ان ممكن يخلى العربيه تحدف فى اتجاه اللى الفرده فيه نتيجه اختلاف مساحة كف العجل على الارض ز بالتالى قوة الاحتكاك مع الارض و وبتظهر نتيجتها سرعه نسبيه بين العجل على السرعات العاليه
و الله اعلم
هو اكيد كدا تاثيرها اقل من ادام بس نصيحة لو هتغير مقاس اى عجل يبقى كله زى بعضو
دا حقيقي, الفردة الأعرض والأوطي للأرض سواء حطيتها ورا أو قدام هتخلي العربية تحدف ناحيتها لما تدوس فرامل جامد في أي موقف.
يعني لو الفردة العريضة دي ورا, ودوست فرامل جامد العربية ممكن يرمي بالجنب ومش هتعرف تلمها,
ولو الفردة قدام يمين مثلاً, لما تدوس فرامل جامد العربية هتحدف بيك يمين جامد,
دا غير انها هتمشي تحدف يمين طول الوقت.
نصيحة متمشيش عليها كتير, لأن كلنا بنضطر في أوقات نضرب فرامل بقوة في أي موقف,
وساعتها لو العربية لفت هتبقي في موقف حرج.
ودا حصل معايا شخصياً في عربية بيجو 505 زمان من 6 سنين وكنت عامل حسابي أني همشي براحة ومش هدوس فرامل جامد لحد ما أغيرها,
وفي يوم ماشي علي السريع ومجموعة بنات فكرو يعدو قدامي من غير ما يبصو علي الطريق وأضطريت أدوس فرامل بسرعة وجامد عشان أفاديهم والعربية لفت بيا بجنبها علي الطرق ووقفت في الأخر وانا وشي في وش الجزيرة اللي في النص وكنت هشيلهم وهبدل وش العربية بسبب الفردة الأوطي اللي كنت مركبها ورا.
بالتوفيق.
هوا ممكن أه, بس هوا العربية عاملة كام ألف كيلو علي الكاوتش اللي عليها,
لأن الكاوتش لو النقشة اللي عليه مش بصحتها أو مشيت عليها أكتر من 30 ألف كيلو هتكون بقت أخف من الأول,
وبكدا هيبقي عندك فردة نقشتها أحسن من التلاتة التانين,, هتبقي العربية أعلي من ناحية الفردة دي عن باقي الكاوتش,
والعلو دا مش هيزعجك أووي شكلاً, لكن هيفرق في أداء في الفرامل برضه لأن الفردة دي هتمسك أحسن من باقي الكاوتش.
كل الكلام دا في الحسوكة علي فكرة,, وبرضه هوا الصح عشان متفكرش أنه وسوسة بس,,
بره عندهم Legal limit للكاوتش, لو النقشة قلت عن حد معين لازم تغير الكاوتش, هنا الناس ممكن تمشي علي الكاوتش لحد ما يتمسح خالص ولحد ما ينفجر بيهم علي الطريق وساعتها بيغنو ظلموه, ويقولو ياريتنا كنا غيرنا الكاوتش لو حصل حادث وكلف أكتر من تمن فردتين كاوتش.
يعني لو عايز الصح دايماً لما تشتري كاوتش المفروض تجيب فردتين كاوتش, ويكونو نفس النقشة طبعاً.
وتركبهم قدام وتستنضف أحسن فردتين عندك وفيهم اقل أخرام وترجعهم ورا.
عشان العربية تبقي ماشية مظبوطة, والفرامل تبقي مظبوطة ومفيش مشاكل.