السلام عليكم و رحمة الله و بركاته يا رجالة المنتدي
فيه صوت ونة بالعربية و بتعلي كلما زادت السرعة و مش عارف ده من إيه يا تري بلية الكوبلن عايزة تتغير و إلا إنتو إيه رأيكم و المشكلة مفيش مركز خدمة أو توكيل بأسوان
صني 2010 مانيوال ماشية 45 ألف
عرض للطباعة
السلام عليكم و رحمة الله و بركاته يا رجالة المنتدي
فيه صوت ونة بالعربية و بتعلي كلما زادت السرعة و مش عارف ده من إيه يا تري بلية الكوبلن عايزة تتغير و إلا إنتو إيه رأيكم و المشكلة مفيش مركز خدمة أو توكيل بأسوان
صني 2010 مانيوال ماشية 45 ألف
قبل ما تكشف علي كل دا, نبدأ بالأسباب اللي مش مكلفة وممكن يكون العيب منها واللي هيا الكاوتش,,
غير أماكن الكاوتش, خلي اللي قدام ورا,, واللي ورا قدام.
وخلي اليمين في الشمال, والشمال في اليمين,
وطبعاً أتاكد من الضغط تاني في الكاوتش ويكونو كلهم نفس النقشة,, لو كنت مركب كاوتش نقشتها مختلفة عن باقي الكاوتش هتكون سبب في طلوع صوت ونه معاك.
ولو الصوت لسه مستمر تخلي حد ميكانيكي أو عفشجي يسمع الصوت معاك عشان يقولك طالع منين بالظبط.
خالص الشكر و التقدير لك و هكتب تقرير باللي حصل
مستني ردك, وبعد ما تغير أماكن الكاوتش ممكن تروح لميكانيكي شغال في الجديد يبص لك بصة علي زيت الفتيس عشان لو كان ناقص لأي سبب.
ولو كان ناقص متزودوش غير بالنوع اللي مكتوب في الكتالوج فقط ونفس اللزوجة.
90 فى ال100 دى بلية حصلت معايا اكتر من مرة الميكانيكى اول ما يسمعها هيعرفها وصوتها وانت ماشى زى الطنين بالظبط
بليه يا باشا : ))
السلام عليكم
يا باشا أنا من اسوان برضه و ياريت نتقابل ان شاء الله
لو عجوز تكشف عليها روح لصبحي في بنزينه النيل اللي في موقف الأقاليم حيبص عليها ويجب لك من الآخر
دا بلية عجله ياباشا وهي بسيطه ان شاء الله بس هتروح لميكانيكي علشان يحددلك اي بليه اللي بايظه وتغيرها وان شاء الله كله يبقي تمام
طلعت المشكلة فعلا بلية العجل الأمامي و غيرت البليتين ثمنها ٢٩٠ جنيه ياباني و ٦٠ جنيه مصنعية بس الغريب إنتهاء العمر الإفتراضي علي ٤٥٠٠٠ كم حتي الميكانيكي كان مستغرب وشكرا لمروركم الغريب و الأستاذ هيثم يا ريت فعلا نتقابل
مروركم الكريم