العربية بتعتل في الدوارة ومش بتدور
السلام عليكم ورحمة الله وبركاته
استفسار من خبراء المنتدى الكرام
انا معايا 128 موديل 90 ومن أول ما الجو بدأ يبرد وهي تقيلة في التدوير لكن كانت بتدور وإمبارح بس روحت بيها من الشغل وعديت على سوبر ماركت اشتري حاجة وجاي أدورها لقيتها عتلت ومدارتش المهم دورتها بالزق ولما وصلت عند البيت جربت ابطل وادور لقيتها لقطت في ثانية ودارت !! وانهارده الصبح عتلت برضو معايا ومدارتش غير بالزق
ف كده انا محتار حيرة جامدة منين عتلت وهي سخنة إمبارح مرة (قدام السوبر ماركت) ودارت مرة (وأنا تحت البيت بعد ما وصلت)
أرجو الإفادة وجزاكم الله كل خير