المشاركة الأصلية كتبت بواسطة lanos2004
انا الحمد لله ركبت مساعدين امامى مونرو
ومن كلام الاخوة الاعضاء انها ناشفه وبتدب جامد بس بتدى ثبات عالى
المهم نشكر الاستاذ الفاضل احمد ميدو لانه قام بالشراء وتاكد من جودة المنتج واصالته وكان سعر الشراء 450 جنيه
ونشكر الاستاذ جورج عضو نايل موتور حيث تم التركيب تحت اشرافه فى ورشته الجديده-التى تمتاز بالسرعه والدقه والسعر الحنين--اى نعم هوة مجبليش شاى بس مش مهم-
طبعا انا كنت مركب مساعدين جى ام اصلى من التوكيل من ايام الفراعنه وكانت حالتهم صفر بمعنى كلمه صفر
المهم
العربيه بالمساعدين مونرو اخر راحه وحلاوة على جنط 14 ولا نشفين ولا غيرة
لسه مجربتش على طريق سفر
تحسن فى مسافه التوقف -دة حسيت بيه عند التجربه
العربيه عليت شويه ليه معرفش بس دة حصل
نقلت تجربتى وشكرا لكم