الموضوع: تجربتك في الانترفيو (تبادل خبرات)

بص انا هكتب عن تجربة الأول وبعد كده هكتب عن كام حركة جمال بعملهم اتعلمتهم من ناس برضوا

1 - كان مقابلة فى شركتي القديمة قطاع خاص بتشتغل فى مجال الطاقة الشمسية ، رحت طبعا فى المعاد وكنت عامل بحث عن الشركة وده كان مهم اوي ، كان فى واحد من ال HR ومدير المبيعات ، طبعا كان فى أسألة عادية وجاوبت ، الأهم بقى ان مدير المبيعات مكنشي مهتم وكان ماسك التليفون وعمال يشيت طول الانترفيو ، فبعد ما خلص قالي عندك أى أسألة ، قلتلة طبعا ، وطلعت النوتة اللى كنت مسجل فيها أسألتي ، وفضلت أسأل أسألة كتير جدا وبكل ثقة (مهو زي ما هو بيشوف هل انا استحق اني ابقى فى الشركة عندة لازم انا كمان اشوف هل هم يستحقوا اني اشتغل معاهم ولا لأ ) فضلت أسأل أسألة كتير معتمدة على بحثي ( مثلا كانوا عاملين اتفاقية مع شنيدر ونزلت فى الجرايد فضلت أسألة عنها وفادتهم فى اية واستغلوها ازاي ) وعن عدد العاملين فى الشركة ونظام التدريب وطموح الشركة و و و و

الأسألة دي ( بعد توفيق ربنا طبعا ) كان ليها سبب كبير فى اني استلم الشغل فى نفس اليوم

اما بخصوص الحركات

1 - Linked IN ده موقع زي الفيس بوك بس للشغل فقط ، بروفيشنال ، كل واحد بيدخل يكتب وظيفتة وبيعمل اية ويضيف الناس اللي من الشركات التانية وكده ، والشركات نفسها بتكتب تفاصيل عن نفسها ، المهم لازم يكون عندك حساب فية وتتصاحب على ناس كتير ، ولما ربنا يكرمك ويجيلك انترفيو فى شركة ، تدخل تبحث فية وتشوف هل فى حد من الشركة مسجل علية (تعرف فكر ونوعية الناس اللى اتقبلوا قبل كده) ولو فى كمان بتاع ال Hr مسجل تدخل تشوف شكلة وتشوف خبرته ( مهم جدا )

2 - أسأل عن اللى هيعمل معاك النترفيو ، وادخل على النت وابحث عنة ( مثلا قالك هتعمل الانترفيو مع أستاذ أحمد محمد ، في شركة نايل موتورز ، أقوم داخل على جوجل وكاتب ".nilemotors.net@" وكاتب جمبها Ahmed Mohamed واشوف هيطلعلي حاجه ولا لأ (فى الغالب هتلافي بإذن الله ميل لية على موقع الشركة) وبالتالي آخد الميل ده وأبحث عنة فى جوجل ( وأشوف فكرة اية وبيعمل اية وكده )

* مره قبل الجيش كان عندي انترفيو وعملت الموضوع اللى فوق ولقيت ان اللى هعمل معاه الانترفيو وكان مدير المبيعات عامل اكونت على كونتكت كار وبيبيع عربيات كتير ، ففي وسط النترفيو قالي احنا بنبيع العربيات اللى عندنا وهنجدد الأسطول فقلتلة آه منا عارف ان كان عندكم عربيات كذا وناويين تبيعوها فالراجل استغرب جدا والموضوع شدة ، المقصود انك بتحاول توصل لأكبر معلومات ممكن تساعدك جوة

شكرا جزيلا يا م/مصطفى محمود على كم المعلومات المفيدة اللي أكيد هتضيف ليا ولناس كتيير