أخير بعت الأفيو ..بعد 5سنين عذاب ..الله لايرجعها...:36_2_33:
عرض للطباعة
أخير بعت الأفيو ..بعد 5سنين عذاب ..الله لايرجعها...:36_2_33:
كنت شاريها زيرو ولا مستعمله
وايه العيوب اللى ضايقتك فيها
كده انت تقصد لبستها لواحد !!!!!!!!!!!
ايوه بتفق مع راى الاخوه الاعضاء عايزين مخلص كده للمشاكل و المميزات و العيوب الى واجهتك
متابع
أولا شاكر لاهتمامكم ..ثانيا الاخ الفاضل اللى بيقول انى لبستها لواحد:dontudear: .انا اكيد ماعملتش كده لانى ماسلمتهاش لحد غير لما صلحت اللى فيها بالذات موضوع الطنابيروالقصة انى خلاص كان لازم اغير بعد 5 سنين شغل معايا والعربية فعلا زهقتنى وربنا يبارك للى اشتراها ....بالنسبة لموضوع الافيو وعيوبها وتصليحها بعد خبرة 5 سنين فالكلام هيطول فى الموضوع ده شوية وهرد عليكم فيه النهاردة ان شاء الله..والعربية كانت زيرو انا اول يد اوتوماتيك 2010
متابع
العربيه عامله كام الف معاك ؟
صديقي المواطن
فيه عربيات كده من نوعية الجواب بيبان من عنوانه يعني واحد مثلا يخش معارض وتوكيلات يشتري عربية جديدة وشاف اﻷفيو إزاي كان ممكن يتخيل العربية الكتكوتة الصغيرة اللي لما بفرش سجادة الصلاة حلاقيها أكبر منها إزاي حد يتخيل إنها حتكون عربية كويسة إخواني خدوها مبدأ اﻷمريكان ومنهم شيفرولية لم ينجحوا في صناعة أي سيارة صغيرة ناجحة كل سياراتهم الناجحة سيارات ناس مرتاحة واللي زاد وغطا إن العربية واخدى علامة شيفرولية تسلل وهي أصلا دايو كوري وإشترتها جي إم
عامة يبدو أن الله قرر أن يخفف عنك وأزاح هذا الهم عنك وبصراحة لو كان اﻹنسان بيتقيم من إنه راكب إيه فبصراحة هي تكسف ولا تصلح مثلا تقول رايح أخطب أو أروح أزف بيها حد ولا يصلح مثلا عميد أو عقيد يكون راكبها وينزل يقول أنا عميد أمن دولة ولا مخابرات ولا حتى جيش وتشوفه وهو مروح راكب أفيو يعني من غير تجريح ممكن يقل في نظرك ده لو تم تقييم البشر من العربية اللي راكبها زي مبيحصل بره وزب مبيحصل في بعض نوادينا زي هليوبليس وغيرها الناس تقيمك من جزمتك وعربيتك
والحمد لله أنا وإنتو يا قراء منتدانا المريم مبنقيمش كده إحنه بنقيم اﻹنسان بأخلاقه
ملحوظة كلامي عن العربية مش سماعي أنا راكبها حوالي شهرين والمحصلة هي كقيادة عنوان الفشل ولكن كتوفير فربنا يعينكم كل واحد يمد رجليه على قد غطاه ووسع اللع أرزاق الجميع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
بداية أحب اوضح كذا حاجة
العربية عملت معايا 195 الف كم وسوقتها فى كل الظروف وعلى كل الطرق يعنى حكمى عليها مش من فراغ ده غير انى كمان كنت محافظ عليها يعنى ماهنتهاش رغم المسافة الكبيرة اللى قطعتها ومن ناحية الصيانات عملت لحد 60 الف فى التوكيل (ربنا ينتقم منه) وبعد كده بره
بس هو برضه الواحد لازم يقول ان كل عربية ليه مميزاتها وعيوبها مهما كانت
أولا أنا لما اشتريت العربية ماكانش عندى خبرة كبيرة فى العربيات وعجبنى شكلها ومع مشيها معايا بانت مشاكلها
1-أول مشكلة كانت موضوع عداد rpmاللى بيزيد مع نفسه مع ان الفتيس على وضع n والمشكلة دى لقيتها برضه مع ناس كتير وزاد الموضوع لدرجة ان ال rpm بقى بينقل غيارات مع نفسه
يعنى لما كنت بجيب الغيار على وضع السواقة (d) ومن غير مادوس بنزين العربية كانت بيعلى عداد rpm بتاعها مع نفسه وينقل السرعة من الاول للتانى وهكذا طبعا انا حسيت كانى فى فيلم خيال علمى ولعنت العربية على اللى عملوا العربية المهم صورت الموضوع بالفيديو عشان التوكيل يصدق وروحتلهم هناك وقالولى شكوة حضرتك ايه قولتلهم العربية راكبها جوست قاللى يعنى ايه قمت موريه الفيديو والعربية ماشية على سرعة 90 مع نفسها بدون ماضغط بنزين كل اللى عملته انى جبتها على وضع الd بس المهم فضلت 4 شهور يغيروا فى حوارات مرة مش عارف حساس ايه ومرة الكومبيوتر وبعد عذاب وخناقة جامدة فى التوكيل غيرولى ضفيرة الكهربا بحالها وده اللى حل المشكلة بعد عذاب.
2- تانى مشكلة معايا كانت موضوع الطنابير الزبالة اللى بتتاكل بدون سبب لدرجة غيرتها فى الضمان 8 مرات فى سنتين وكل مرة بخناقة فى التوكيل الزبالة بتاع طنطا لحد ماواحد ابن حلال قاللى روح هاتلك جنبين استيراد يعنى مساعدسن بطانبير بماستلا الفرامل على بعضهم بس يكونهوا استيراااااااااااااااد مش من عربية متقطعة هنا ووصيت واحد جابهالى والعربية ظبتت بنسبة 80 %.
3-الحاجة التالتة كانت الفرامل الزبالة اللى كانت بتتاكل فى ناحية عن ناحية واتحلت مع تغيير الجنبين مع الطنابير
4-طبعا اتزان العربية وعومانها حدث ولا حرج اتزان سىء للغاية
5-سحب العربية ضعيف وبيتأثر بالتكييف الضعيف برضه
بالنسبة للميزات
فهى فى النهاية عربية متوسطة السعر(كان زمان) تصلح للمسافات واشغل البسيط عالية عن الأرض وكل الصنايعية عارفين اللى فيها قطع غيارها متوفرة عند طوب الارض
خلاصة الموقف لو الظروف مضطراك انك تجيبها هات المانيوال الكورى وبلاش الاوتوماتيك اصلا ولو احسن روح هات اللوجان عملية عنها جدا وارخص منها
ملحوظة اخيرة انا اشتكيت المنصور فى حماية المستهلك وكنت رافع قضية مع اربعة عرفتهم بالصدفة كان عندهم نفس المشاكل لكن لاحياة لمن تنادى وسلملى على مصر
وكل اللى بيشترى حاجة فى مصر يتحمل مسؤوليتها مع نفسه ويتحرق دمه اما بالنسبة لوكلاء السيارات فى مصر فمعظمهم عبارة عن شوية نصابين
انا معايا افيو 2009 مانيوال كورى من الزيرو وعامل 90 الف العربية تحفة وشياكة عمرى مااشتكيت من حاجه وكل اللى عملته فيها صيانة 60 الف سيور وبلية كاتينة ومغيرتش حاجه فيها خالص
ابن عنى معاه واحده وبرضه مش طايقها ياخى السوق المصرى ده غريب اوى العربيه انتشرت انتشار رهيب على الرغم من عيوبها ومازالت بتبيع !!!!!!!!!
اقتباس:
بداية أحب اوضح كذا حاجة
العربية عملت معايا 195 الف كم وسوقتها فى كل الظروف وعلى كل الطرق يعنى حكمى عليها مش من فراغ ده غير انى كمان كنت محافظ عليها يعنى ماهنتهاش رغم المسافة الكبيرة اللى قطعتها ومن ناحية الصيانات عملت لحد 60 الف فى التوكيل (ربنا ينتقم منه) وبعد كده بره
بس هو برضه الواحد لازم يقول ان كل عربية ليه مميزاتها وعيوبها مهما كانت
أولا أنا لما اشتريت العربية ماكانش عندى خبرة كبيرة فى العربيات وعجبنى شكلها ومع مشيها معايا بانت مشاكلها
1-أول مشكلة كانت موضوع عداد rpmاللى بيزيد مع نفسه مع ان الفتيس على وضع n والمشكلة دى لقيتها برضه مع ناس كتير وزاد الموضوع لدرجة ان ال rpm بقى بينقل غيارات مع نفسه
يعنى لما كنت بجيب الغيار على وضع السواقة (d) ومن غير مادوس بنزين العربية كانت بيعلى عداد rpm بتاعها مع نفسه وينقل السرعة من الاول للتانى وهكذا طبعا انا حسيت كانى فى فيلم خيال علمى ولعنت العربية على اللى عملوا العربية المهم صورت الموضوع بالفيديو عشان التوكيل يصدق وروحتلهم هناك وقالولى شكوة حضرتك ايه قولتلهم العربية راكبها جوست قاللى يعنى ايه قمت موريه الفيديو والعربية ماشية على سرعة 90 مع نفسها بدون ماضغط بنزين كل اللى عملته انى جبتها على وضع الd بس المهم فضلت 4 شهور يغيروا فى حوارات مرة مش عارف حساس ايه ومرة الكومبيوتر وبعد عذاب وخناقة جامدة فى التوكيل غيرولى ضفيرة الكهربا بحالها وده اللى حل المشكلة بعد عذاب.
2- تانى مشكلة معايا كانت موضوع الطنابير الزبالة اللى بتتاكل بدون سبب لدرجة غيرتها فى الضمان 8 مرات فى سنتين وكل مرة بخناقة فى التوكيل الزبالة بتاع طنطا لحد ماواحد ابن حلال قاللى روح هاتلك جنبين استيراد يعنى مساعدسن بطانبير بماستلا الفرامل على بعضهم بس يكونهوا استيراااااااااااااااد مش من عربية متقطعة هنا ووصيت واحد جابهالى والعربية ظبتت بنسبة 80 %.
3-الحاجة التالتة كانت الفرامل الزبالة اللى كانت بتتاكل فى ناحية عن ناحية واتحلت مع تغيير الجنبين مع الطنابير
4-طبعا اتزان العربية وعومانها حدث ولا حرج اتزان سىء للغاية
5-سحب العربية ضعيف وبيتأثر بالتكييف الضعيف برضه
بالنسبة للميزات
فهى فى النهاية عربية متوسطة السعر(كان زمان) تصلح للمسافات واشغل البسيط عالية عن الأرض وكل الصنايعية عارفين اللى فيها قطع غيارها متوفرة عند طوب الارض
خلاصة الموقف لو الظروف مضطراك انك تجيبها هات المانيوال الكورى وبلاش الاوتوماتيك اصلا ولو احسن روح هات اللوجان عملية عنها جدا وارخص منها
ملحوظة اخيرة انا اشتكيت المنصور فى حماية المستهلك وكنت رافع قضية مع اربعة عرفتهم بالصدفة كان عندهم نفس المشاكل لكن لاحياة لمن تنادى وسلملى على مصر
وكل اللى بيشترى حاجة فى مصر يتحمل مسؤوليتها مع نفسه ويتحرق دمه اما بالنسبة لوكلاء السيارات فى مصر فمعظمهم عبارة عن شوية نصابين
أولا:بالنسبه لرقم 1 المشكلة اتحلت من بعد موديلات 2012 وطبعا الشكل الجديد 2014 مفيش فيه المشكله دى
ثانيا: حضرتك بتقول مشكلة rpm ودى موجوده فى المانوال بس !!! وعربيتك اوتوماتيك ؟
ثالثا: ثبات العربيه اى عربيه بعد 140 ثباتها بيقل وطبعا مين بيعدى اصلن 140 ويكون فى الأمان
رابعا: سحب العربيه بيقل مع التكييف زى اى عربيه موجوده وبعدين هى 1500 سى سى 84 حصان .... فى عربيات موجوده 1300 سى سى عاوز التكييف يعمل فيها ايه !!
خامسا: العربيه منتشره جدا جدا وده بيثبت انها جيده يعنى ولا ممتازه ولا سيئة
اسمحلى حضرتك(بعد إذن صاحب الموضوع طبعااا)..... هو أنا مش بدافع عن صاحب الموضوع.... بس هو مايقصدش يهاجم العربية عن فراغ.... هو بس بيتكلم عن العيوب اللى قابلها فى العربية .... ده غير إنه ما اتكلمش عن العيوب وبس ... لأ ... هو قال كمان إن فى مميزات زيها زى أى عربية ليها مميزات وعيوب....ده غير إنه قال إن مشكلة الـrpm دى فى الأوتو مش فى المانيوال وهو معاه أوتو (ماغلطش يعنى)... من ناحية الثبات هو قال "حدث ولا حرج" ماقالش بعد 140 ولا 120 حتى .. فحضرتك ليه افترضت انه بيتكلم بعد ال140؟؟..... بعدين "سحب العربيه بيقل مع التكييف زى اى عربيه موجوده وبعدين هى 1500 سى سى 84 حصان .... فى عربيات موجوده 1300 سى سى عاوز التكييف يعمل فيها ايه !!" .... طب ماهو برضه فى عربيات 1100 مابتتأثرش بالتكييف... الراجل ماغلطش برضه أو بمعنى أصح العربية ماحققتش متطلباته اللى عايزها من عربية زى دى....غير كدة مش كل عربية منتشرة تبقى عربية كويسة... أعتقد (فى رأيى المتواضع ) إن الفيرنا أكثر عربية انتشارا وما افتكرش إنها تستاهل مسمى عربية أصلا.... تقبل تحياتى
صديقي المواطن
حضرتك لو تتفضل تحت البيت تشرفني حتلاقي أفيو فيراني للأسف بخرج فيها ما لا يقل عن 3 مرات أسبوعيا والحمد لله مش بتاعتي ولكن لما بخرج بيها لو قعدت حد ورا أو أنا قعدت ورا لازم اللي قاعد في الكرسي اللي قدام ياخد الكرسي ناحيته عشان اللي قاعد ورا ممكن لازم يسيب رجله بره العربية ويركب فأرجوك اللي مش شايف الشمس في عز الظهر فمحتاج كشف بصر وبصيرة إنت بتدافغ عن إيه هي شبح دي أفيو وفيه عربيات صغيرة بس متهندسة صح حضرتك روح إتفضل إركب إسبرانزا 213 وأقعد ورا أو قدام ثم إرجع وكلمني وقوللي إني مركبتش العربية وكلامي مبني على شوفي للعربية من بره
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صديقي المواطن
أفهم من تعليق حضرتك إنك مش متابع لرأي وتعليقاتي في المنتدى عشان كده مش واصلالك وجهة نظري
أنا طول عمري بنظر للعربية نفسها مليش دعوة بسعرها نهائي بدليل أنا لسه إمبارح شاري عربيتي رقم 10 ب 2500 جنيه فقط ومحتاجة مصاريف وشغل وضرايب متأخرة حدود 7 آلاف ولكن لما تخلص وتنزل الشارع متقدرش لا حضرتك باﻷفيو ولا حتى اللي راكب سيراتو وإلانترا ممكن تسول له نفسه ويوقف جنبك في إشارة ويتخيل ولو للحظة إن عربيته أم 140 ألف مثلا أحسن من عربيتي أم 40 ألف مثلا فالعربيات في السوق المصري تنقسم لبياعة ومش بياعة فالبياعة كل الشعب بيجري وراها فتلاقي سعرها غالي يعنب حضرتك مثل بسيط مين أفخم في الشارع وأغنى وصاحب مزاج وجاذب للنظر اللي راكب اﻷفيو ولا اللي راكب مرسبدس 180 موديل 1959 ومجددها بالكامل طبعا المرسيدس أفخم ومش حتوصل بتجديدها ل 70 ألف وإحنه عندنا في مصر العربيات المسيئة ﻹسم عربيات بس كلنا بنجري وراها وعاملين ليها سوق زي أنا من وجهة نظري أرى أنه من يحط في لانوس مستعمل 50 ألف فده من وجهة نظري مسكين ومغيب وعن نفسي لا أقرب هكذا عمل وإلا سأحسب نفسي أقوم بعمل من أعمال الفجور والعصيان في حين أقدر أركب ب 40 ألف قمة الفخامة تويوتا كراون تبع حمايات رئاسة الجمهورية أو كريسيدا بنفس السعر متانة وفخامة ثم حضرتك بتتكلم في إيه هو فيه حد عاقل في كوكب اﻷرض يسيب عربية شبح ب 105 ألف ويروح يشتري إلانترا ب 160 ألف اللهم إهدي الجميع وحضرتك اللي شايفه صح ومناسب ليك إعمله وعربيتك عجباك خلاص ربنا يحفظهالك بس متجيش في منتدى سيارات وتقول أنا معايه فرسه حضرتك اﻷفيو مش أكتر من بطه عرجاء بس حتغنيك عن المواصلات وحتغنيك عن سؤال اللئيم وستؤدي الغرض
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صديقي المواطن
أرجوك لا تحمل الموضوع فوق طاقته ولا تأخذه على محمل شخصي فأنا عندما أنتقد فأنتقد عربيات وثقافة سوق ولا أنتقد أشخاص ولو رجعت لمشاركتي وقرأتها بعناية قلت لو قمت أنا بشراء سيارة ب 50 ألف فسأعتبر ذلك من أعمال الفجور والعصيان فأنا أتهم نفسي وليس اﻵخرين وإن مس كلامي شيئا يوجعك فأرجو أن تصف لي مكان منزلك وأنا أحضر بنفسي ولن أسلم عليك ولكن سأقبلك من رأسك وأنحني لك وأرحل ﻷني لا أحب أن يكون أحد خصمي يوم القيامة
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال
بص يا صدام باشا....وبالرغم إن ده هايخرج برة الموضوووع الأساسى:36_1_34[1]:.... أنا من متابعى ردودك وباهتمام كمااان:B4_095:
وموافق على أغلب أرائك .... بس يعنى أنا برضو واحد من الناس اللى بيدور على عربية يركبها :Copy of majd(4):وتغنيه عن بهدلة المواصلات وسؤال اللئيم....ومعاك قلبا وقالبا فى غرابة السوق المصرى اللى لاتحكمه قوانييين وإنى بدل ما ادفع مئات الألوف فى عربية أقل ما يقال عليها إنها عربية أقدر أدفع بضع الألوف فى مرسيدس أو بى إم دبليو أو حتى تويوتا موديل قديم شوية وأظبطها بإيدى وهاتبقى أفضل 1000000000 مرة من الجديد اللى غالى على الفاضى :36_2_49[1]:......... بس أنا هاتكلم بلسان عامة الشعب اللى بيلهث ورا لقمة العيش ومفيش عنده وقت يعمل الكلام ده :3_3_102[1]:..........وده برضه يرجع لطبيعة صنايعية مصر العزيزة..... اللى ماينفعش مثلا تسيبلهم العربية وتيجى بعد كام يوم ولا شهر حتى وتستلمها جاهزة كاملة متكاملة:coming-soon[1]:.......... لأ لازم تقعد على ايديهم و إلا أبسط ما يقال إنه مش هايشتغل فى العربية عشان عنده زباين تانيين قاعدين معاااه.... مش هاقولك بقى إنها تتقلب ولا يشتغل ويركب حاجات مش أصلية ولا ولا ولا ...... طبعا مش كل الصنايعية... كل مهنة فيها وفيها.... أنا مش بهاجمك ولكن دى وجهة نظرى إنى شايف إن الواحد بيدفع تمن قعدته عند صنايعية أو تمن الوقت اللى هايتعطله فى عربية جديدة .... وبمناسبة إن أنا كمان من ضمن الكادحين:Y_hi_3[1]: اللاهثين خلف ما يسمى بلقمة العيش أحب أسأل حضرتك تفتكر اسه الحل؟؟؟؟؟؟؟؟؟؟؟:nosmile::shyy::brea kpc2:
لا والله أنا مش زعلان ولا حاجة أنا قلت بردوة زيك إني أقفل الموضوع وما أحملش الموضوع أكبر من حجمة ... وإنت راجل عزيز علي جدا والله أعلم ومش بأقول كدة نفاق أو رياء وأنا قبل كدة قلت في مداخلة ردا عليك إنت راجل زي العسل وهأرجع أقولها لك تاني (إنت راجل زي العسل)!!!
ربنا يعوضك بأحسن منها