بلا فخر مصر أول بلد في العالم تعمل process لإستعادة سيارتك المسروقه

**Angel_wolf** · 06-12-2013 06:10 PM

صاحبى لما عربية والده اتسرقت قعدو اسبوعين فى مفاوضات مع الحرامى لحد ما العربية رجعت و صاحبى سجل نمرته فى الموبايل الاستاذ حرامى وكلمه بعد رجوع العربية و شكره و قاله لو احتجناك فى اى عربية تانية مسروقة هكلمك على طول و الحرامى قاله انا تحت امرك انتو ناس محترمين و اخدمكم بعنيا

شايف الحب اللى بقى بين افراد المجتمع هى دى مصر

**MoneyWizard** · 06-12-2013 06:17 PM

ان شاء الله مصر بكره تكون افضل باذن الله

بعيد عن الكلام في السياسه لو كل انسان اشتغل بما يرضي الله البلد اللي احنا فيها حتكون احسن بلد

**mohabelnegm** · 06-12-2013 08:37 PM

ابحث عن الثواب و العقاب...لابد من هيئة من خارج جهاز الشرطة تراقب شغلهم و تحاسب كل مدير أمن و كل مأمور قسم سايبين الجرايم ديه تحصل فى دايرتهم. و الحساب يكون عسير لكل مهمل و متراخى و من ناحية تانية المأمور الللى يطلب دعم سلاح أو مجندين ياخد بدون حساب و فى نفس الوقت الحساب الشديد فى حالة التقصير. كل ده فى أيد اللى ماسك البلد دلوقتى أنه يرجع للناس أمنهم و يصدر قوانين أستثنائية للجرايم ديه و دواير محاكم سريعة و مخصوصة و أحكام تنفذ و ارادة شديدة فى تنفيذ ألأجراءات ديه...ياريت الناس تفوق و تشوف أن العدو الحقيقى هوا كل الضباع ديه اللى بتسرق بالأكراه و بتخطف و بتنهش فى الناس و الناس عمالة تنزل فى الشوارع تاكل فى بعض مؤيد فى معارض و سايبين الحيوانات دول من اللصوص و البلطجية بينهشوا فى الفريقين و اللى كسبان للأسف البلطجية و اللصوص. ياريت الناس تفوق ..