سؤال مهم بالنسبه لكروت البنزين

**ramsisthethird** · 04-12-2013 11:45 PM

ياجماعه فيه سؤال مهم عن كروت البنزين مش لاقى حد بيكلم عنه وهو ان ناس كتير اشترت عربيات بتوكيل يعملوا ايه؟ يعنى انا اشتريت عربيه من واحد صاحبى بتوكيل والرخصه تنتهى فى شهر 7 / 2014 يعنى لسه فاضل فيها فتره كبيره ومش عايز انقل ملكيه دلوقت اعمل ايه؟ اقدم على الكارت ازاى؟ وباسم مين؟ وياترى ينفع والا لازم انقل ملكيه العربيه والرخصه باسمى الاول؟

**ahmedesmat1987** · 05-12-2013 12:19 AM

انا عربيتى بتوكيل ومش باسمى والحمد لله استلمت الكارت من يومين هما عاملين حسابهم فى صفحه التسجيل هتدخل بيانات صاحب المركبه اللى هو صاحبك عادى جدا رقم البطاقه والاسم بالكامل والعنوان واكيد الكلام دا مكتوب عندك فى التوكيل وتيجى فى النقطه بتاعه بينات اسم المستلم تحط بيناتك ودمتم ......

تحياتى

**Akram.Gamal** · 05-12-2013 12:52 AM

https://www.esp.gov.eg/CarRegisterat...quiryPage.aspx

ده اللينك حشان تسجل من ع النت
هتملى بيانات العربيه و الكارت للعربيه نفسها مش لمالك السياره
يعنى هي تعتبر ملازمه للرخصه لما العربيه تتباع الكارت يتسلم زي الرخصه

**saddam** · 05-12-2013 05:09 AM

صديقي المواطن
التسجيل بسيط ولكن مصيبة هذا البرنامج في حقارته إنك متقدرش تسجل إلا لو كانت الرخصة سارية وأنا فضلت ساعتين أسجل ومفيش فايدة لغاية متصلت بيهم فقال لي لا تسجيل إلا لرخص سارية وقولا واحدا أنا معايه 10 عربيات شخصية ولا وحده منهم فيها رخصة سارية توحد ربنا الناس دي حتخلينبمي مجبرا أبتدي أفكر أرخص عربيتين تلاته منهم وأملاهم وأقعد أفضي في الباقيين لغاية مرخصهم كلهم في خلال قول بتاع 20 سنة لقدام لغاية مربنا بسهل ده وحده من العربيات عليها ترخيص لغاية دلوأتي حوالي 16 ألف ومن ساعتين شاري عربيتي رقم 10 عليها 5 سنين ترخيص قول 7 آلاف جنيه
قولا واحدا
إحنه إنتهينه خلاص
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**تامر.محمد** · 05-12-2013 09:06 AM

انا قدمت على السايت
و نسيت رقم التسجيل :(

حدش يعرف اجيبه تاني منين ؟

**hamisa08** · 05-12-2013 10:30 AM

سوال لولبى

هو الموضوع دة هيكملوا فيه يعنى هيطبق ؟؟

ولا " كان فية وخلص " مع الحكومة القديمة ؟؟

**ahmedesmat1987** · 05-12-2013 11:26 AM

المشاركة الأصلية كتبت بواسطة saddam

صديقي المواطن
التسجيل بسيط ولكن مصيبة هذا البرنامج في حقارته إنك متقدرش تسجل إلا لو كانت الرخصة سارية وأنا فضلت ساعتين أسجل ومفيش فايدة لغاية متصلت بيهم فقال لي لا تسجيل إلا لرخص سارية وقولا واحدا أنا معايه 10 عربيات شخصية ولا وحده منهم فيها رخصة سارية توحد ربنا الناس دي حتخلينبمي مجبرا أبتدي أفكر أرخص عربيتين تلاته منهم وأملاهم وأقعد أفضي في الباقيين لغاية مرخصهم كلهم في خلال قول بتاع 20 سنة لقدام لغاية مربنا بسهل ده وحده من العربيات عليها ترخيص لغاية دلوأتي حوالي 16 ألف ومن ساعتين شاري عربيتي رقم 10 عليها 5 سنين ترخيص قول 7 آلاف جنيه
قولا واحدا
إحنه إنتهينه خلاص
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

قولا واحده لزم بيانه .......رخصتى منتهيه من سنتين واستلمت الكارت بس بصراحه معاد الفحص 2014

**ahmedesmat1987** · 05-12-2013 11:28 AM

المشاركة الأصلية كتبت بواسطة محمد طايع

شكرا لحضرتك جدا
دى معلومه كويسه وجديده بالنسبالى
هى البطاقة اخدت وقت اد ايه تقريبا على ما وصلتك ؟

4 شهور ودا كان سببه انى عملت مكان الاستلام بريد المنطقه بتاعتنا فانتا لو عايز تنجز اعمل الاستلام عن طريق المنزل من مندوب الشركه وهتدفع 20 جنيه مصاريف الشحن ودمتم