الموضوع: وصول إلنترا 2014 فيس لفت

المشاركة الأصلية كتبت بواسطة hossam_elwani

ياسلام على السرعة فى فى كتابة التقرير والصوره الجميله دى

الشكل بقه احلى كتير من جوه ومن بره

المسجل اشيك

الفوجات استعبطو فيها ليه مش عارف هو تكملة فانوس الشبوره بفلوس يعنى !!!!!!!!

العربيه من ورا تحسها اعرضت بسبب الاكصدام الجديد الاجمل ده

الجزئيه الخاصه بلوحة التحكم فى النوافذ بقت سودا عكس الموديل السابق كانت بنفس لون الباب

بس برضه فيه مفيش بلوتوث او جلد او قماش فى الابواب او اكر داخليه نيكل او تكييف اوتو فى الفئه الى المفترض انها اعلى فئه ... غبورى الفكر

الفوانيس الاماميه روعه وخصوصا بالعدسات الى فيها واجمل من السيراتو بكتير وماعتقدش ان غبور حيجبها بعدسات

الجنوط بشعه

المهم السعر كام ومقارنه بالموديل السابق الفرق كام بالدينار عشان نعرف بالمصرى حيكون كام تقريبا

تحياتى وشكرا لمجهودك

عندك حق في كل اللي كتبته.
بالنسبه للسعر فالعربيه اللي انا صورتها دي كانت الفل أوبشنز ودي عامله 5400 دينار (إضربهم في 24,5جنيه ) يبقي المجموع تقريبا 132 ألف جنيه وتقريبا الجمارك في حدود من ستين الي سبعين ألف جنيه
بس علي فكره العربيه هنا في الكويت مازادتش كتير يعني تقريبا تلات ألاف أو أربعة ألاف جنيه مصري.

بقت احلى كتير
بس الجنوط شكلها تعباااان
و الفوانيس الى ورا ,والى قدام مش متقسمه اضائتها زى ال bmw يعنى لما الفانوس بينور بتختفى معالمه من جوه ليه!

المشاركة الأصلية كتبت بواسطة mirra

و بعدين يا استاذ عصام!!!! هو انت كل شويه تتسرق منك عربيه فى الكويت؟؟؟ اكيد دول طلاب عبد الله الصانع.

حبيبي يا ميره.
ماسمعتش صوتك بقالي كتييييييييييييييييييييييي يييييير.
شوفت اللي بيحصلي في الكويت يا محمد باشا ؟؟؟؟

الماكسيما اتسرقت ومارجعتش تاني وحتي الكورولا الكحيانه كانو عايزين يسرقوها, بس المره دي من أمام مدرسة علي خليفه الصباح علشان انا إتنقلت هناك إجباري( حصل زياده في المدرسه القديمه ونقلو اتنين انا وواحد جديد من سوريا اسمه رامي).
بس الحمد لله طلعت سليمه والإزاز هو اللي اتعور بس وماإتسرقتش

المشاركة الأصلية كتبت بواسطة m.midotec

http://www.fedv.bu.edu.eg/

أولا: أهلا بأهل القناطر الخيريه, البلد اللي اشتغلت فيها تلات سنين من أسوء أيام حياتي في مدرسه خاصه اسمها فاطمه الزهراء.
ثانيا: معلش ياباشا الرابط اللي انت حاطه ده بتاع ايه لأنه مش راضي يفتح عندي علي أي متصفح نهائيا؟