محتار اجيب كرولا 2013 زيرو ولا بيجو 301

**Batman372** · 05-12-2013 07:50 PM

المشاركة الأصلية كتبت بواسطة psycholain

ليه يا استاذ محمد مش فاهم، انا مش قصدي حاجة باللون الاحمر للاخ الفاضل اللي برد عليه، هي جت كده لون مختلف و خلاص بحيث ابين بيه ردى في سياق الموضوع.
لو فيه حاجة انا مش واخد بالي منها انا بعتذر عليها مقدما و ياريت لو حضرتك توضحهالي و شكرا

قوانين المنتديات ممنوع الكتابه بالاحمر للاعضاء ...

فقط للمشرفين ...

**Ahmed TRAVCO** · 05-12-2013 10:34 PM

أرى ان الكورولا -سواء 2013 أو 2014- أفضل من البيجو 301... وبالنسبة لي سعر البيجو هو ما يميزها فقط...

**Akram.Gamal** · 05-12-2013 11:00 PM

المشاركة الأصلية كتبت بواسطة psycholain

اتنين من اصدقائي معاهم العربية و بيقارنو مع عربياتهم التانية بيجو برضو 307 و بيجو 208 .
وهما شايفين الخامات مش قد كدة مقارنة بالعربيلت دى اللي هي نفس الماركة.
حضرتك 301 عربيه اقتصاديه متقرنهاش باي عربيه تانيه غير فئتها السعريه و تكون عرربيه اقتصاديه برضو
بيجو 208 ب 168000 جنيه -- 206 ب 150000 جنيه -- 307 مبتنزلش دلوقتى و سال كانت بكام زمان

بس يا فندم ازاي معلوماتنا غلط جملة و تفصيلا انا قايل انها اسباني في مصنع psaو طبعا فاهمين انها تقفيل بس طبيعي بيتقال صناعة اسباني او بلد المنشأ اسبانيا في ورق الافراج زى الكوروﻻ بيتقال تركي .
اها كده فهمت قصدك .. بس برضو فرنساوى تقفيل اسبانى :D
و هي في بلد اسمها فيجو مش فوغ اللي فيها الفرقة الاسبانية المشهورة سيلتا دى فيجو
اها اسف هي اسمها فيغو فعلا .. غلطه منى دى

بالنسبة لمصنع الصين االمعلوماتبالنسبة لي مش اكيدة و انا قولت يقال هتبقي صيني مأكدتش كدة و معلوماتي جايبها من ويكيبيديا و الايام القادمة هتبين اذا كانت فعلا هتبقي صيني وﻻ ﻷ.
اما بخصوص مصنع الصين ﻷسيا و مصنع اسبانيا لبقية الدول دى انا مش متأكد منها فمش هفتي و يا ريت لو حضرتك متأكد تقولنا المصدر انا هكون اول واحد مبسوط عشان العربية في وجهة نظرى جميلة و تستحق الفرصة في السوق المصرى و عن نفسي كنت هحجزها لمراتي و لكن غيرت رأي في اخر لحظة و جبنا الاكسنت ار بي.
تحياتي ليك يا باشا

حضرتك معلوماتى جايبها من الوكيل فرع صلاح سالم و متاكد منها ان شاء الله
و تقدر تسال بنفسك 19207
وبالنسبه لوكيبيدا دي موسوعه حره يعنى اى حد يقدر يدخل و يعدل المعلومات مفيش مشاكل و ده مش معناه ان معلوماتها غلط و لكنها ليست المرجع فى الشأن

تحياتك وصلت .. و مبروك عليك الاكسنت

.. و خسرت الاوروبى

**Mohamed.Hany** · 05-12-2013 11:17 PM

المشاركة الأصلية كتبت بواسطة batman372

قوانين المنتديات ممنوع الكتابه بالاحمر للاعضاء ...

فقط للمشرفين ...

شكرا يا فندم للمعلومة.
انا مكنتش اعرف بصراحة و كويس ان حضرتك وضحتلي شكرا مرة تانية

**Mohamed.Hany** · 05-12-2013 11:21 PM

شكرا للمعلومات القيمة. اهو كدة العربية فعلا هتنجح و هتعنل سمعة كويسة.

**Mohamed.Hany** · 06-12-2013 08:50 PM

المشاركة الأصلية كتبت بواسطة hmada9009_99

بس حضرتك تويوتا القديمه ياباني هي جت معايا غلطه في الكتابه بالنسبه للكرولا هي عربيه محترم بس المقارنه ككقطع غيار واعتماديه وsafty البيجو احسن وكسعر بيجو احسن ده وجه نظري وديه ازواق انا بحب عربيات الأوروبي عن ياباني ده عن نفسي البيجو 301 اسباني واللي يركبها يركب الفل اوبشن غير كده ماتركبهاش
وده فيديو بسيط على تسارع البيجوووو 301

Peugeot 301 1,6i 2013 - acceleration 0-190 km/h - YouTube

تسارعها وادائها اداء محترمممممممممممم

يا فندم اللي حضرتك بتقوله مع احترامي الشديد كلام غريب جدا جدا
البيجو 301 كقطع غيار و اعتمادية و امان افضل من الكوروﻻ !!!!!!!
سعر اقولك ماشي البيجو 301 رخيصة لكن اعتمادية و امان و قطع غيار اختلف مع حضرتك جدا.
الكوروﻻ = اعتمادية و هو فيه اعتمادية غير في الكوروﻻ ؟
قطع الغيار ده ان احتاجت و معروف عن الكوروﻻ سيارة بلا اعطال يعني تركب و تمشي و لو احتاجت مرطرطة في كل حتة هو فيه اكتر منها في البلد.
اما بقا الامان فحدث و لا حرج و مش هتكلم علي اللي نازل في البيجو 301 زى ال abs و لكن هقولك اللي مش نازل في بيجو 301 و نازل في الكوروﻻ :
Bas
Trc
Esp
7 airbags
هي مش دي الوسائل اللي المفروض تبقي في العربية البيجو 301 عشان تتفوق علي الكوروﻻ في الامان.
اما بخصوص التسارع بتاع العربية فالكروﻻ 122 حصان مقابل 115 للبيجو 301
و العزم كوروﻻ 154 نيوتن و البيجو 301 هو 150 نيوتن
تحياتي ليك يا فندم