يا عم جين 2 اية بس
البيجو 301 طبعاااااا خصوصا لو اوتو وياسلام لو هاي لاين
فرق كبير بين السيارتين يا سيدي الفاضل
عرض للطباعة
يا عم جين 2 اية بس
البيجو 301 طبعاااااا خصوصا لو اوتو وياسلام لو هاي لاين
فرق كبير بين السيارتين يا سيدي الفاضل
يا فاندم مقولناش إن العربية أنصاص قولنا قطع غيارها المشتركه موجوده قبل ما تنزل موتور و أجزاء عفشة و خلافة ..أما أنصاص متقلقش جاية في الطريق و دركسيون شمال
أما كوني جىبت العربيتين فأنا مش هافتي علي حضرتك بدون ما أجرب
جمعة مباركة
أنا مش عارف سيادتك بتستعجب من مشتركه دي ليه
مشتركه يعني كود القطعة واحد و بيركب لأكثر من موديل من موديلات بيجو و ستروين
أما في حالة البروتون و المتسوبيشي فهم كانو عربيتين شبه بعض في بعض الأجزاء (البطه و الويرا) و الواجا أحيانا و بتوفقلهم من اللانسر
أما الجين تو فاموتورها مختلف و منزلش في أي موديل من موديلات المتسوبيشي
علي فكرة أنا جربت الجين تو و هي عربية كويسه في حدود 80-85 فول أوبشن أكثر من كده متستحقش
و علي فكرة كمان أنت من ضمن الناس اللي بتعاني من التوكيل و من قطع الغيار
و ده واضح من مشاركاتك
تيل الفرامل بكام
طقم ديبرياج
وحدة تحكم زجاج (جين تو & ساجا)
انا معايا واجا نفس موتور الجين 2 واصلا مواتير لانسر والبروتون نفس القواعد يعني سقط الموتور اللي تحبه .. التوكيل فعلا زفت محدش انكر كدة وقطع غيار الواجا اغلي من الجين2 وهو ده اللي قاصد اوصله .. تيل الفرامل ب 1400 جنيه في التوكيل وزيه برة ب 350 جنيه .. وفي اسعار اقل بتبتدي من 90 جنيه علي فكرة وخامات كويسة
طقم الدبرياج ب 450 جنيه
مكنة زجاج الجين 2 بحوالي 300 جنيه في التوكيل
معاك ان الجي2 متستحقش اكتر من 85 الف .. نفس الكلام علي ال301 بردو وكل عربيات السوق .. وعلي فكرة لو كنت جربت بيجو 208 هتلاقيها احسن من ال 301 مع انها اقل منها في الفئة
في اي استفسار تاني؟؟ :)
البيجو
عز العرب ضيع الحلم بتاع جين 2
شهرين لواحد صاحبي علشان يركب ليه كبوت و لولا انه تأمين كان طبعا دفع رقم فلكي في تصليح الحادثه بالجين 2 بتاعته
العربيه شبابي و ظريفه
لكن انا عن نفسي حجزت 301
عربيه فيها امان صاج قوي و ايموبلايزر و 2 اير باج و. Abs. EBD
مواصفات اوربي
كماليات ظريفه جدا في الهاي لاين
كموتور فانها بيجو يا عزيزي
عربيه عاليه عن الارض
ناس كتير بتشكر في عفشتها
خامات بجد قيمه و شيك
عربيه واسعه جدا من الداخل .. شنطه فعلا تناسب سفرنا كمصريين بنحب ناخد البيت كله معانا هههه
قطع غيار مش حراقه .. معقوله بالنسبه للفئه السعريه دي
و ابعد عن عز العرب و غنيله :)
و راجع في قسم بيجو اكتر من حادثه و اسال اصحابها عملوا فيها ايه .. و ربنا يوفقك
بعد اذن حضراتكم عايز اضيف حاجة بسيطة لما نقارن عربية بالتانية الاول نشوف استخدام العربيتين الاول يعنى مثلا البيجو تنفع اكتر للاستخدام العائلى اكتر من الشبابى زى الجين 2 وعلى اساس الكلام دا اللى عايز يقارن هيعرف انهى عربية احسن بالنسبالو و هيعرف يتصرف ازاى مع مشاكلها و عيوبها قبل مميزاتها و طبعا مفيش عربية كاملة كلو ليه عيوبوو و مميزاتو و بالنسبة لموضوع التوكيل و قطع الغيار طبعا دا الكلام فيهم كتيير اوى لكن خلاصة الكلام انا كان معايا اكسنت 2006 و طبعا قطع غيارها فى كل حتة و رخيصة و اصلية كمان لكن مش بتعيش عمرها الافتراضى كلو و كمان الغالى تمنو فيه و اللى بيجيب عربية بيستخدم العربية على طول مش التوكيل و كل مشكلة وليها حل بردو و من وجهة نظرى المتواضعة التى لا قيمة لها مفيش توكيل فى مصر كويس ممكن يكون فيه توكيل بيصلح اى مشكلة فعلا بس ادفع انا جبت بيرسونا مع العلم انى شفت الاول مشاكلها و عيوبها قبل مميزاتها و بعد كدا سعرها كان مناسبنى جدا كشاب عايز عربية رياضية و فى نفس الوقت تقدر تعمل مشاوير البيت و بالنسبة لتوكيل بروتون عز العرب فى توكيل تانى معتمد بردو اسمو عصام صفا كل الناس بتشكر فيه اكتر من عز العرب نفسو اسف للاطالة بس اللى بيقارن عربية يشوف عيوبها م مشاكلها الاول هيعرف يعيش معاها يتوكل على الله و يجيبها .