تكلمة نصيحة الاخوه الافاضل فى اماكن شراء قطع الغيار
السلام عليكم ورحمة الله وبركاته
مساء الخير على الاخوه الاعزاء
اتمنى ان تكونوا جميعا بخير وبصحه جيده
كنت تكلمت فى الموضوع القديم عن قطع الغيار علشان عايز اجيب قطع غيار اصلية ومضمونه
المهندس ايهاب كان ادانى لينك لموزع بوش بس للاسف هما مردوش على على الصفحه ولا على التليفون
انا كلمت شركة A -part موزع بوش فى مصر
ادونى اقرب موزع كان محل الصفوه اللى فى وسط البلد وكلمته بس كل ما اساله على حاجه معنديش معنديش وعندوش حاجه بوش لعريبتى غير التيل تقريبا وكل ماساله يقولى نورنى بس فى المحل
المهم النهارده الصبح صحيت وقررت انزل اعمل العربيه لانى والدى جاى الفجر النهادره من السفر والفتره الجايه هتبقى العربيه معاه فبجهزهاله
روحت للعفشجى طلب جلب المقص اللى قدام واللى ورا لانهم مهريين وفى منهم مقطوع وكوتش بارات الدركسيون
وبعد كدا روحت للميكانيكى فكيت الكاتينه لقيت السير بتاع الكاتينه حالته كويسه عكس ما كنت متوقع علما بانى الكاتينه ده عامله 23 الف كيلو بس بقالها 3 سنين ونص المهم خدت السيور ونزلت وسط البلد رحت الصفوه للاسف يعنى انا ندمت انى رحت معامله زفت ومحدش بيرد عليك وكل حاجه معنديش معنديش
رحت راجع لاولاد فتح الباب جبت كل حاجه من عندهم وده الحاجات باسعارها
بلية كاتينه توبران كندى 320 جنيه
سير كاتينه توبران 75 جنيه
سير دينامو 70 جنيه
فلتر زيت توبران 35 جنيه
فلتر بنزين توبران 45 جنيه
فلتر هواء توبران 45 جنيه
جوان تاكيهات 70 جنيه
جلب مقص صباع ب 50 جنيه
جلب مقص بشفه 60 جنيه
كوتش كوبلن خارجى 80 جنيه
كوتش علبة الدريكسيون 70 جنيه
رحت للميكانيكى بعد كدا ركبت الكاتينه الجديده وفك وش التاكيهات وركب الجوان الجديد وغير الفلاتر كلها وغيرت الزيت وفك الكوبلن حطله الشحم وركب الكوتش الجديد وجبت من عنده بوجيهات 3 شمعه دينسو بتاعت النوبيرا هيا نفسها بتاعتى ب 65 جنيه وجبت الزيت الشل الاحمر ال 3000 ب 75 جنيه وهوا خد مصنعيه 100 جنيه
لسه هروح بكرا اعمل العفشه ان شاء الله واقولكم ايه اللى تم
تنمياتى لكم بالتوفيق والنجاح يارب
