| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 15

  1. #1

    الصورة الرمزية smartech

    رقم العضوية : 128217

    تاريخ التسجيل : 29Jul2012

    المشاركات : 81

    النوع : ذكر

    الاقامة : القاهرة

    السيارة: لا

    السيارة[2]: Siat Ibiza 94

    دراجة بخارية: لا

    الحالة : smartech غير متواجد حالياً

    افتراضي تقرير عن تغيير الزجاج الحلفى ابيزا 94 - Facebook Twitter whatsapp انشر الموضوع فى :

    hasad">

    صباح الفل على رجالة المنتدى الجمال
    يوم الخميس الى فات قاعد ولا بيا ولا عليا فى البيت لقيت ابن البواب طالعلى بيقولى الحق بسرعه عيال كسروا قزاز العربيه بتاعتك .....
    مصدقتش نفسى ودخلت بسرعه البس ونزلت اشوف فيه ايه .. خير اللهم اجعله خير لقيت القزاز الى ورا كله على الارض ، دورت فى العربيه ، الحمد لله ملقيتش حاجه اتسرقت

    اخدت الحاجه الى فى العربيه المهمه ، وطلعت الكوريك واللاستبن وشويه حاجات كانت فى الشنطه وغطيت العربيه كويس وطلعت وانا بحسبن على الى كسرلى القزاز ، بس اهو الحمد لله . قدر الله ماشاء فعل ، احسن ما كانت تيجى فى حاجه تانيه .

    المهم قعدت افكر هعمل ايه ، اغير قزاز ولا اغير باب الشنطه .
    انا كنت فاكر ان حد كان كاتب انه جاب باب الشنطه كله ب 300 جنيه او كده . قلت لنفسى انا هنزل اشوف سعر القزاز كام ، ولو لقيته نفس سعر باب الشنطه اجيب باب الشنطه واستفيد بالى فيه

    تانى يوم الصبح صحيت وضبطت حالى و نزلت صليت الجمعه و اخدت بعضى ونزلت على الحرفيين . رحت للثلاثاثى بتاع زجاج السيارات الى فى اول الحرفيين ، بعد ما قعد يدور شويه قالى لا والله مش موجود دلوقتى . بس لو عايزه اجيبهولك ، سألته بكام ؟ قالى يعنى فى حدود 300

    اخدت بعضى ورحت للسراج بتاع المستعمل هناك ، قلتله عندك باب الشنطه ؟ قالى موجود يا باشا .
    سألته بكام ؟ قالى باب الشنطه الى بعاكس اسود بـ 350 جنيه ، والى بعاكس احمر بـ 450 جنيه .
    سألته على اللون علشن مضطرش ارش . قالى إن شاء الله نلاقيه .
    قلتله خلاص تمام انا هاخد الى بعاكس اسود وانا كده كده مش فارق معايا لون العاكس يعنى ، وانا اولى بالـ 100 جندى دى

    نده لصبى معاه قاله روح مع الباشا المخزن وجيبله باب شنطه
    رحنا المخزن قريب من المحل مفيش 200 متر ، هو المخزن بدروم عماره كبيره
    فتح قفل الباب وقالى اتفضل يا باشا ...
    انا دخلت و حسيت انى دخلت مغاره على بابا ... ايه ده كله ايه ده كله
    اللهم صلى على النبى
    مخزن فيه مالابره للصاروخ ، صاج تلاقى ، مواتير تلاقى ، كماليات قشطه ، كل ما تتخيلوه من مكونات عربياتنا موجوده جوه ، وكله مترصص ومتنظم . كل حاجه فى مكان

    دورت فى الى موجود ملقيتش بالعاكس الاسود ، فقلتله انا عايز اسود ، الواد قالى خد الاحمر ولما نروح المحل ابقى فاصل مع صاحب المحل ، قلتله طيب

    نقيت باب شنطه لون نفس اللون الى عندى ، او انا كنت فاكر كده لان الاضاءه كانت ضعبفه ، حالته حلوه قوى اكنه جديد ، ومعاه مشتملاته ، بس من غير الاسبويلر ، بس معاه العواكس اكنها جديده وعلامة السيات ، والمساحات الاصليه بالرشاشات والغطا بتاعها الى بيركب فى المساحات شكلها عجبنى قوى بصراحه ، مع ان الشنطه الى عندى حلوه جداً ، بس شكل العاكس والمساحات الى فيه كيفنى

    رجعنا المحل وحاولت انزل مع الراجل ، قالى ولا مليم ، دالعاكس لوحده ببيعه بـ 350 جنيه ، قلتله انا مش عايز العاكس ، المهم من هنا لهنا اخدها منه على 400 واشتريت جوز فوانيس ورا بالمره لان الى عندى كانوا مشروخين بـ 200 جنيه

    حطيت الباب فى الشنطه وطلعت على السمكرى بتاعى . قلتله ركب يا معلم
    قالى طلعها كده وورينى
    طلعت الشنطه شافها ،واتصدمت اول صدمه !!!!!

    لون الشنطه كان فارق عن اللون عندى حاجه بسيطه ، مش نفس اللون ، قلت مش مشكله مش متلاحظه قوى

    بعد ما السمكرى شافها قالى حلوه بس فيه مشكلتين
    المشكله الاولى ان المفصلات الى فى الشنطه الى عندى متثبته بمسمارين فى كل ناحيه فى جسم العربيه ، الشنطه الجديده بتركب بمسمار واحد بس كل ناحيه ، قلتله وبعدين ؟؟ قالى خلاص مش هنشيل المفصلات وهركب على المفصلات القديمه الى عندك

    قلتله خلاص تمام اشتغل يا عم .
    قالى لااا دانت لازم تروح للكهربائى الاول علشان يضبطلك السلوك الى داخله لباب الشنطه من ورا ،
    بص كده وقالى دانتا كمان عندك قصه تانيه ، قلتله ايه ؟؟!!!!!
    قالى انت السلوك داخله الباب من ناحية اليمين ، فى الباب السلوك داخله من ناحية الشمال
    كمان خرطوم المياه بتاع المساحات الى ورا ممكن يقطعه

    بينى وبينكم اتنكدت وقلت لنفسىازاى انا مفكرتش فى القصه دى ؟؟؟
    قلتله خلاص سيبنى اشوف الدنيا واحسبها وبعدين هرجعلك

    لما حسبتها لقيت انى هديله مصنعيه وادى الكهربائى مصنعيه وكمان اللون مش هيبقى هو هو فهضطر ارش العربيه ، ايه الفتحه الى انا فتحتها على نفسى دى ؟؟؟؟؟

    وانا مروح عينى وقعت على بتاع قزاز قلت اخش اسأله اذا كان ينفع اشيل القزاز من الباب الجديد واركبه فى الجديد .
    قالى ينفع ، بس لو حصله حاجه ولا اتكسر مش هبقى مسئول ....
    قلتله ازاى يعنى مش انت الى هتشتغل وهتاخد فلوس ؟
    قالى ياباشا دى حكايه سهله واحنا عملناها كتير ، بس ممكن يكون القزاز اصلاً ضعيف هتحمل انا تمنه
    المهم بعد مناهده قالى متقلقش ، بس لازم اقول للزبون كده ، بس إن شاء الله مش هيحصل حاجه
    قلت له اتكل على الله وانا قلبى بيتقطع
    قعد يشيل القزاز فى ساعه هو وواحد بسلك هما بيعملوه لحد لما شاله وركبه فى الباب الى عندى اصلاً
    واخد 70 جنيه

    قلت الحمدلله انها جت على قد كده

    التكلفة الاجماليه :
    400 باب الشنطه كامل
    70 مصنعية بتاع القزاز
    يعنى 470 جنيه

    هو اكتر من تمن القزار بس هى كانت مغامره و ادينى عندى عاكس احمر لحد دلوقتى مركبتوش ومساحه العربيه الفبريكه ، قال يعنى مساحة bmw

    وطبعاً الفرش ومكنة القزاز والصاج بتاع الباب

    لو اى حد من الاعضاء محتاج باب الشنطه من غير القزاز انا تحت امره ، يجيلى وحلال عليه ، انا مش محتاجه


    seat Ibiza 94 - 1.3 Carb aav


  2. #2

    الصورة الرمزية Ahmed pico

    رقم العضوية : 132167

    تاريخ التسجيل : 11Dec2012

    المشاركات : 222

    النوع : ذكر

    الاقامة : shoubra

    السيارة: opel corsa sedan 2006

    السيارة[2]: vw polo 6n 1.3 96

    الحالة : Ahmed pico غير متواجد حالياً

    افتراضي -

    السلام عليكم

    اولا يا باشا احب اقولك ان السمكرى بتاعك ده اى كلام لان لو هو بيفهم واشتغل فى العربيات دى كتير كان هيعرف يحل كل ده ومش هيقولك روح للكهربائى انا لما جبت الشنطه ب 300 جنيه السمكرى عمل كل حاجه واديته 50 جنيه بس عمتا الخيره فيما اختاره الله

    وكان فيها نفس المشاكل تقربيا لان بتوع الحرفين كلهم دلوقتى شاغلين على عربيات جايه من اليابان ف العربيات كلها يمين


  3. #3

    الصورة الرمزية ra3d

    رقم العضوية : 15455

    تاريخ التسجيل : 30Jul2008

    المشاركات : 215

    النوع : ذكر

    الاقامة : cairo

    السيارة: no

    السيارة[2]: polo 1998

    الحالة : ra3d غير متواجد حالياً

    افتراضي -

    الواحد مابيتعلمش ببلاش
    و مبروك

    POLO 6N 1000CC


  4. #4

    الصورة الرمزية mesaharaty

    رقم العضوية : 7200

    تاريخ التسجيل : 09Mar2008

    المشاركات : 2,335

    النوع : ذكر

    الاقامة : القاهرة

    السيارة: مترو الأنفاق

    السيارة[2]: ٍSUZUKI MARUTI 2009

    الحالة : mesaharaty غير متواجد حالياً

    افتراضي -

    عموما ألف مبروك وخسارة بسيطة ماتزعلش

    لما كلكم عاوزين تبقوا فتوات أمال مين إللى حينضرب


  5. #5

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    أنا شايف أنك ماخسرتش
    غطا مية المساحه و معاك العاكس الأحمر وده فعلا غالى وعلاوه على كده أنك ركبيت زجاج الفبريكه

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI


  6. #6

    الصورة الرمزية smartech

    رقم العضوية : 128217

    تاريخ التسجيل : 29Jul2012

    المشاركات : 81

    النوع : ذكر

    الاقامة : القاهرة

    السيارة: لا

    السيارة[2]: Siat Ibiza 94

    دراجة بخارية: لا

    الحالة : smartech غير متواجد حالياً

    افتراضي -

    استاذ حسام ، تفتكر قزاز الفبريقه يفرق عن القزاز الى كان هيتجاب ؟؟


    seat Ibiza 94 - 1.3 Carb aav


  7. #7

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    بيبقى فيه فرق فى درجة اللون والشفافيه و ودوران التقفيل
    شوف ده وهتفهم قصدى http://www.nilemotors.net/Nile/307534-a.html

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI


  8. #8

    الصورة الرمزية Mahmoudelsayed

    رقم العضوية : 148328

    تاريخ التسجيل : 08Sep2013

    المشاركات : 286

    النوع : ذكر

    الاقامة : cairo

    السيارة: Seat Ibiza 1998 1.4

    السيارة[2]: Fiat 127 Top

    الحالة : Mahmoudelsayed غير متواجد حالياً

    افتراضي -

    فى فرق بين باب شنطة 94 و98 ؟؟؟؟

    Mahmoud El- sayed

    IBIZA 98 - 1400 cc ABD - Mono injection


  9. #9

    الصورة الرمزية abdelrahmanafi

    رقم العضوية : 152704

    تاريخ التسجيل : 04Dec2013

    المشاركات : 5

    النوع : ذكر

    الاقامة : القاهرة

    السيارة: ابيزا 94

    السيارة[2]: ابيزا 94

    الحالة : abdelrahmanafi غير متواجد حالياً

    افتراضي -

    باشا انا عاوز العاكس الاحمر لو سمكحت


  10. #10

    الصورة الرمزية nesr6060

    رقم العضوية : 124163

    تاريخ التسجيل : 05May2012

    المشاركات : 912

    النوع : ذكر

    الاقامة : جيزه

    السيارة: .................

    السيارة[2]: SEAT IBIZA

    دراجة بخارية: .........

    الحالة : nesr6060 غير متواجد حالياً

    افتراضي -

    hasad">

    باشا لو ينفع تبيع المساحات الخلفيه بالرشاش انا عاوزها بدل ماكنت اشتريها من الحرفين
    الصراحه انا مش عارف ايه هو العاكس بس انا عندى المساحه ورا حجمها كبير وعاوز اغيرها شوف لو هتبيعها ياباشا بكام

    Seat Ibiza
    Audi Engine 5V
    seat ibiza 94 tunning 2000
    A.G
    ادمن جروب Seat Egypt Lovers



 
صفحة 1 من 2 1 2 الأخيرةالأخيرة

المواضيع المتشابهه

  1. مشاركات: 16
    آخر مشاركة: 15-09-2013, 03:19 PM
  2. تقرير تغيير طرمبة المياه - ابيزا 94
    بواسطة smartech في المنتدى ســـيات
    مشاركات: 8
    آخر مشاركة: 18-08-2013, 09:17 PM
  3. تقرير تغيير قواعد الموتور - ابيزا 99 - بالصور
    بواسطة SYD في المنتدى ســـيات
    مشاركات: 35
    آخر مشاركة: 24-03-2013, 02:44 PM
  4. تغيير مساحات الزجاج
    بواسطة dandashx في المنتدى كــماليــات السيـــارات و الإكسسوارات
    مشاركات: 15
    آخر مشاركة: 15-06-2012, 01:11 AM
  5. تغيير الزجاج الامامى
    بواسطة Mostafa.Ismail في المنتدى أوبـــــل
    مشاركات: 4
    آخر مشاركة: 10-06-2012, 02:04 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2